Marcus 3 - An Bíobla Naoṁṫa 1817 (Bedell)

Caibidil III Do leiġis Iosa gaċ tinneas, 13 agus ṫóġ an da deisciobail dég.

¹ Agus dó ċúaiḋ Iósa a sdeaċ a rís don tsionagóig; agus do ḃi neaċ ann sin agá raiḃ a láiṁ ar na seargaḋ.

² Agus do ḃádar agá ḃraṫ, an sláinéoċaḋ sé é san tsabbóid; ionnus go gcuirfidís cúis air.

³ Agus a deir sé ris an duine agá raiḃ an láṁ ṡeargṫaiġ, Ṡeasaṁ a meaḋón ċáiċ.

⁴ Agus a duḃairt sé riusan, An ceaduiġeaċ maiṫ, ná olc do ḋéanaṁ san tsabbóid? anam do ṡlánuġaḋ, nó do ṁarḃaḋ? Aċd do éisdeadarsan.

⁵ Agus ar ḃfeaċain go feargaċ orrṫasan na ṫímċeall, ar ngaḃáil dóilġis ċuige ar son ċrúais a gcróiḋeaḋsan, a duḃairt sé ris an duine, Sín a maċ do láṁ. Agus do ṡín: agus do haiseagaḋ a láṁ slán mar an láiṁ eile.

⁶ Agus ar ndul a maċ do na Ṗairisíneaċuiḃ, do rinneadar coṁairle ar an mball le muinntir Iorúaiṫ na aġaiḋsion, cionnas do ṁíllḟidís é.

⁷ Aċd do ċúaiḋ Iósa maille ré na ḋeisclobluiḃ do leaṫ táoiḃ ċum na fairge: agus do lean slúaġ mor on Ġalilé, agus ó ṫír Iúdaiġe é.

⁸ Agus ó Ierusaléím, agus ó Iduméa, agus ón táoḃ ṫall do Iórdán; agus an dream do aitreaḃ timċeall Tírus agus Sidon, an tan do ċúaladar méud na neiṫeaḋ do rinne se, tangadar ċuige buiḋan ṁór.

⁹ Agus a duḃairt seisean ré na ḋeisciobluiḃ, long ḃeag do ḃeiṫ do ġnáṫ ag feiṫeaṁ air ón tslúaġ, ionnus naċ brúiḋfidís é.

¹⁰ Oír do ṡlánuiġ sé mórán; ionnus gur lingeadar air an ṁéid ar a raḃadar easláinteaḋa, do ċum go gcuiméolaidís ris.

¹¹ Agus an tan do ċidís na spioraidiġe neaṁġlana é, do ṡléaċdaidís do, agus do éiġṁidís, ag ráḋ, Is tusa Mac Dé.

¹² Aċd do ḃagair séisean go mór orrṫa, do ċum naċ ḃfoilseoċaidís é.

¹³ Agus do ċúaiḋ sé súas an tansin ar ṡliáḃ, agus do ġoir sé ċuige an dream do buḋ toil leis: agus tangadar ċuige.

¹⁴ Agus do órduiġ sé ḋá ḟear ḋéug do ḃeiṫ na ḟoċair, do ċum go cuirfeaḋ sé do ḋéunaṁ seanmóra íad,

¹⁵ Agus go mbíaḋ aca cuṁaċda easláinteaḋ do léiġeas, agus deaṁain do ṫeilgean amaċ:

¹⁶ Agus air Ṡiómon tug sé Peadar mar ainm;

¹⁷ Agus Séumas mac Sebede, agus Eóin dearḃraṫair Ṡéumuis; (agus tug sé Boanérges danmanuiḃ orrṫa, is ionann sin ré ráḋ, agus Clann na tóirrníġe:)

¹⁸ Agus Aindriás, agus Ṗilip, agus Bartoloméus, agus Maṫa, agus Tomás, agus Séumas mac Alṗéi, agus Tadéus, agus Siómón an Canániteaċ,

¹⁹ Agus Iúdas Iscáriot, an tí do ḃraiṫ é, agus tangadar don tiġ.

²⁰ Agus do ċruinniġeadar an tslúaġ a rís, ionnus nar ḃéidir léo fíu an ḃíḋ do ċaiṫeaṁ.

²¹ Agus an tan do ċúaladar a ċáirde so, tangadar a maċ do ḃreiṫ air: óir a duḃradar, Go raiḃ sé ar míċéill.

²² Agus a duḃradar na sgríobuiḋe ṫáinic a núas ó Iérusaléim, Go raiḃ Beelsébub ann, agus gur ab tré ṗrionnsa na ndeaṁan do ċuireaḋ sé na deaṁain ámaċ.

²³ Agus do ġoir sé ċuige íad, agus a duḃairt sé a gcosaṁlaċduiḃ ríu, Cionnas is éidir lé Sátan Sátan do ṫeilgean amaċ?

²⁴ Agus ma ḃíonn ríoġaċd roinnte na haġaiḋ féin, ní héidir leis a ríoġaċd sin seasaṁ.

²⁵ Agus ma ḃíonn tiġ rionnte na aġaiḋ féin, ní héidir leis a tiġ sin seasaṁ.

²⁶ Agus má éirġeann Sátan na aġaiḋ féin, agus go mbía sé roinnte, ni héidir leis seasaṁ, aċd atá deireaḋ aige.

²⁷ Ní héidir le neaċ ar biṫ dul a sdeaċ go tiġ duine láidir, agus a airnéis tiġe ḋfúadaċ leis, muna ccuiḃriġe sé ar tús an duine láidir úd; agus ann sin sladfuiḋ sé a ṫiġ.

²⁸ A deirim riḃ go fírinneaċ, Go maiṫfiṫear na huile ṗeacaḋ do ċlannuiḃ na ndáoine, agus gaċ blaisṗéime dá laiḃéoruid:

²⁹ Aċd giḋ bé déaras blaisṗeíme a naġaiḋ an Spioraid Náoiṁ, ní ḟáġann sé maiṫfeaċus ċoiḋċe, aċd atá sé cionntaċ ón ḃreiṫeaṁnus ṡiorruiġe:

³⁰ Oír a duḃradar, Is spiórad neaṁġlan atá aige.

³¹ Uime sin tangadar a ḋearḃráiṫre agus a ṁaiṫar, agus, ar seasaṁ a muiġ ḋóiḃ, do ċuireadar fios ċuigesion dá ġairin.

³² Agus do ṡuiḋ an slúaġ na ṫimċeall, agus a duḃradar ris, Féuċ, atá do ṁaṫair agus do ḋearḃráiṫre a muiċ ad iárruiḋ.

³³ Agus ar ḃfregra ḋóiḃ, a duḃairt sé, Cia hí mo ṁaṫair, nó mo ḋearḃraiṫre?

³⁴ Agus ar ḃféaċain ar an muinntir do ḃí na suiḋe na ṫimċeall, a deir sé, Féuċ mo ṁaṫairsi agus mo ḋearḃraiṫre!

³⁵ Oir giḋ bé neaċ do ḋéana toil Dé, is é so mo ḋearḃráṫair, agus mo ḋeirḃṡiúr, agus mo ṁaṫair.