Marcus 1 - An Bíobla Naoṁṫa 1817 (Bedell)

Caibidil I Beaṫa ċrúaiḋ, agus seanmóir Eóin um leasuġaḋ beaṫa, 14 le soisgeil aóiḃinn Ċriosd a ttáoḃ ṡáoraḋ na nanmann.

¹ Tosaċ ṡoisgeil Iósa Ċríosd, Ṁic Dé;

² Mar atá sgríoḃṫa annsna fáiḋiḃ, Féuċ, cuirim mo ṫeaċdaire roṁad, noċ uillṁeoċas do ṡliġe roṁad.

³ Guṫ an tí éiṁġeas ar an ḃfásaċ, Oílṁuiġiḋ sliġe an Tiġearna, déanaiḋ a ċasáin díreaċ.

⁴ Do ḃí Eoin ag baisdeaḋ ar an ḃfásaċ, agus ag seanmóir ḃaisdiġ na haiṫriġe do ċum maiṫṁeaċuis na bpeacaḋ.

⁵ Agus do ċúaiḋ tír Iúdaiġe uile, agus luċd Iérusaléim a maċ ċuige, agus do ḃaisdeaḋ leis íad uile a sruṫ Iordáin, ag adṁáil a bpeacaḋ.

⁶ Agus do ḃí Eóin ar na éaduġaḋ dó rúaínneaċ cáṁall, agus crios leaṫair timċeall a leasruiġ; agus a sé bíaḋ do iṫeaḋ sé, lócuisdiġe agus mil ċoilteaṁail;

⁷ Agus do rinne sé seanmóir, ag ráḋ, Tig am ḋiáiġsi neaċ is neartṁuire na misi, ag náċ fiu mé cromaḋ agus íallaċ a ḃróg do sgáoileaḋ.

⁸ Go deiṁin do ḃaisd misi siḃ lé huisge, aċd ċeana baisfiḋ seision siḃ leis an Spiorad Náoṁ.

⁹ Agus tarla ann sna laéṫiḃ sin, go dtainic Iosa ó Nasarét na Galilé, agus gur baisdeaḋ é a Iórdan lé Héoin.

¹⁰ Agus ar ndul súas dó ar an mball as a nuisge, do ċonnairc sé neaṁ ar ná sgóiltaḋ ó ċeile, agus an Spiorad ag tuirrling airsion a rioċd ċoluim:

¹¹ Agus táinic guṫ ó neaṁ, Is tusa mo Ṁac gráḋaċsa, an a ḃfuil mo ṁór ṫoil.

¹² Agus ar an mball do ṫarruing an Spiorad é ar an ḃfásaċ.

¹³ Agus do ḃí sé ann sin ar an ḃfásaċ ḋá ḟiṫċead lá, ág fulang ċaṫuiġṫe ó Ṡátan; agus do ḃí sé a ḃfoċair na mbeiṫeaċ allta; agus do ḃí na haingil ag mionasdrálaċd dó.

¹⁴ Agus tar éis Eóin do ċur a bpriosún, táinic Iósa don Ġalilé, ag seanmoir soisgéil rioġaċda Dé,

¹⁵ Agus ag ráḋ, Do coiṁlíonaḋ a náimsir, agus do ḋruid ríoġaċd Dé rinne: déanuiġ aiṫríġe, agus creidiġ don tsoisgéul.

¹⁶ Agus ar siuḃal dó láiṁ ré fairge na Galilé, do ċonnairc sé Síomón agus Aíndrias a ḋearḃráṫair ag teilgean lín ann sa ḃfairge: (óir do buḋ íasguireaḋa íad.)

¹⁷ Agus a duḃairt Iósa ríu, Leanaiḋ misi, agus do ḋéana mé íasguireaḋa ar ḋáoiniḃ ḋíḃ.

¹⁸ Agus ar ḃfagḃáil a líontaḋ ar an mball dóiḃsion, do leanadar é.

¹⁹ Agus ar nimṫeaċd dó beagan as sin, do ċonnairc sé Séumas ṁac Sebede, agus Eoin a ḋearḃráṫair, agus íad a luing ag córugbaḋ a líontaḋ.

²⁰ Agus do ġoir sé íad ar an mball: agus ar ḃfagḃáil Sebedé a naṫar ḋóiḃsion an sa luing maille ris an luċd túarasdail, do leanadar é.

²¹ Agus tíaġuid a sdeaċ go Capernáum; Agus ar an mball sá stsabbóid do ċúaiḋ Iosa don tsionsgóig, agus do ṫeaguisg sé ann.

²² Agus do ġaḃ iongnaḋ íadsan fá na ṫeagasg: óir do ṫeaguisg sé íad mar neaċ agá raiḃ cuṁaċda, agus ní mar na sgríobuiġe.

²³ Agus do ḃí an a sionagólgsion neaċ an a raiḃ spiorad neaṁġlan; agus do éiġ sé,

²⁴ Ag ráḋ, leigḋin créd í an ḃúain atá aguinne ríotsa, a Iósa Nasarḋa? an dtáinic tú dár sgriosne? a tá a ḟios agamsa cía ṫú, Neaċ Náoṁṫa Dé.

²⁵ Agus do ḃagair Iósa air, ag ráḋ, Bí ad ṫoċd, agus tárr a maċ as.

²⁶ Agus do réub an spiorad neaṁglan é, agus ag eiṁġe do ġuṫ árd, táinic se a maċ as.

²⁷ Agus do ġaḃ úaṫḃás cáċ uile, ionnus gur ḟíafruiġeadar eatorra féin, ag ráḋ, Créd é so? créd é an teagusg núaḋ so, go gcuireann sé smaċd maille ré cuṁaċduiḃ ar na spioraduiḃ neaṁġlana, agus do núṁluiġid ḋo,

²⁸ Agus do ċúaiḋ a ċlúsan ar an mball ar feaḋ na tíre uile a dtimċeall na Galilé.

²⁹ Agus mar is lúaiṫe, do ċúadar as an tsionagoig, tangadar go tiġ Ṡimóin agus Sindriáis, ma ráon ré Súemas agus ré Héoin.

³⁰ Agus do ḃí maṫair ṁná Ṡimóin na luiġe a bfiaḃrus, agus do labradarsan do láṫair risean na tímċeall.

³¹ Agus táinic seision na cionn agus do ṫóg sé í, ag breiṫ ar láiṁ uirrṫe; agus do ḋealuiġ an fíaḃrus ría ar am mball, agus do rinne si frioṫólaṁ ḋóiḃ.

³² Agus an tan do ḃí deireaḋ an láoi ann, ar ndul don ġréin fáoi, tugadar ċuige gaċ áon dá raiḃ easlan, agus an a raḃadar deaṁain.

³³ Agus do ḃí an ċaṫair uile ar gcruinniuġaḋ ċum an doruis.

³⁴ Agus ṡlánuiġ sé mórán ar a raḃadar easláinteaḋa ilġnéṫeaċa, agus do ṫeolg sé amaċ mórán deaṁan; agus níor ḟulaing sé do na deaṁnuiḃ a ráḋ, go raiḃ éolus aca air.

³⁵ Agus ar maidin, go roṁoċ ar néirġe ḋó a ndeireaḋ na hoiḋċe, do ċúaiḋ sé amaċ, agus do imṫiġ sé go háit ḟásaṁuil, agus do rinne sé urnuiġṫe ann sin.

³⁶ Agus do lean Siómon é, agus an dream do ḃí na ḟoċuir.

³⁷ Agus an tan fúaradar é, a duḃradar ris, Atá gaċ áonduine dod íarruiġ.

³⁸ Agus a deir seision ríu, Déanam do na bailtiḃ beaga so láiṁ rinn, do ċum go ndéanuinn seanmoir ann sin leis: óir is ċuige so ṫáínic me a maċ.

³⁹ Agus do rinne sé seanmoir an a sionagógaiḃ ar feaḋ na Galilé uile, agus do ṫeilg sé na deaṁain a maċ.

⁴⁰ Agus tig loḃar ċuige, dá léigean ar a ġlúiniḃ ḋó, ag íaruiġ daṫċuinge air, agus dá ráḋ ris, Más toil leaċd, is éidir leaċd misi do ġlanaḋ.

⁴¹ Agus ar ngaḃáil truaiġe móire Díosa ḋó, agus ar sineaḋ a láiṁe, do ḃean sé ris, agus a duḃairt sé ris, Is toil; bí glan.

⁴² Agus ar laḃairt dósan, do imṫiġ an luḃra úaḋ ar ball, agus do ḃí sé ar na ġlanaḋ.

⁴³ Agus tar éis bagar air, do ċuir sé úaḋ é do laṫair;

⁴⁴ Agus a duḃairt sé ris, Taḃair dod aire naċ innéosa tú déinneaċ é: imdiġ, taisben ṫú féin don tsagart, agus ioḋbair ar son do ġlanta na neiṫe do aiṫin Máoise, mar ḟíadnuisi ḋóiḃ.

⁴⁵ Agus ar nimṫeaċd dósan a maċ do ṫionnsgain sé mórán dḟoillsiuġaḋ, agus an ní do ċur ós aird, ionnas naċ raiḃ neart ag Iósa dul a sdeaċ sa gcaṫruiġ ós aird, aċd ḃeiṫ a muiġ a nionaduiḃ fásaṁla: agus tangadar ċuige as gaċ uile aírd.