Neaḃruiḋeaċ 13 - An Bíobla Naoṁṫa 1817 (Bedell)

Caibidil XIII Buánuġaḋ na náoiṁ-ṫeaguisg.

¹ Bioḋ gráḋ bráiṫreaṁuil go coṁnuiġeaċ eadruiḃ.

² Ná dearmaduiġ aóiḋeaċd ṫaḃairt do ċóímṫiġaċuiḃ: óir dá réir so tugadar dream áiriġe aóiḋeaċd daingliḃ gan ḟios dóiḃ féin.

³ Bíoḋ cuiṁne aguiḃ ar an druing atá ceangailte, aṁuil coiṁċeangailte riu; agus ar an druing ḟuilngeas anṡóġ, ar mbeiṫ ḋíḃ féin fós sa gcoluinn.

⁴ As onóraċ an pósaḋ a measg na nuile, agus an leabuiḋ neaṁṡalaċ: aċd béuruiḋ Día breiṫ ar luċd na drúise agus a naḋaltrannuis.

⁵ Seaċnuiḋ siḃ féin ar ṡaint; go maḋ lór liḃ na neiṫe atá a laṫair aguiḃ: oír a duḃáirt sé, Ní ḋealoċa mé riot, agus ní ṫréigfead ṫú.

⁶ Ionnus gur féidir linn a ráḋ go dána, Sé an Tíġearna mfear caḃarṫa, agus ni ḃiáiḋ eagla oram fá ní ḋar féidir do ḋuine ḋéunaṁ oram.

⁷ Bíoḋ cuiṁne aguiḃ ar luċd ḃur dtréoruiġe, noċ do laḃair bríaṫar Dé riḃ: agus leanuiḋ ḋá gcreideaṁ, ag taḃairt aire ré críoċ a gcoinḃearsáide:

⁸ Iósa Críosd a né, agus niuġ, agus go síorruiḋe an ccéudna.

⁹ Ná gluáisdear siḃ fá gcuáirt ré teagusguiḃ éugsaṁla coiṁṫiġeaċa. Oir as maiṫ an croíḋe ḃeiṫ diongṁálta a ngrás; ní a mbíaḋuiḃ, naċ deaċuiġ a dtarḃa don druing do ġnáṫuiġ íad.

¹⁰ Atá altóir aguinne, dá naċ ḃfuil a gcúṁaċdaiḃ na druing do ní seirḃis don tabearnácail ní íṫe.

¹¹ Oír na hainṁinntiġe, agá mbeireann an tárdsagart a ḃfuil leis a steaċ don níosdaḋ náoṁṫa ar son peacaḋ, loisgṫear a guirp don táoḃ a muíġ don ċampa.

¹² Uime sin do ḟúlaing Iósa an ṗáis mar an gcéudna, don táoḃ amuíġ don ġeata, ċum an ṗubail do náoṁaḋ ḋó ré na ḟuil féin.

¹³ Ar a náḋḃarsin imṫiġeam amaċ as an gcampa ċuigesion, ag iomċur masla air a ṡon.

¹⁴ Oír ní ḃfuil caṫair ċoṁnuiġeaċ aguinn ann so, aċd atá iarruiḋ aguinn ar an gcaṫruiġ atá ċum teaċda.

¹⁵ Uime sin foráileam ṫrídsion do ġnáṫ íoḋbairt ṁolta do Ḋía, eaḋon toraḋ na mbéol adṁuiġeas a ainm.

¹⁶ Ná dearmaduiġ maiṫ agus cúmann do ḋéunaṁ: óir dí dúil ag Día ann a saṁuil sin díobarṫuiḃ.

¹⁷ Táḃruiḋ úṁlaċd do luċd ḃur dtréoruiġṫe, agus ísliġe siḃ féin dóiḃ: óir bíd siad ag faire ḃur nanmann mar an luċd ḃéuras conntas úaṫaḋ, ċum so do ḋéunaṁ ḋóiḃ maille ré gáirdeaċas agus ní ré hosnaiġiḃ: óir as neaṁṫarḃaċ ḋíḃse so.

¹⁸ Déunuiḋ úrnuiġe air ar soinn: óir is muiniġneaċ sinn as coinnsías maiṫ do ḃeiṫ aguinn, ar mbeiṫ fonnṁar ḋúinn ar sinn féin diomċar go cuḃaiḋ sna huile neíṫiḃ.

¹⁹ Agus as móide ṡírim so oruiḃ, ionnus go maḋ lúaṫaide ġeáḃus siḃ mé aiseag ḋíḃ a rís.

²⁰ Agus Día na síoṫċana, tug air ais ó ṁarḃuiḃ an Tíġearna Iósa, árdáoḋaire na gcáoraċ, tré ḟuil an ċonnarṫa ṡíorruiḋe,

²¹ Go ndéuna sé siḃ diongṁalta sa nuile deaġobair, ċum a ṫola do ḋéunaṁ, ag oibriuġaḋ ionnuiḃ an neiṫe as geanaṁuil na ḟíaḋnuise, tré Iósa Críosd; dá ḃfuil glóir go sáoġal na sáoġal. Amén.

²² Iarruim fós daṫċuinge oruiḃ, a ḋearḃráiṫre, bríaṫar an tsóláis dfúlang ḋíḃ: óir do sgríoḃ mé go haiṫġearr ċúguiḃ.

²³ Bíoḋ a ḟios aguiḃ gur sgaóileaḋ an dearḃráṫair Timotéus; an tí, ré a raċa mé ḃur ḃféuċáin, má ṫig sé go goirid.)

²⁴ Teannuiḋ riḃ ḃur nuile luċd tréoruiġe, agus na naóiṁ uile. Cuirid na Headáilliġ a mbeannaċd ċuguiḃ.

²⁵ Grása maille riḃ uile. Amén