Micah 6 - An Bíobla Naoṁṫa 1817 (Bedell)

Caibidil VI. Na hioḋbarṫa ṫaitneaṁas re Día.

¹ Eistiġsi anois an ní a deir an TIĠEARNA; Eiriġ, caṫaiġ anois as coinne na slíaḃ, agus cluindís na cnuic do ġuṫ.

² Eístiġsi, a ṡléiḃte, imreasan an TIĠEARNA, agus siḃsi a ḃunáite láidre na talṁan: óir atá imreasan aig an TTIĠEARNA re na ḋaóiniḃ, agus taigeoruiḋ sé ré Hísrael.

³ O mo ṗobal, créd do rinne misi oruiḃ? agus créd ann a ndéarna mé tuirseaċ siḃ? fíaġnuiġiḋ féin am aġaiḋ.

⁴ Oír ṫug mé súas siḃ as críċ na Hégipte, agus dfúascail mé siḃ as tiġ na seirḃíseaċ; agus do ċuir mé roṁuiḃ Maóise, Aáron, agus Míriam.

⁵ O mo ṗobal, cuiṁniġiḋ a nois créd do ċoṁairliġ Balac ríġ Ṁóab, agus cred do ḟreagair Bálaam ṁac Beor ḋó ó Ṡittim go Gilgal; ċor go naiṫeontaóise fíréantaċt an TIĠEARNA.

⁶ ¶ Cioḋ le ttiucfa mé a ḃfíaḋnuise an TIĠEARNA, agus lé ccláonfad mé féin a laṫair an Dé aird? an ttiucfa mé dá laṫair le hofráluiḃ loisge, le gaṁnuiḃ do ḃlíaḋain dáois?

⁷ An mbiáiḋ an TIĠEARNA toileaṁuil air ṁíltiḃ do reiṫiġiḃ, nó lé deiċ míle do ṡroṫaiḃ ola? an ttiuḃra mé mo ċéidġin arson mo ċiontaḋ, toraḋ mo ċuirp ar son ṗeacaiḋ manma?

⁸ Do ṫaisbéin sé ḋuit, a ḋuine, cred is maiṫ; agus créd íarrus an TIĠEARNA ort, aċt ceart do ḋéanaṁ, agus trócaire do ġráḋuġaḋ, agus siuḃal go huṁal le do Ḋía?

⁹ Eíġiḋ gúṫ an TIĠEARNA air an ccaṫruiġ, agus do ċífiḋ fear na heagna hainm: éistiġsi an tslat, agus an té dórduiġ í.

¹⁰ ¶ An ḃfuilid fós ionnṁuis a nuile a ttiġ an ċiontuiġ, agus an miosúr gann atá aḋḟúaṫṁar?

¹¹ An measfa mé glan íad leis na droċċoṁṫromuiḃ, agus le mála ċoṁṫrom meallta?

¹² Oír atáid a ndaóine saiḋḃre sin lán dfoiréigion, agus do laḃradar a náitreaḃṫuiġ bréuga, agus is cealgaċ a tteanga iona mbéul.

¹³ Uimesin mar an ccéadna do ḋéana misi tinn ṫú lé do ḃúalaḋ, dot ḋéanaṁ áonránaċ do ḃríġ do ṗeacaḋ.

¹⁴ Iosuiḋ tú, aċt ní ḃiáiḋ tú sáiṫeaċ; agus biáiḋ do ṫeilgion síos ann do lár; agus ḃéaruiḋ tú greim, aċt ní ṡáorfa tú; agus do ḃéara misi an ní ṡáorfas tú don ċloiḋeaṁ.

¹⁵ Cuirfe tú síol, agus ní tú ḃeanfas; brúiġfiḋ tú crainn ola, aċt ní ungṫa tú ṫú féin lé hola; agus fíon milis, aċt ní ioḃṫa tú fíon.

¹⁶ ¶ Oír atá reaċt Omri ar na ċoiṁéad, agus uile oibreaċa ṫiġe Ahab, agus siuḃoluiġ siḃsi iona ccoṁairleaċaiḃ; ċor go ndéanuinnsi fásaċ ḋíot, agus magaḋ dá ḋúṫċusaiḃ: uimesin iomċorṫaói náire mo ṗobail.