Micah 1 - An Bíobla Naoṁṫa 1817 (Bedell)

Caibidil I. Is úaṫḃásaċ fearg Dé ḃí, anaġaiḋ aḋraḋ na ndée breige.

¹ Briaṫar an TIĠEARNA ṫáinic go Micah an Morastiteaċ a laéṫíḃ Iotam, Ahas, agus Heseciah, ríġṫe Iúdah, noċ do ċonnairc sé a ttaoḃ Ṡamária agus Ierusalem.

² ¶ Eistiġ, a ṗobal uile; cluin, a ṫaluiṁ, a nuile ní dá ḃfuil ann: agus bíoḋ an Tiġearna DIA na ḟíaḋnuise ḃur naġaiḋsi, an Tiġearna ó na ṫeampall náoṁṫa.

³ Oír, féuċ, tiucfuiḋ an TIĠEARNA as a áit, agus tiucfuiḋ a núas, agus sailteora sé air áitiḃ árda na talṁan.

⁴ Agus leagfuiġear na sléiḃte faói, agus scoiltfiġear na gleanta, aṁuil céir as coinne na teineaḋ, agus aṁuil na huisgeaḋa dóirtior síos re fánuiġ.

⁵ Ar son saruiġṫe Iácob atá so uile, agus ar son ṗeacaḋ ṫiġe Israel. Cred é sáruġaḋ Iácob? naċ í Samária? agus cred íad áite árda Iúdah? naċ í Ierusalem?

⁶ Uimesin do ḋéana misi Samária mar ċárn don ṁaċaire, agus ṗlannduġaḋ fineaṁna: agus dóirtfiḋ mé a cloċa síos annsa ġleann agus léigfe mé a duṫraċ ris.

⁷ Agus brisfiġear a híoṁáiġe greanta uile a mbloġuiḃ, agus loisgfiġear le teine a tuillṁiġ uile, agus leagfa mé a hioḋail uile áonránaċ: oir do ċruinniġ sí íad do ṫuilleaṁ meirdriġe, agus fillfid ċum tuillṁe meirdriġe.

⁸ Uimesin caóiḋfiḋ mé agus núallfuiḋ mé, imeoċa mé tárnoċd agus lomnoċd: do ḋéana mé gearán mar na draguin, agus cúṁa mar na hulċaḃcanuiḃ.

⁹ Oír is doileiġios a cneaḋ; óir ṫáinic sé go Iúdah; ṫáinic sé go géata mó ṗobail, eaḋon go Hierusalem.

¹⁰ ¶ Ná foillsiġ é ann Gát, ná guiliḋ ar áonċor: a ttiġ Aṗrah iompoiḋ ṫú féin annsa lúaiṫreaḋ.

¹¹ Imṫiġ roṁad, a áitreaḃṫaċ Saṗir, ar mbeiṫ dod náire leis: ní ṫáinic Saanan amaċ a ngolġáir Ḃet‐esel; glacfuiḋ sé a ṡeasaṁ uáiḃsi.

¹² Oír do ḟeiṫ áitreaḃṫaċ Márot go furaċair ar ṁaiṫ: aċt ṫáinic olc a núas ón TTIĠEARNA go geata Ierusalem.

¹³ O ṫusa a ḋúṫċusaiġ Laċis, ceangail an carbad don ḃeaṫaċ lúaṫ: isí is tosaċ peacaiḋ dinġin Sion: óir do fríṫ sáruiġṫe Israel ionnadsa.

¹⁴ Uimesin do ḃéara tú tioḋlaiceaḋa do Ṁor‐eset Ġát: biáiḋ tiġṫe Aċsib na mbréig do ríġṫiḃ Israel.

¹⁵ Ṫairis sin do ḃéara mé oiġre ċugad, a áitreaḃṫaċ Maresah: tiucfuiḋ sé go Adullam glóir Israel.

¹⁶ Déana máol ṫú, agus beárr ṫú féin air son do ċloinne breáġḋa; fairsingiḋ do ṁaóile mar a niolar; óir do ċúadar uáit a mbraiġdionas.