Nehemia 6 - An Bíobla Naoṁṫa 1817 (Bedell)

Caibidil VI. Bacaḋ sa nobair, ó naiṁdiḃ; 10 ó ḟaiġiḃ bréige, 17 agus ó ḟaille ḋaoine na tire.

¹ Anois tárla, a núair do ċúala Sanballat, agus Tobiah, agus Gessem an Tarábianáċ, agus an ċuid oile dar naiṁdiḃ, gur ċuir misi an balla súas, agus nar fágḃaḋ beárna ar biṫ air; giḋ nar ċuir mé fa namsin doirsi súas air na geataḋuiḃ;

² Gur ċuir Sanballat agus Gessem fios ċugam, ġá raḋ, Tárra, teagḃam re ċéile a mbaile éigin a réiteaċ Ono. Aċt do ṡaóileadarsan urċóid do ḋéanaṁ ḋaṁsa.

³ Agus do ċuir misi teaċta ċucasan, ġa ráḋ, Atáim ag déanaṁ oibre móire, uimesin ní ḟéaduim dul síos: cred fá sguirfeaḋ a nobair, an feaḋ dfúigfinnsi í, agus teaċt síos ċugaiḃsi?

⁴ Giḋeaḋ do ċuireadar fios ċugam ceiṫre huáire air an moḋso; agus do ḟreagrainnsi íad ar an ccor ccéadna.

⁵ ¶ Ann sin do ċuir Sanballat a ṡearḃḟoġantuiġ ċugam air an moḋ ccéadna an cúigeaḋ huáir le litir oscuilte iona láiṁ;

⁶ Iona raiḃ scríoḃṫa, Do hinnseaḋ a measg na ngeinteaḋ, agus a deir Gasmu é, go ḃfuil tusa agus na Iúduiġe ar tí cogaiḋ do ḋéanaṁ: an ċúis fa ḃfuil tú ag déanaṁ an ḃalla, ċor go mbeiṫeá ad ríġ orra, do réir na mbriaṫarsa.

⁷ Agus dórduiġ tú mar an gcéadna fáiḋe do ṡeanmóir ort féin ann Ierusalem, ġa ráḋ, Atá ríġ ann Iúdah: agus anois inneostar so don ríġ do réir na mbriaṫarso. Tárr anois ar a naḋḃarsin, agus déanam coṁairle re ċéile.

⁸ Ann sin do ċuir misi scéula ċuige, ġa ráḋ, Ní ḋéarnaḋ éinní don tsórt sin a deir tú, aċt tusa da ccuma as do ċroiḋe féin.

⁹ Agus do ċuireadar uile eagla oruinn, ġa ráḋ, Laigeoċtar a láṁa ó nobair, ċor naċ déantar í. Anois ar naḋḃarsin ó a Ḋía neartuiġ mo láṁa.

¹⁰ ¶ Na ḋiáiġ sin ṫáinic mé go tiġ Ṡemaiah ṁic Delaiah ṁic Mehetabel, noċ do híaḋaḋ a stiġ; agus a duḃairt seision, Téanum teagṁamáois ḋa ċéile a ttiġ Dé, a stiġ san teampall, agus druideam daoirsi an teampuill: óirtiucfaid síad dot ṁarḃaḋ; annsa noiḋċe a seaḋ, ṫiucfaid síad dot ṁarḃaḋ.

¹¹ Agus a duḃairt misi, An tteiṫfeaḋ duine mar misi? agus cía hé, do ḃeiṫ mar misi, do raċaḋ don teampall do ḋídean a anma? ní raċa misi a steaċ.

¹² Agus, ċeana, do aiṫin mé naċ é Día do ċuir úaḋa é; aċt gur ḟoillsiġ sé an tairġiresi am aġaiḋ: óir dfostóiġ Tobiah agus Sanballat é.

¹³ As uimesin do lúaċuiġeaḋ é, do ċur eagla orumsa, agus sin do ḋéanaṁ, agus peacuġaḋ, agus go ḃfuiġedís cúis droċṫúarascḃála, le maisleoċaidís mé.

¹⁴ O mó Ḋía, smuáinsi ar Ṫobiah agus ar Ṡanballat do réir a noibreaċa, agus ar an mbanḟáiḋ Noadiah, agus air an ccuid oile dona fáiġiḃ, ler ṁían eagla do ċur orumsa.

¹⁵ ¶ Marsin do ċríoċnuiġeaḋ an balla annsa ccúigeaḋ lá fiṫċiod don ṁí Elul, a ndá lá ar ċáogad.

¹⁶ Agus tárla, a núair do ċúaluiḋ ar naiṁde uile sin, agus na huile ġeinte do ḃí ar gaċ táoḃ ḋinn, a nuáir do ċoncadar na neiṫesi, do cuireaḋ síos go mór íad iona súiliḃ féin: óir do ṫuigeadar gurob ó ar Ndíane do rinneaḋ a nobairsi.

¹⁷ Tuilleaṁ oile do ċuireadar uáisle Iúdah annsna laeṫiḃ sin mórán litreaċ go Tobiah, agus do ṫigdís litreaċa Ṫobiah ċucasan.

¹⁸ Oír do ḃí mórán ann Iúdah ṫug mionna ḋó, do ḃríġ gur ċlíaṁuin é do Ṡeċaniah ṁac Arah; agus ṫug a ṁac Iohanan ínġean Ṁessullam ṁic Bereċiah.

¹⁹ Dinnseadar fós a ngníoṁa maiṫe am laṫairsi, agus dinnsedís mo ḃriaṫrasa ḋó. Agus do ċuir Tobiah litreaċa úaḋa do ċur eagla orumsa.