Neaḃruiḋeaċ 4 - An Bíobla Naoṁṫa 1817 (Bedell)

Caibidil IV Coiṁṡíneaḋ ṡabbóide na Niuduiġeaċ, agus na ccreidṁeaċ, ré a ċéile.

¹ Uime sin bioḋ faitċeas oruinn, deagla, ar dtréigean na geallaṁna uáir ár biṫ ré ḋul a steaċ na ṡuáiṁnios, go measfuiḋ áoinneaċ aguiḃse ḃeiṫ air fágḃáil.

² Oír do seanmóruiġeaḋ an soisgéul dúinne, aṁuil do rinne ḋóiḃsion mar an gcéudna: giḋeaḋ ní ḋeaċuiḋ an ḃríaṫar do ċúaladar a dtarḃa ḋóiḃ, do ḃríġ náċ raiḃ sí ar na cumusg ré creideaṁ sa druing do ċúaluiḋ í.

³ (Oir téiġemidne an dream ċreideas a steaċ sa tsuáiṁnios,) do réir mar a duḃairt sé, Ar a naḋḃarsin tug mé mo ṁionna um ḟeirg, naċ raċuid síadsan a steaċ am ṡuáíṁnios: bíoḋ gur críoċnuiġeaḋ na hoibreaċa ó ṫús an dóṁuin.

⁴ Oir laḃair sé a nionad áiriġe ar an seaċdṁaḋ lá mar so, Agus do ċóṁnuiġ Día an seaċdṁaḋ lá ón a oibriḃ uile.

⁵ Agus sa nionadsa a rís, Ní raċuid síad a steaċ am ṡuáiṁnios.

⁶ Uime sin do ḃríġ do dtuigṫear as so go raċuiḋ dream áiriġe a steaċ ann, agus naċ deaċuiḋ an dream ḋár seanmóruiġeaḋ an soisgéul ar tús a steaċ tré easúṁlaċd:

⁷ (Orduiġe sé a rís, lá airiġe, ag ráḋ a Ndáiḃi, A niúġ, a ndiáiġ a coṁḟad sin daimsir; (mar a duḃraḋ,) A niúġ má ċluin siḃ a ġúṫ, ná crúaiḋiġe ḃur gcroíḋṫe.

⁸ Oír dá dtugaḋ Iósua suáiṁneas dóiḃ, ní laiḃeóraḋ sé na ḋiáiġ so air lá eile.

⁹ Uime sin fágṫar lá suáiṁniosa ag pobal Dé.

¹⁰ Oír an tí do ċuáiḋ a steaċ ḋá ṡuáiṁneas san, do ċóṁnuiḋ sé mar an gcéudna ón á oibreaċuiḃ, aṁuil do ċoṁnuiġ Día ón á oibreaċuiḃ féin.)

¹¹ Uime sin déunam díṫċioll ré ḋul a steaċ sa tsuáiṁnios sin, deagla éunnduine ṫuitim sa neisiompláir ċéudna easúṁlaċda.

¹² Oir atá bríaṫar Dé beó, agus bríoġṁar, agus ní sa ġéire ná clóiḋeaṁ ar biṫ ḋá ḟáoḃar, agus téid sí ṫrín a steaċ go roinn a nanma agus na sbioruide, na nalt agus an smeara ré ċéile, agus is breaṫaṁ í ar smúaintiġiḃ agus ar ḃreaṫnuiġiḃ an ċróiḋe.

¹³ Agus ní ḃfuil creatúr ar biṫ naċ ḃfuil follas na ḟíaḋnuisision: aċd na huile neiṫe noċduiġe soilléir do ṡúiliḃ an tí ar a ḃfuilmidne ag laḃairt.

¹⁴ Uime sin ó atá árdsagart mór aguinn, do ċúaiḋ a steaċ sna neaṁuiḃ, Iósa Mac Dé, congṁam go daingean ar nadṁáil.

¹⁵ Oír ní ḃfuil árdsagart aguinn ris náċ féidir ar néugcruáis a ṁóṫuġaḋ; aċd air ar cuireaḋ cáṫuġaḋ sna huile neiṫiḃ a gcosaṁlaċd rinn, gan ṗeacaḋ.

¹⁶ Ar a naḋḃarsin déunam maill ré doṫċas go hárdċaṫáoir na ngrás, ċum trócaire do ġnoḋúġaḋ, agus ġrás dfaġáil dúinn ċum furtaċda a nám ríaċdanais.