Micah 3 - An Bíobla Naoṁṫa 1817 (Bedell)

Caibidil III. Dísciornaċt na bprionnsa, 5 feall na bfáġ, 11 agus a suaiṁneas neaṁḟocraċ faraón.

¹ Agus a duḃairt misi, Eistiġ, íarruim daṫċuinge oruiḃ, a ċeanna Iácob, agus siḃsi a ṗrionnsaḋa ṫiġe Israel; Naċ cóir ḋaóiḃse fios breiṫeaṁnuis do ḃeiṫ aguiḃ?

² Noċ ḟúaṫuiġios an ṁaiṫ, agus ġráḋuiġios an tolc, noċ ṫairngios a ccroicionn díoḃ, agus a ḃfeóil dá ccnáṁuiḃ;

³ Noċ fós iṫios feóil mo ḋaóine, agus ḟeannus a ccroicionn díoḃ; agus brisid a ccnáṁa, agus gearruid na ccodċaiḃ, íad mar buḋ ċum an ṗota, agus mar ḟeóil annsa ċoire.

⁴ Annsin éiġfid síad ċum an TIĠEARNA, aċt ní éistfiḋ sé ríu: eaḋon foileoċuiḋ sé a aġaiḋ úaṫa san namsin, mar do iomċradar íad féin go holc iona ngníoṁuiḃ.

⁵ ¶ Is marso a deir an TIĠEARNA a ttáoḃ na bfáġ ḃeir air mo ṗobal earráid do ḋéanaṁ, noċ ḃeirios greim re na ḃfíaclaiḃ, agus ḟúagrus, Síoṫċáin; agus ullṁuiġid cogaḋ a naġaiḋ an té, naċ ccuirionn ann a mbéul:

⁶ Uimesin biáiḋ a noiḋċe ḋíḃ, iondus naċ ḃfaicfiḋe fis; agus biáiḋ dorċa ḋíḃ, iondus naċ ḃfaistinfiġe; agus raċuiḋ an ġrían faói ós cionn na ḃfáġ, agus biáiḋ an lá dorċa ós a ccionn.

⁷ Annsin ḃías náire ar na feiṫṁeóiriḃ, agus buáiḋearṫar na fáistiniġ: fós, foileoċuid uile a mbéil; óir ni ḃfuil freagra air bioṫ ó Ḋía.

⁸ ¶ Aċt go deiṁin atáim lán do ċuṁaċtaiḃ maille ré spiorad an TIĠEARNA, agus do ḃreiṫeaṁnus, agus do ċumas, do ṫaisbeanaḋ a ṡáruiġṫe do Iácob, agus do Israel a ṗeacaḋ.

⁹ Eistiġ so, íarruim daṫċuinge oruiḃ siḃsi cinn ṫiġe Iácob, agus prionnsaḋa ṫiġe Israel, ġráineas re breiṫeaṁnus, agus ċuirios a nuile ċeart bun ós cionn.

¹⁰ Cuirid síad súas Sion le fuil, agus Ierusalem le héigceart.

¹¹ Do ní a ccinn sin breiṫeaṁnus air luáiġeaċt, agus teagasguid a sagairt ar ṫúarustal, agus fáistiniġid a ḃfáiġe ar airgiod: giḋeaḋ luiġfid air an TTIĠEARNA, agus a déaruid síad, Naċ ḃfuil an TIĠEARNA ar measg? ní ḟéadann olc ar biṫ teaċt oruinn.

¹² Uimesin treaḃoċṫar Sion ar ḃur sonsa aṁuil maċaire, agus biáiḋ Ierusalem na cárnuiḃ, agus slíaḃ an tiġe mar áitiḃ árda na foraóise.