Marcus 16 - An Bíobla Naoṁṫa 1817 (Bedell)

Caibidil XVI Eiserġe Ċríosd, 12 a ṫaisbeanaḋ fein, 19 agus a ġaḃala súas ar neaṁ.

¹ Agus ar ndul don tsabbóid ṫárrsa, do ċeannuiġ Muire Magdalén agus Muire maṫair Ṡéumuis, agus Salóme, spíosraḋ deaġḃaluiḋ, ċum go dtiocfaidis agus go nungfaidis é.

² Agus tangadar go roṁoċ ar maidin an ċéd lá don tseaċdṁuin, ċum an túama lé héirġe na gréine.

³ Agus a duḃradar eatorra féin, Cía iompeoċas ḋúinn an leac ó ḋorus an túama?

⁴ Agus ar ḃféaċain dóiḃ, do ċonncadar an ċloċ ar na hiomlat: óir do ḃí si roṁór.

⁵ Agus ar ndul sdeaċ ann sa túama ḋóiḃ, do ċonncadar ógánaċ na ṡuiḋe ar a láiṁ ḋeis, iomá raiḃ éudaċ fada gléġeall; agus do ġaḃ úaṫḃás íad.

⁶ Agus a duḃairt seisean ríu, Ná bíoḋ eagla oraiḃ: A táṫaói ag iarruiḋ Iósa Nasarḋa, do céasaḋ: do éiriġ sé; ní ḃfuil sé ann so: féuċ a náit an ar cuireadar é.

⁷ Aċd imṫiġiḋ, innisiḋ dá ḋeisciobluiḃ agus do Ṗeadar go ḃfuil sé ag dul roṁuiḃ don Ġalilé: do ċifiḋe ann sin é, mar a duḃairt sé riḃ.

⁸ Agus ar nimṫeaċd dóiḃsean a maċ go deiṫniosaċ, do ṫeiṫeadar ón túama; óir do ḃí críṫ agus úaṫḃás orrṫa: agus níor laḃradar ní ar biṫ ré héinneaċ; óir do ḃí eagla orrṫa.

⁹ Agus ar neiséirġe Díosa ar maidin an céd lá don tseaċdṁuin, do ṫaisbén sé é féin ar tús do Ṁuire Ṁagdalén, as ar ṫeilg sé seaċd ndeaṁain.

¹⁰ Agus ar nimṫeaċd disi do ḟoillsiġ sí sin don druing do ḃi na ḟoċair sean, do ḃí ag gul agus ag caói.

¹¹ Agus an tan do ċúaladarsan, eisean do ḃeiṫ béo, agus go ḃfacuiḋ sis é, nir ċreideadar.

¹² Aċd tar éis so, do ṫaisbén seisean é féin do ḋías aca, a gcruṫ eile mar ṡíuḃáileadar, agus íad ag dul fan dtuḋáiṫ.

¹³ Agus do imṫiġ siadsan, agus do ḟoillsiġeadar sin do ċuid eile: giḋeaḋ níor ċreideadar íadsan fós.

¹⁴ Fa ḋeiriḋ ar mbeiṫ ar áonḃall do naóinḟear ḋég do ṫaisbéan sé é féin dóiḃ, agus do ċuir sé na aġaiḋ a míċreideaṁ agus a gcrúas croiḋe, tré nár ċreídeadar don druing do ċonnairc é ar neiséirġe.

¹⁵ Agus a duḃairt sé ríu, Imṫiġiḋ ar feaḋ an doṁain uile, déanuiḋ an soisgéul do ṡeanmóir do gaċ uile ċreatúir.

¹⁶ Giḋ bé ċreidfeas agus ḃaisdfiṫear slainéoċṫar é; aċd giḋ bé naċ ccreidfi daiméontar é.

¹⁷ Agus leanfuid na coṁarṫuiġesi an dream de ċreidfeas; Sgriosfuid síad deaṁuin tré mainmsi; laiḃéoruid lé teangṫuiḃ núaḋa;

¹⁸ Toigéuḃaid naiṫreaċa neiṁe; agus má iḃid ni marḃṫaċ ar biṫ, ni ġoirtéoċa sé íad; cuirfid láṁa ar na daóniḃ éagcruaiḋe, agus béid síad slán.

¹⁹ Agus tar éis an Tiġearna do laḃairt ríu, do gaḃaḋ súas ar neaṁ a rís é, agus do ṡuiḋ sé ar deis láiṁ Dé.

²⁰ Agus ar ndul a maċ ḋóiḃsean do rinneadar seanmóir ann gaċ uile áit, ar mbeiṫ don Tiġearna ag coṁoibriuġaḋ ríu, agus ag taḃairt bríġ dá mbríaṫruiḃ leis na coṁaṫaiḋiḃ do lean íad. Amén.