Marcus 2 - An Bíobla Naoṁṫa 1817 (Bedell)

Caibidil II Iósa ag suiġe ċum bíḋ le peacaċuiḃ, 18 do ġaḃ sé leiṫsgeul a ḋeisciobal.

¹ Agus a gcionn ḃeagáin aimsire na ḋíaġ sin do ċuáiḋ sé a rís go Capernáum; agus do clós eisean do ḃéiṫ a dtiġ.

² Agus ar an mball do ċruinníġeadar móran a gceann a ċéile, ionnas nar ṫuilleadar ann sna hionadaiḃ a dtimċeall ann doruis: agus do rinne sé an ḃriaṫar do ṡeanmóir ḋóiḃ.

³ Agus tangadar ċuige dream, ag iomċar ḟir pairilisi, agá raiḃ ceaṫrar dá iomċar.

⁴ Agus do ḃriġ nár ḃéidir léo teaċd a ngar ḋó ón tslúaġ, do noċadar mullaċ an tiġe an a raiḃ sé: agus ar na ṗollaḋ ḋóiḃ, do léigeadar sios lé téudiḃ an leabuiḃ ann a raiḃ na pairilisi na luiġe.

⁵ Agus an tan do ċonnairc Iósa a gcreideaṁ, a duḃairt sé ré fear na pairilisi, A ṁic, a táid do ṗeacaiḋ ar na maiṫeaṁ ḋuit.

⁶ Aċd do ḃádar drong áiriġe do na sgríobuiḋiḃ na suiḋe ann sin, agus íad ag smúaintiuġaḋ an a gcróiḋṫiḃ féin,

⁷ Créad fá laḃrann an fear so blaisṗeimiġe mar so? cia ḟéudus peacuiġ do ṁaiṫeaṁ aċd Día na áonar?

⁸ Agus ar an mball ar na aiṫne Diósa an a spíoraid féin go raḃadarsan ag smuáintiuġaḋ mar sin ionnta féin, a duḃairt sé ríu, Créd fá smuáintisi na neiṫesi an ḃur gcroiḋṫiḃ?

⁹ Cía is usa a ráḋ ré fear na pairilisi, A táid do ṗeacuiġ ar na maiṫeaṁ ḋuit; na a ráḋ, Eiriġ, agus tóguiḃ do leaba, agus sioḃail?

¹⁰ Aċd ionnas go mbeiṫ a ḟios agaiḃ go ḃfuil cuṁaċda ag Mac an duine peacaiġ do ṁaiṫ ar an dtalaṁ, (a deir sé ré fear na pairilisi,)

¹¹ A deirimsi riot, Eiriġ, agus tóguiḃ do leabuiḋ, agus imṫiġ dod ṫiġ.

¹² Agus do éiriġ seisean ar an mball, agus ar dtógḃáil a leabṫa, do ċuáiḋ sé a maċ na ḃfíaḋnuisi uile; ionnas gur ġaḃ úaṫḃás íad uile, agus go dtugadar glóir do Ḋía, ag ráḋ, Ní ḟacamairne a leiṫeid so a ríaṁ.

¹³ Agus do ċúaiḋ sé a maċ a rís ċum na fairge; agus táinic an slúaġ uile ċuige, agus do ṫeaguisg sé íad.

¹⁴ Agus ag gaḃáíl ṫáiris dó, do ċonnairc sé Léḃi mac Alṗéi na ṡuiḋe ag bórd an ċusduim, agus a duḃairt sé ris, Lean misi. Agus ar néirġe ḋosan do lean sé é.

¹⁵ Agus tarla, an tan do ṡuiġ Iósa ċum bíḋ an a ṫiġ súd, gur ṡuiġeadar mórán puiblicán agus peacaċ fós ma ráon ré Hiósa agus ré na ḋeisciobluiḃ: óir do ḃádar móran, agus do leanadar é.

¹⁶ Agus an tan do ċonncadar na gríobuiḋe, agus na Ṗairisíniġ eision ag caiṫeaṁ bíḋ a ḃfoċair na bpubliocá agus na bpeacaċ, a duḃradar ré na ḋeisciobluiḃ, Créd fá níṫeann agus fá niḃeann sé a ḃfoċair na bpubliocán agus na bpeacaċ?

¹⁷ Agus an tan do ċúaluiḋ Iósa so, a duḃairt sé ríu, Ni ḃfuil ríaċdanus ag na dáoiniḃ slána ré liaiġ, aċd ag na dáoiniḃ easlán. Ní ṫáinic misi do ġairm na ḃfiréunaċ, aċd na bpeacaċ ċum aiṫríġe.

¹⁸ Agus do ṫroisgeadar deisciobail Eóin agus na Ḃṗairisíneaċ: agus tígid agus a deirid risean, Créd fá dtroisgid deisciobail Eóin agus na Ḃṗairisíneaċ, agus naċ déunid do ḋeisciobailsi trosgaḋ?

¹⁹ A duḃairt Iósa ríu, A nféidir lé clóinn séomra an ḟir núaṗósda, an fad ḃías an fear núaṗósda na ḃfoċair trosgaḋ do ḋéanaṁ? an fad a tá an fear núaṗósda aca na ḃfoċair, ní ḟéidir leo trosgaḋ do ḋeanaṁ.

²⁰ Aċd tiocfuiḋ na laéṫe, an a mbéurṫar úaṫa an fear núaṗósda, agus ann sin do ḋéanuid trosgaḋ ann sna laéṫiḃ sin.

²¹ Agus ní ḟúaiġeann neaċ ar biṫ preabán déudaċ núa lé seinéudaċ: nó beanuiḋ an prebán núa úd cuid don tseineudaċ, agus is móide an briseaḋ.

²² Agus ní ċuireann neaċ ar biṫ fíon núa a seanḃuidéuluiḃ: nó brisiḋ an fíon núa na buidéil, agus dóirteár an fíon, agus téid na buidéil a muġa: aċd is a mbuidéuluiḃ núaḋa is cóir fion núa do ċur.

²³ Agus tárla, ag gaḃáil tré ġortuiḃ ḋó isin tsábboid; gur ṫionnsgnadar a ḋeisciobail, ag soiḃal na slíġeaḋ déusa do ḃúain.

²⁴ Agus a duḃradar na Ṗairisiniġ ris, Féuċ, créd fá ndéanuiḋ síad sa tsabboid an ní naċ ceaduiġṫeaċ?

²⁵ Agus a duḃairt seisean ríu, An né nar léaġaḃair a ríaṁ créud do rinne Dáiḃi, an tan do ḃí ríaċdanus air, agus do ḃí ocrus air, é féin, agus ar an ṁúinntir do ḃí maille ris?

²⁶ Cionnas do ċúaiḋ se a sdeaċ a dtiġ Dé an tan do ḃí Abiaṫar na árdṡagart, agus do iṫ sé arán na fíaḋnuisi, naċ ar ċeaduiġeaċ diṫe aċd do na sagartuiḃ, agus fós tug sé é don dréim do ḃí maille ris?

²⁷ Agus a duḃairt sé ríu, Is ar son an duine do hórduiġeaḋ an tsabbóid, agus ní ar son na sabbóide an duine.

²⁸ Ar an aḋḃarsin is Tiġearna Mac an duine ar an tsabboid féin.