Nahum 2 - An Bíobla Naoṁṫa 1817 (Bedell)

Caibidil II. Iaḋaḋ agus airgeaḋ Nineḃeh, leis na Caldeánaċaiḃ.

¹ An té ḃrisios a mbloḋuiḃ ṫáinic sé as coinne haiġṫe: taisgiḋ an daingion, coiṁéad an tsliġe, déana do leasraċ láidir, neartuiġ do ċuṁaċda go láidir.

² Oír do ċuir an TIĠEARNA oirḋearcus Iácob ar ccúl, mar oirḋearcus Israel: óir do ḟolṁuiġeadar luċt a nfolṁuiġṫe íad amaċ, agus do ṁilleadar a mbeangáin fíneaṁna.

³ Do rinneaḋ scíaṫ a ḋáoineaḋ neartṁara dearg, atáid na fír ċúrata a scairléad daite: biáid na carbuid maille ré tóirsiġiḃ lasaṁla a ló a ullṁuiġṫe, agus béid na crainn ġiuṁuis ar crioṫ go húaṫḃásaċ.

⁴ Béid na carbuid ar buile annsna sraidiḃ, gleicfiḋ gaċ díoḃ ré ar oile annsna sliġṫiḃ leaṫna: taisbeanfuid aṁuil tóirsiḃ, rioṫfuid cosṁuil ré teine.

⁵ Aiṫṁeasfuiḋ sé a ḋaóine onóraċa: do ġeaḃuid síad tuisleaḋ iona siuḃal; do ḋéanuid deiṫnios ċum a ḃallasin, agus gléasfuiġear a ḋaingean.

⁶ Oisceoltar geataḋa na sroṫann, agus scaóilfiġear an pálás.

⁷ Agus béarṫar Husab ar siuḃal a láiṁ, do ḃéarṫar súas í, agus tréoroċuid a cailíniġ í aṁuil buḋ le gúṫ colum, ag búalaḋ a noċta.

⁸ Aċt atá Nineḃeh ó nallód cosṁuil ré lóċán uisce: giḋeaḋ teiṫfid rompa. Seas, seas, éiġfid síad; aċt ni ḟéuċfuiḋ éanduine ná ḋiáiġ.

⁹ Glacaiḋ siḃsi a néadáil airgid, glacaiḋ a néadáil óir: óir ní ḃfuil críoċ air an stór agus glóir amaċ as an ttrealaṁ mbreáḋa.

¹⁰ Atá sí folaṁ, agus fáon, agus na fásaċ: agus leaġoiḋ an croiḋe, agus buailid na glúine a ċéile, agus atá iomad péine ann a nuile leasraċuiḃ, agus cruinniġiḋ a naiġṫe uile duiḃe.

¹¹ Cáit a ḃfuil coṁnuiġe na leoṁan, agus ionad beaṫa na leoṁan óg, mar a siuḃluiġionn leoṁan, eaḋon an seinleoṁan, agus cuiléin na leoṁan, agus ní ċuirionn duine ar bioṫ eagla orra?

¹² Dfúaduiġ an leoṁan go lór da ċuiléanuiḃ, agus do ṫeaċd sé dá leoṁanuiḃ buinionna, agus do líon sé a úaṁa lé creiċ, agus a ṗruċlais lé fúadaċ.

¹³ Féuċ, atáimsi ad aġaiḋ, a deir TIĠEARNA na slóġ, agus loiscfíḋ mé a carbuid a ndeataċ, agus sluigfiḋ an cloiḋeaṁ a leoṁuin óga: agus géarrfa mé do ċreaċ ón ttalaṁ, agus ní cluinfiġear guṫ do ṫeaċtaḋ ní is mó.