Neaḃruiḋeaċ 3 - An Bíobla Naoṁṫa 1817 (Bedell)

Caibidil III Muna ccreidiom Díosa, neaċ rug barr ar Maóisi, 7 buḋ truime ḋúine, na an smaċd fuáir Israel crúaḋ-ċroiḋeaċ.

¹ Uime sin, a ḋearḃráiṫre náoṁṫa, agá ḃfuil ḃur gcuid ranna don ġairm neaṁḋa, tuguiḋ ḋá ḃur náire Absdal agus Ardṡagart ar nadṁála, eaḋon Iósa Críosd.

² Noċ do ḃí díleas don tí do órduiġ é, aṁuil do ḃí Máoisi fós ann a ṫiġsean uile.

³ Oír measdar gur fíu an fearsa glóir as óirḋearca ná Máoisi, an ṁéid gur mó onóir an tí ṫógḃas an tíġ, ná an tíġ é féin.

⁴ Oír ní ḃfuil tíġ ar bíṫ naċ duine éigin ṫógḃus é; agus an tí do ṫóg na huile neíṫe sé Día é.

⁵ Agus go deiṁin do ḃí Máoise díleas ann a ṫíġsean uile, mar ṡearḃḟoġantuiġ, ċum fíaḋnuise na neíṫeann do ḃí ċum a laḃarṫa;

⁶ Aċd atá Críosd mar ṁac a gceannas a ṫiġe féin; agár ab sinne a ṫíġ, má ċungḃamuid go daingean go teaċd don ċríċ ḋeiġeanuiġ dóṫċas agus gairdeaċas na muiniġne.

⁷ Uime sin aṁuil a deir an Sbiorad Náoṁ, a niúġ má ċluin siḃ a ġúṫ,

⁸ Ná crúaiḋiġe ḃur ccroíḋṫe, aṁuil a ló na díḃfeirge, eaḋon lá an ċaṫaiġe sa ḃfásaċ:

⁹ Sa náit ar ċuireadar ḃur náiṫreaċa caṫúġaḋ óram, ar ḋearḃadar mé, agus a ḃfacadar moibreaċa ar feaḋ ḋá ḟiċead blíaḋan.

¹⁰ Uime sin do ḃí ro ḟearg oram ris an gcineaḋ sin, agus a duḃairt mé, Atáid síad do ġnáṫ ar seaċrán ann a gcroiḋe; agus ní ḃfúaradar eólas mo ṡliġeaḋsa.

¹¹ Ionnus go dtug mé mionna um ḟeirg, Náċ raċdáois a steaċ am ṡuáiṁnios.

¹² Tuguiḋ aire riḃ, a ḋearḃráiṫre, náċ mbiáiḋ ḋroċ ċroíḋe gan ċreideaṁ ag éinneaċ aguiḃ uáir ar biṫ, ré dtuitfeaḋ siḃ ón Día ḃeó.

¹³ Aċd teagusguiḋ a ċéile go láeṫ eaṁuil, an feaḋ ġoirṫear An lá niúġ ḋe; deagla éanduine aguiḃ do ḋul a gcrúas tré ṁealltóireaċd an ṗeacuiḋ.

¹⁴ Oír atá ar gcuid do Ċríosd aguinn, má ċongṁamáoid go diongṁálta céudṫosaċ ar muiniġine go teaċd don ċriċ ḋeiġeanuiḋ;

¹⁵ An feaḋ a deirṫear, A niúġ má ċluin siḃ a ġúṫ, ná cruáiḋiġe ḃur ccróiḋṫe, aṁuil a ló na díḃfeirge.

¹⁶ Oír ar na ċluinsin, do ḋruing áiriġe, do ḃrósduiġeadar: bíoḋ náċ dearnadar uile an ṁéid ṫáinic as a Néigipt tré Ṁáoise mar sin.

¹⁷ Aċd cía an dream ré a raiḃ a ḟearg ar feaḋ ḋá ḟiṫċead blíaḋan? an é náċ ris an druing do ṗeacuiḋ, agár ṫuiteadar a gcuirp sa ḃfásaċ?

¹⁸ Agus cía an dream ḋá dtug sé mionna náċ raċdáois a steaċ ḋá ṡuáiṁnios, aċd aṁáin don luċd do ḃí easúṁal?

¹⁹ Agus do ċímid nar ḃféidir ríu dul a steaċ tré ṁíċreideaṁ.