Marcus 14 - An Bíobla Naoṁṫa 1817 (Bedell)

Caibidil XIV Coṁ-ċogar ḋaóine anaġaiḋ ṁac Dé.

¹ Agus a gcionn dá lá na ḋiáiġ sin do ḃí an ċáisg, agus sollamuin a naráin gan laiḃín ann: agus díarradar uaċdaráin na sagart agus na sgríobuiḋe cionnas do ḃéuraidís a bfeill airsean, do ċum a ṁarḃṫa.

² Aċd a duḃradar, Ná déanam é sa tsollamuin, ar eagla go néiréoċaḋ búaiḋreaḋ a measg an ṗobuil.

³ Agus ar mbeiṫ ḋó a Mbetánia, a dtiġ Ṡimóin an loḃair, ar suiḋe ḋó ar an mbord, táinic bean agá raiḃ bocsa ola, do spícnárd ṁórlúaiġe; agus ar mbriseaḋ an ḃocsa ḋi, do ḋóirt sí ar a ċéann é.

⁴ Agus do rinneadar dream aca miċéadfuiḋ an a ninntinn féin, agus a duḃradar, Créud fá ndéantar an diomḃailsi air a nola?

⁵ Oír do béidir so do reic ar níos mó ná trí ċéd piġin, agus a ṫaḃairt do na boċdaiḃ. Agus do ḃádar roḋiomḋaċ ḋi.

⁶ Agus a duḃairt Iósa, Léigiḋ ḋi; créd fá gcuirṫí búaiḋreaḋ uirrṫe? do rinne sí obair ṁaiṫ oramsa.

⁷ Oír a táid boiċd ḃar ḃfoċair do ġnáṫ, agus giḋ bé húair ḃus toil liḃ, is éidir ḋáoiḃ maiṫ do ḋéanaṁ ḋóiḃ: aċd ní ḃía misi do ġnáṫ agaiḃ.

⁸ A ní dob éidir lé do rinne sí é: ṫáinic sí roiṁe láiṁ dungaḋ mo ċuirpso ċum a aḋluice.

⁹ A deirimsi riḃ go fírinneaċ, Giḋ bé ar biṫ ball ar feaḋ an doṁain uile an a ndéantar an soisgeulsa do ṡeanmóir, go ninnéosdar an nísi do rinne sisi leis mar ċuiṁne uirrṫe.

¹⁰ Agus dimṫiġ Iúdas Iscáriot, áon don dá ḟear ḋég, ċum úaċdarán na sagart, ionnas go mbraiṫfeaḋ sé éisean dóiḃ.

¹¹ Agus ar na ċluinsin sin dóiḃsean, do ġaḃ gáirdeaċus íad, agus do ġealladar go dtioḃraidís airgead dó. Agus do íarr seision am iomċuḃaiḋ ar a ḃraṫ ḋóiḃ.

¹² Agus an céad lá do ṡollamain a naráin gan laiḃín, an tan do ġuáṫaiġdís an túan cásg do ṁarḃaḋ, a duḃradar a ḋeisciobail ris, Gá hait ar toil leaċd sinne do ḋul dullṁuġaḋ do ċum go níosdá úan na cásg?

¹³ Agus do ċuir sé días dá ḋeiscioblaiḃ, agus a duḃairt sé riú, Imṫiġiḋ don ċaṫraiġ, agus téigeaṁaiḋ neaċ oraiḃ ag iomċar soiṫiġ uisge: leanaiḋ é.

¹⁴ Agus giḋ bé ar biṫ tiġ a raċa sé a sdeaċ, abraiḋ ré fear an tiġe, go nabair an Maiġisdir, Cáit a ḃfuil an séomra a nfear nuaḋ ṗosta ann a níosa mé an túan cásg a ḃfoċair mo ḋeisciobal?

¹⁵ Agus taisbéanuiḋ seision ḋíḃ séomra árd fairsing deaġṁaiseaċ ulluṁ: ullṁuiġiḋ é ḋúinn ann sin.

¹⁶ Agus do imṫiġeadar a ḋeisciobail, agus tangadar don ċaṫraiġ, agus fúaradar mar a duḃairt seision riú: agus do ullṁuiġeadar an ċáisg.

¹⁷ Agus ar dteaċd don tráṫnóna ṫáinic seision maille ris an dá ḟear ḋéug.

¹⁸ Agus an tan do ṡuiḋeadar agus do ċaiṫeadar bíaḋ, a duḃairt Iósa, A deirim riḃ go fírinneaċ, Go mbraiṫfi fear ḋíḃ misi noċ a tá ag iṫe bíḋ am ḟoċair.

¹⁹ Agus do ṫionnsgnadarsan ḃeiṫ go duḃaċ, agus ag ráḋ ris a ndíaiġ a ċéíle, An misi é? agus fear eile, An misi é?

²⁰ Agus ar ḃfregra ḋósan a duḃairt sé riú, Is fear don dá ḟear ḋéug é, ṫumas maráon riumsa sa meis.

²¹ A tá Mac an duine ag imṫeaċd go firinneaċ, mar a tásgríoḃṫa air: aċd is anáoiḃinn don ḟear úd lé a mbraiṫṫear Mac an duine! do bfearr do nfearsin náċ beirṫí e ríaṁ.

²² Agus ar mbeiṫ ag caoṫeaṁ bíḋ ḋóiḃsean, do ġlac Iósa arán, agus tar eis a ḃeannaiġṫe, do ḃris sé, agus tug sé ḋóiḃsean é, agus a duḃairt sé, Glacaiḋ, iṫiḋ: is sé so mo ċorpsa.

²³ Agus ar nglacaḋ an ċupáin dó, an tan rug sé buiḋeaċus, tug sé ḋóiḃsin é: agus do iḃeadar uile as.

²⁴ Agus a duḃairt sé ríu, Ag so mfuilsi na tiomna núaiḋe, ḋóirtear air sin ṁóráin.

²⁵ A deirim riḃ go fírinneaċ, Naċ ioḃa mé feasda do ṫoraḋ na fíneaṁna, go nuige an lá úd an a nioḃa mé núa é a rioġaċd Dé.

²⁶ Agus an tan do ċanadar salm, do ċúadar a maċ go slíaḃ na Noluiġeaḋ.

²⁷ Agus a duḃairt Iósa riú, Do ġéúḃṫáoi uile oilḃéim ionnamsa a noċd: oir a tá sgríoḃṫa, Búailfiḋ mé an táoḋaire, agus spréiġfiġṫear na cáoiriġ.

²⁸ Aċd tar éis misi eiséirġe, raċaiḋ mé roṁaiḃsi don Ġalilé.

²⁹ Aċd a duḃairt Peadar ris, Má ġeiḃid cáċ uile oilḃéim ionnad, ní ḃfuiġe misi é.

³⁰ Agus a duḃairt Iósa risean, A deirim riot go fírinneaċ, A niuġ, ann sa noiḋċe noċd féin, ní is táosga ná ġoirfeas an coileaċ fá ḋó, go séanfa tú mé trí húaire.

³¹ Aċd is móide a duḃairt seision, Dá maḋ éigean daṁ bás dfulang ad ḟoċair, ní ṡéanfa mé ṫú go bráṫ. Agus a duḃradar cáċ uile mar an gcéadna.

³² Agus tangadar don ionad dar ab ainm Getsémane: ann sin a duḃairt seisin ré na ḋeisciobluiḃ, Suiḋiġ ann so, go ndéuna mé urnuiġe.

³³ Agus rug sé Peadar agus Séumas agus Eóin leis, agus do ṫionnsgain sé ḃeiṫ go criṫeaglaċ brónaċ;

³⁴ Agus a duḃairt sé riú, A tá manam tuirseaċ go dtí an bás: fanaiḋsi ann so, agus déanaiḋ faire.

³⁵ Agus ar nimṫeaċd roiṁe ḋó beagán, do ṫuit sé ar talaṁ, agus do rinne sé urnuiġe, ionnus da maḋ éidir é, go raċaḋ an úair ṫairis.

³⁶ Agus a duḃairt sé, Abbá, a Aṫair, a tá gaċ ní soiḋéanta ḋuitsi; cuir an cupánso ṫoramsa: giḋeaḋ nár ab é an ní ḃus toil leamsa, aċd an ní ḃus toil leaċdsa.

³⁷ Agus ṫáinic sé, agus fúair sé índsan na gcodlaḋ, agus a duḃairt sé ré Peadar, A Ṡimóin, an ḃfuil tú ad ċódlaḋ? an né nar ḃéidir leaċd faire éan úaire do ḋénnaṁ?

³⁸ Déunaiḋ faire agus urnuiġe, do ċum náċ dteigeaṁaḋ a ccaṫuġaḋ siḃ. A tá an spiorad ullaṁ go deiṁin, aċd a tá an ċolann anḃfann.

³⁹ Agus ar nimṫeaċd úaṫa a rís, do rinne sé urnuiġe, ag ráḋ na mbríaṫara gcéudna.

⁴⁰ Agus ar ḃfilleaḋ ḋó, fúair sé a rís na gcodlaḋ íad: (óir do ḃádar a súile trom:) agus ní raiḃ a ḟios aca cionnas do ḃéuraidís freagra air.

⁴¹ Agus táinic sé an treas úair, agus a duḃairt sé riú, Codluiḋ a nois, agus coiṁnuiġiḋ: is lór sin, ṫainic an úair; féuċ, do ḃeirṫear Mac an duine a láṁuiḃ na bpeacṫaċ.

⁴² Eírġiḋ, imṫiġeam; féuċ, is fogus dúinn an té ḃraiṫeas misi.

⁴³ Agus ar an mball, an feaḋ do ḃí sé ag caint, ṫáinic Iúdas, áon don dá ḟear ḋéug, agus slúaġ mór na ḟarraḋ maille ré cloiḋṁiḃ agus lé batuiḋiḃ, ó úaċdaránuiḃ na sagart agus ó na sgriobuiḋiḃ agus ó na sinnsioruiḃ.

⁴⁴ Agus tug sé an té do ḃraiṫ é coṁarṫa ḋóiḃsean, ag ráḋ, Giḋ bé neaċ ḋá dtioḃra misi póg, is é sin é; beiriḋ aír, agus taḃraiḋ liḃ é go coiṁéudaċ.

⁴⁵ Agus ar dteaċd ḋó, do ċúaiḋ sé air ball ċuigesin, agus a duḃairt sé, Día do ḃeaṫa a ṁaiġsidir; agus tug sé póg ḋó.

⁴⁶ Agus do ċuir siadsan a láṁa annsan: agus do ġaḃadar é.

⁴⁷ Aċd ar dtarrang a ċloiḋiṁ a maċ dfior don ṁuinntir do ṡeas a láṫair, do ḃúail sé óglaċ an árdṡagairt, agus dó ḃean sé a ċlúas de.

⁴⁸ Agus ar ḃfreagra Díosa a duḃairt sé ríu, An dtangaḃair a maċ dom ġlacaḋsa, aṁuil ċum bioṫaṁnaiġ, lé cloiḋṁiḃ agus lé batuiḋiḃ?

⁴⁹ Do ḃí mé gaċ éanlá aguiḃ sa teampall ag teagasg, agus níor ġlacaḃuir mé: Aċd is éigin na sgríobtuiriḋ do ċoiṁlíonaḋ.

⁵⁰ Agus ar na ṫréigean san, do ṫeiṫeadar a ḋeisciobuil uile.

⁵¹ Agus do lean óganaċ áiriġe é, agá raiḃ línéudaċ ag folaċ a lómnoċdaiġe; agus rugadar na hógánaiġ air:

⁵² Agus ar ḃfagḃáil an línéadaiġ ḋósan, do ṫeit sé lemnoċd úaṫa.

⁵³ Agus rugadar Iósa léo ċum an árdṡagairt: agus do ċruinniġeadar ann sin úaċdaráin na sagart uile agus na sinnsir agus na sgriobuiḋe.

⁵⁴ Agus do lean Peadar a ḃfad úaḋ é, nó go raiḃ sé a sdiġ a halla a nárdṡagairt: agus do ḃí sé na ṡuiḋe a ḃfoċair na searḃḟoġantuiḋeaḋ, agus dá ġoraḋ ag an teiniḋ.

⁵⁵ Agus do ḃádar úaċdaráin na sagart agus an ċoṁairle uile ag íarraiḋ fíaḋnuisi a naġaiḋ Iósa ionnas go gcuirfidís ċum báis é; agus ní ḟúaradar.

⁵⁶ Oír do rinneadar mórán dáoine fiaḋnuisi ḃréige na aġaiḋ, aċd ní ṫangadar a ḃfíaḋnuisiḋe le ċéile.

⁵⁷ Agus déirġeadar dáoine áiriġe, agus do rinneadar fíaḋnuisi ḃréige na aġaiḋ, ag ráḋ,

⁵⁸ Do ċúalamairne é ag ráḋ, Brisfiḋ mé sios an teampoll so déunta lé láiṁaiḃ, agus a dtrí lá tóigeaḃaiḋ mé teampoll éile gan obair láṁ.

⁵⁹ Aċd mar sin féin ní raiḃ a ḃfíaḋnuisi ag teaċd lé ċéile.

⁶⁰ Agus ar néirġe na ṡeasaṁ a lár ċáiċ don arḋṡagart, do ċuir sé ceisd ar Iósa, ag ráḋ, An né naċ dtaḃair tú freagra ar biṫ úait? Créd fá ndéunaid so fíaḋnuisi ad aġaiḋ?

⁶¹ Agus do ṫoċ seision, agus níor ḟreagair sé én ní. Do ḟíafruiġ an tárdsagart de a rís, agus a duḃairt sé ris, An tusa an Críosd Mac Dé Ḃeannuiġṫe?

⁶² Agus do ḟreagair Iósa, Is mé: agus do ċífiḋesí Mac an duine na ṡuiḋe air deis ċuṁaċd Dé, agus ag teaċd lé néulluiḃ neiṁe.

⁶³ Agus do réub úaċdaran na sagart a éudaċ, ag ráḋ, Créd é an feiḋm a tá aguinn ar ḟíaḋnuisiḃ feasda?

⁶⁴ Do ċúalaḃair an ḃlaisṗéíme: créd dó cíṫear ḋáoiḃsi? Agus rugadarsan uile breiṫ na aġuiḋsean gur ṫuill sé bás.

⁶⁵ Agus do ṫionnsgnadar dream áiriġe gaḃáil do ṡeiliḋiḃ air, agus a aġaiḋ dfolaċ, agus dórna do ḃúalaḋ air, agus a ráḋ ris, Déana fáiḋeadóireaċd: agus do ġaḃadar na seirḃísiġ do ḃasuiḃ air.

⁶⁶ Agus ar mbeiṫ do Ṗeadair ann sa halla ṡíos, ṫáínic áon do ċailíniḃ an ardṡadṡagairt:

⁶⁷ Agus ar ḃfaicsin Ṗeadair dá ġoraḋ ḋi, tug sí ḋa haire é, agus a duḃairt si, Do ḃí tusa fós a ḃfoċair Iósa Nasarḋa.

⁶⁸ Aċd do ṡéan seisean sin, ag ráḋ, Ni ṫuigim, agus ní ḃfuil a ḟios agam créd a deir tú. Agus do ċúaiḋ sé a maċ don ṗóirsi; agus do ġoir an coileaċ.

⁶⁹ Agus do ċonnairc an cailin é a ris, agus do ṫionnsgain sí a ráḋ ris an druing do ḃí na seasaṁ a láṫair, Is díoḃ súd an fearso.

⁷⁰ Agus do ṡéan seisean a rís. Agus fá ċeann beagáin na ḋíaġsin, a rís a duḃradar an ṁuinntir do ḃí na seasaṁ a láṫair ré Peadar, Go fírinneaċ is díoḃ súd ṫusa: óir is Galiléaċ ṫú, agus is cosṁail hurlaḃra ríu.

⁷¹ Aċd do ṫionnsgain seisean ag malluġaḋ, agus mionnuġaḋ, Ní haiṫne ḋaṁ an duinesi a deirṫí.

⁷² Agus do ġoir an coileaċ an dara húair. Agus do ċuiṁniġ Peadar ar an ḟocal a duḃairt Iósa ris, Ní is táosga na ġoirfeas an coileaċ fá ḋó, séanfuiḋ tú misi trí húaire. Agus ar ndul a leiṫṫáoiḃ ḋó, do ġuil sé.