Nehemia 7 - An Bíobla Naoṁṫa 1817 (Bedell)

Caibidil VII. Do hórduiġeaḋ gaċ neiṫe le crionnaċd. 5 Geinealuiġ agus uíḃir na ndaoine a ttainic as Baibilon.

¹ Anois tárla, a nuáir do ḃí an balla déanta, agus do ċuir misi na dóirsi súas, agus na doirseóiriġ agus an luċt ceóil agus na Leḃítiġ orduiġṫe,

² Go ttug mé dom ḋearḃraṫair Hanáni, agus do Hananiah uaċdarain an ṗaláis, cúram ós cionn Ierusalem: (óir do ḃí sé na ḋuine ḟírinneaċ, agus eagla Dé ar ós cionn ṁóráin.)

³ Agus a duḃairt mé ríu, Ná hoscaltar geataḋa Ierusalem nó go ttéiġiḋ an ġrían; agus an feaḋ ṡeasfuid síadsan do leaṫtaóiḃ, druididís na doirse, agus cuiridís barraḋa orra: agus órduiġiḋ luċd faire do áitreaḃaċaiḃ Ierusalem, gaċ éanduine iona áit faire, agus gaċ áonduine do ḃeiṫ as cuinne a ṫiġe féin.

⁴ Anois do ḃí an ċaṫair fairsing mór: agus beagan daóine inte, agus níor cuireaḋ na tiġṫe súas.

⁵ ¶ Agus do ċuir mo Ḋíasa ann mo ċroiḋe na huáisle do ċruinniuġaḋ a gcionn a ċéile, agus na huaċdaráin, agus an pobal, ċor go náireoṁṫaoi íad le na nginealaċ. Agus fuáir mé leaḃar ginealuiġ na méide ṫáinig a níos a ċéad uáir, agus fuáir mé scríoḃṫa annsin,

⁶ Asíadso clann na proiḃinse, do ċuáiḋ súas as a ndaóirsine, don luċd rugaḋ ar siuḃal, agus noċ rug Nebuċadnessar ríġ na Babiloine ar siuḃal, agus ṫangadar a rís go Hierusalem agus go Iúdah, gaċ áon da ċaṫruiġ féin.

⁷ Noċ Ṫáinic le Serubbabel: Iessua, Nehemiah, Asariah, Raamiah, Nahamani, Mordecai, Bilsan, Misperet, Bigḃai, Nehum, Baanah. Do bí so uiḃir ḋaóine ṗobail Israel;

⁸ Clann Ṗaros, ḋá ṁíle céud agus seaċtṁoḋad agus días.

⁹ Clann Ṡéṗatiah, trí ċéad seaċdṁoġad agus días.

¹⁰ Clann Arah, sé ċéud cáogad agus días.

¹¹ Clann Ṗahat‐moab, do ċloinn Iessua agus Ioab, ḋá ṁíle agus oċt ccéud agus a hoċd déug.

¹² Clann Elam, míle ḋá ċéud cáogad agus ceaṫrar.

¹³ Clann Ṡattu, oċt ccéud ceaṫraċad agus cúigear.

¹⁴ Clann Ṡaccai, seaċt ccéud agus trí fiṫċid.

¹⁵ Clann Ḃinnui, sé ċéud ceaṫraċad agus oċtar.

¹⁶ Clann Ḃebai, sé ċéad fiṫċe agus oċtar.

¹⁷ Clann Asgad, ḋá ṁíle trí ċéud fiṫċe agus días.

¹⁸ Clann Adonicam, sé ċéud trí fiṫċid agus móirṡeisear.

¹⁹ Clann Ḃigḃai, ḋá ṁíle trí ḟiṫċid agus móirṡeisior.

²⁰ Clann Adin, sé ċéud cáogad agus cúigear.

²¹ Clann Ader ó Heseciah, nóċad agus oċtar.

²² Clann Hassum, trí ċéad ḟiṫċe agus oċtar.

²³ Clann Ḃesai, trí ċéud ḟiṫċe agus ceaṫrar.

²⁴ Clann Hariṗ, céud agus ḋá ḟear ḋéag.

²⁵ Clann Ġibeon, nóċad agus cúigear.

²⁶ Fír Ḃetlehem agus Netóṗah, céud ceiṫre ḟiṫċid agus oċdar.

²⁷ Fir Anatot, céud ḟiṫċe agus oċtar.

²⁸ Fir Ḃet‐Asmaḃet, ceaṫraċad agus días.

²⁹ Fir Ċiriat‐Iarim, Ċeṗira, agus Ḃeerot, seaċd ccéad ceaṫraċad agus tríur.

³⁰ Fir Ramah agus Ġeba, sé ċéud ḟiṫċe agus áon.

³¹ Fir Ṁiċmas, céud ḟiṫċe agus días.

³² Fir Ḃetel agus Ai, céud ḟiṫċe agus tríur.

³³ Fír Nebo oile, cáogad agus a dias.

³⁴ Clann an Elam oile, míle ḋá ċéud cáogad agus ceaṫrar.

³⁵ Clann Harim, trí ċéud agus ḟiṫċe.

³⁶ Clann Ieriċo, trí ċéud ceaṫraċad agus cúigear.

³⁷ Clann Lod, Hádid, agus Ono, seaċd ccéad ḟiṫċe agus áon.

³⁸ Clann Ṡenaah, trí ṁíle naói ccéud agus tríoċad.

³⁹ ¶ Na sagairt: clann Iedaia, ó ṫiġ Iessua, naói ccéud seaċdṁoġad agus tríur.

⁴⁰ Clann Immer, míle cáogad agus días.

⁴¹ Clann Ṗassur, míle ḋá ċéad ceaṫraċad agus móirṡeisior.

⁴² Clann Harim, míle agus seaċd ḃfir ḋéag.

⁴³ ¶ Na Leḃítiġ: clann Iessua, ó Ċadmiel, agus do ċloinn Hodeḃah, seaċtṁoġad agus ceaṫrar.

⁴⁴ Na cantairiġ: clann Asaṗ, céad ceaṫraċad agus oċtar.

⁴⁵ Na doirseóriġ: clann Ṡallum, clann Ater, clann Ṫalmon, clann Accub, clann Hatita, clann Ṡobai, céad tríoċad agus oċtar,

⁴⁶ ¶ Na Netinimiġ: clann Ṡiha, clann Hasuṗa, clann Ṫabaot,

⁴⁷ Clann Ċeros, clann Ṡia, clann Ṗadon,

⁴⁸ Clann Lebana, clann Hagaba, clann Ṡalmai,

⁴⁹ Clann Hanan, clann Ġiddel, clann Ġahar,

⁵⁰ Clann Reaiah, clann Resin, clann Necoda,

⁵¹ Clann Ġassam, clann Ussa, clann Ṗaseah,

⁵² Clann Ḃesai, clann Ṁeunim, clann Neṗissesim,

⁵³ Clann Ḃacbuc, clann Hacuṗa, clann Harhur,

⁵⁴ Clann Ḃaslit, clann Ṁehida, clann Harsa,

⁵⁵ Clann Ḃarcos, clann Ṡisera, clann Ṫamah,

⁵⁶ Clann Nesiah, clann Hatiṗa.

⁵⁷ ¶ Clann ṡerḃíseaċ Ṡoluiṁ; clann Ṡotai, clann Ṡoṗeret, clann Ṗerida.

⁵⁸ Clann Iaala, clann Darcon, clann Ġiddel,

⁵⁹ Clann Ṡeṗatiah, clann Hattil, clann Ṗoċeret ó Ṡebaim, clann Ammon.

⁶⁰ Na Netinimiġ uile, agus clann ṡerḃíseaċ Ṡoluiṁ, do buḋ trí ċéud nóċad agus días.

⁶¹ Agus dob íadso an ṁéid mar an ccéadna do ċuáiḋ súas ó Ṫel‐melah, Ṫel‐haressa, Ċerub, Addon, agus Immer: aċt níor ḟéadadar tiġ a naṫar dinnisin, nó a síol, an do Israel íad.

⁶² Clann Delaiah, clann Ṫobiah, clann Necoda, sé ċéad ceaṫraċad agus días.

⁶³ ¶ Agus do na sagartuiḃ: clann Habaiah, clann Ċos, clann Ḃarsillai, noċ ṫug inġean do Ḃarsillai an Gileadíteaċ na mnaoi, agus do goireaḋ íad do réir a nanma.

⁶⁴ Díarradarso a seanċus a measg na muinntire do háirṁeaḋ tré na nginealaċ, aċt ní fríṫ é: uime sin mar ḋaóine cáiḋeaċa, do cuireaḋ ón tsagartaċd íad.

⁶⁵ Agus a duḃairt an Tirsata riú, naċ íosaidís do na neiṫiḃ ro náoṁta, nó go néirġeaḋ súas lé Hurim agus le Tummim.

⁶⁶ ¶ An coṁċruinniuġaḋ uile go hiomlán, buḋ ceaṫraċad agus dá ṁile trí ċéad agus trí ḟiċṫid.

⁶⁷ Táoḃ amuiġ da noglaċaiḃ agus da mbanóglaċaiḃ, da raiḃ seaċt mile trí ċéad tríoċad agus móirṡeisior: agus do ḃí ḋá ċéad ċeaṫraċad agus a cúig dfearuiḃ ceóil agus do ṁnáiḃ ceóil aca.

⁶⁸ A neiċ, seaċt ccéad tríoċad agus a sé: múilhḋe, ḋá ċéad ceaṫraċad agus a cúig.

⁶⁹ A gcáṁuill, ceiṫre ċéud tríoċad agus a cúig: sé ṁíle seaċt ccéud agus ḟiṫċe assal.

⁷⁰ ¶ Agus ṫug cuid do ṫoġa na naiṫreaḋ ċum na hoibre. Ṫug an Tirsata ċum a nionnṁuis míle drama óir, caogad báisín, cúig cceud agus tríoċad culaiḋ ṡagairt.

⁷¹ Agus ṫugadar cuid do ṫoġa na naiṫreaḋ ċum stóir na hoibre ḟiṫċe mile drama oir, agus ḋá ṁíle agus dá ċéad punta airgid.

⁷² Agus isé méid ṫug an ċuid oile don ṗobal úaṫa ḟiṫċe míle drama óir, agus ḋá ṁíle punta airgíd, agus trí ḟiṫċid agus seaċd cculaḋaċa sagart.

⁷³ Marsin do áitiġeadar na sagairt, na Leḃitíġ, agus na doirseóiriġ, agus na Netinimiġ, agus Israel uile, iona ccaiṫreaċaiḃ; agus a nuáir ṫáinic an seaċtṁaḋ mí, do ḃádar clann Israel iona ccaiṫreaċaiḃ.