Marcus 13 - An Bíobla Naoṁṫa 1817 (Bedell)

Caibidil XIII Is fioġair, scrios Ierusalem, 24 ar ḋeire an doṁain.

¹ Agus an tan do ċuáiḋ sé a maċ as an tteampoll, a duḃairt neaċ ḋá ḋeisciobluiḃ féin ris, A Ṁaiġisdir, féuċ créd é an sórt cloċsa agus créd é an sórt fairgniṫe so!

² Agus ar ḃfreagra Diosa a duḃairt sé ris, An ḃfaiceann tú na hoibreaċa móraso? ní fúicfiḋear cloċ ar muin ċloiċe ḋíoḃso, naċ sgarfuiḋear ó ċeile.

³ Agus ar mbeiṫ na ṡuiḋe ḋó ar ṡlíaḃ na Noluiġeaḋ as coṁair an teampuill, do ḟiafruiġ Peadar agus Séumas agus Eóin agus Aindrías ós íseall de,

⁴ Innis dúine, gá tráṫ ṫeigéuṁuid na neiṫe so? agus créd é an coṁarṫa ḃías an tan ċrioċnóċṫar na neiṫe so uile?

⁵ Agus ag fregra ḋóiḃ do ṫionnsgain Iósa a ráḋ, Taḃruiḋ dá ḃur naire naċ meallfuiḋ éinneaċ siḃ:

⁶ Oír tiucfuid mórán am ainmsi, ag ráḋ, Gur misi é; agus meallfuid mórán.

⁷ Aċd an tan do ċluinfiḋe coguiḋ agus túarasgḃála cogṫaḋ, ná bíoḋ trioblóid aruiḃ: óir is éigin íad so do ṫeaċd: aċd ní deireaḋ é fós.

⁸ Oír éiréoċuiḋ cineaḋ a naġaiḋ ciniḋ, agus ríoġaċd a naġaiḋ ríoġaċda: agus bíaiḋ criṫ talṁan a nionaduiḃ iomḋa, agus biáiḋ gorta agus buáiḋreaḋ ann: ag so tosaċ aṁgar.

⁹ Aċd taḃruiḋsi ḃur naire riḃ féin: óir béuruid síad siḃ a láṫair coiṁṫionól; sgiúrsfuiḋear sna sinagogiḃ siḃ: agus béarṫar siḃ a ḃfíaḋnuisi úaċdaran agus ríoġ ar mo ṡonsa mar ḟíaḋnuisi ḋóiḃ.

¹⁰ Agus is éigin an soisgéul do ṡeanmóir do na huile ċineaḋaċuiḃ ar tús.

¹¹ Agus an tan ḃéuruid síad a láiṁ, agus ṫaḃrid súas siḃ, na bioḋ na roċás oruiḃ roiṁe láíṁ créd a déurṫáoi, agus ná smúainiḋ air: aċd giḋ bé ní do ḃéarṫar ar a núairsin díḃ, abruiḋ é: oír ní siḃsi laḃrus, aċd an Spiorad Náoṁ.

¹² Aċd ċeana do ḃéura an dearḃráṫair an dearḃráṫair éile ċum báis, agus an taṫair an mac; agus éireoċuid an ċlann a naġaiḋ a naiṫreaċ agus a maiṫreaċ, agus cuirfid ċum báis íad.

¹³ Agus biaiḋ fúaṫ ag gaċ uile ḋuine ḋáoiḃ ar son manmaso: aċd giḋ bé anfus go búan go deireaḋ, as é ṡlánéoċar.

¹⁴ Aċd an tan do ċífiḋe aḋḟuaṫṁuireaċd an léirsgris, air ar laḃair Daniel an fáiḋ, na ṡeasaṁ ann sa nionad nár ċóir, (tuigeaḋ an té léaġas,) ann sin teiṫeaḋ a mbíaiḋ a ttír Iúdaiġe fá na sléiḃtiḃ.

¹⁵ Aċd an té ḃias air ṁullaċ an tiġe, na tigeaḋ sé a núas ann a ṫiġ, agus ná himiġeaḋ sé a sdeaċ, do ṫógḃáil neíṫe ar biṫ as a ṫiġ:

¹⁶ Agus an té ḃías ar an ṁaċaire, ná casaḋ sé tar a ais, do ṫógḃáil a éuduiġ.

¹⁷ Aċd buḋ trúaġ dó na mnáiḃ torrċa, agus do na mnáiḃ do ḃéura cíoċa úaṫa ann sna laéṫiḃ sin!

¹⁸ Aċd guiḋiḋsi gan ḃar dteiṫeaḋ do ḃeiṫ ann sa ġeiṁreaḋ.

¹⁹ Oír biáiḋ annsna laéṫiḃsin aṁgar, aṁail naċ raiḃ a leiṫéid ann ó ṫús cruṫaiġe na neiṫeaḋ do ċruṫaiġ Día go soiṫe so, agus náċ bía go bráṫ.

²⁰ Agus muna ngearruiġeaḋ an Tiġearna na laéṫe úd, ní raċaḋ éin ḟéoil as: aċd ar son na ndáoine toġṫa, do ṫoġ sé, do ġearraiḋ sé na laéṫe úd.

²¹ Agus ann sin dá nabra neaċ ar biṫ riḃ, Féuċ, a tá Críosd ann so; nó, féuċ, a tá sé ann súd; na creidiḋ é.

²² Oír éiréoċuid Críosdanna fallsa agus faiḋe fallsa, agus do ḋéunuid coṁarṫuiḋe agus míorṁuile, do ṁeallaḋ, na ndáoine toġṫa féin, dá maḋ éidir é.

²³ Aċd taḃruiḋsi ḃar naire riḃ: féuċ, dinnis mé ḋíḃ gaċ uile ní roiṁ a naimsir.

²⁴ Aċd ann sna laéṫiḃsin, tar éis a náṁġair úd, dorċóċṫar an ġrían, agus ní ṫioḃra an ġealaċ a soillso féin úaiṫe.

²⁵ Agus tuitfid réultanna neiṁe, agus béid na cuṁaċda a tá ann sna neaṁaiḃ ar criṫ.

²⁶ Agus ann sin do ċifid síad Mac an duine ag teaċd ann sna néulluiḃ maille ré cuṁaċdaiḃ móra agus ré glóir.

²⁷ Agus cuirfiḋ sé a aingil an tansin, agus cruinnéoċuiḋ sé a ḋáoine toġṫa fein ó na ceiṫre gáoṫaiḃ, ó leiṫimeal na talṁan go leiṫimeal neiṁe.

²⁸ Agus foġlomuiḋ cosamlaċd ón ċrann fíge; An tráṫ ḃíos a ġéag máoṫ, agus ḟásas a ḋuilleaḃar, a tá a ḟios agaiḃ gur ab fogus an saṁraḋ:

²⁹ Agus mar an gcéudna siḃsi, an tan do ċífiḋe ná neiṫesi ar na ndéanaṁ, bíoḋ a ḟios agaiḃ go ḃfuil sé a ngar ḋáoiḃ, ann sna doírsiḃ.

³⁰ A deirimsi riḃ go fírinneaċ, naċ raċa an dínesi ṫoruinn, nó go ndéuntar na neiṫesi uile.

³¹ Raċuiḋ neaṁ agus talaṁ ṫort: aċd ní raċaid mo ḃríaṫrasa ṫort go bráṫ.

³² Aċd ni ḃfuil fios an láoi úd, ná na húaire ag neaċ ar biṫ, ná fós, ag na haingliḃ a tá ar neaṁ, ná ag an Mac, aċd ag a Naṫair.

³³ Féuċuiḋ, déanuiḋ faire agus urnuiġe: oir ní ḃfuil a ḟios agaiḃ gá tráṫ ṫiocfas a naimsir úd.

³⁴ Aṁail duine ag dul a gcoigcríċ, dfág a ṫiġ, agus tug cuṁaċda ḋá ṡearḃḟóġantuiḃ, agus a obair féin do gaċ áonduine, agus do aiṫín dá ḋoirséoir faire do ḋéanaṁ.

³⁵ Ar a naḋḃarsin déannuiḋsi fáire: (oír ní ḃfuil a ḋios aguiḃ gá ham ṫiocfas fear an tiġe, an tráṫ nóna, nó a meaḋón oiḋċe, nó a ngairm an ċoiliġ, nó air maidin:)

³⁶ Deagla ar dteaċd go hobann dó go ḃfuiġeaḋ sé siḃsi ḃar gcodlaḋ.

³⁷ Agus na neiṫe a deirim riḃsi a deirím ré a nuile ḋuine iád: Déuniḋ faire.