Maitiú 7 - An Bíobla Naoṁṫa 1817 (Bedell)

Caibidil VII Crioċnuiġ an tseanmóir um ḃreaṫ ḋían, 6 gan ní naómṫat ċur a neaṁṡuim, 15 agus fáiġ aiṫniuġaḋ ar ṫríall a ḃeaṫuiḋ.

¹ Na beiriḋ breaṫ, do ċum naċ mbéarṫaói breaṫ oraiḃ.

² Oír is do réir na breiṫe ḃeirṫí, ḃeúrhar breaṫ oruiḃ: Agus is leis an miosúr ṫoṁaistí, toiṁeósfuiḋṫear ḋáoiḃ a rís.

³ Aċd oréd fá a ḃfaiceann tú an broṫ atá a súil do ḋearḃráṫar, agus naċ ccuireann tú á nuṁail an tsail atá ann do ṡúil féin?

⁴ No cionnas a deúra tú réd ḋearḃráṫair, Fulang ḋaṁ an broṫ do ḃúain as do ṡúil; agus, féuċ, an tsail ann do ṡúil féin?

⁵ A ḟir an ḟúarċráḃaiḋ, bean an tsail ar tús as do ṡúil féin; agus an sin buḋ léir ḋuit an broṫ do ḃáin as súil do ḋearḃraṫar.

⁶ Na taḃraiḋ an ní naóṁṫa do ṁadruiġiḃ, agus na teilgiḋ ḃur gcloċa úaisle a ḃfíaḋnuisi na muc, air eagla go sailteóraidis orrṫa lé na gcosuiḃ, agus ar ḃfilleaḋ ḋóiḃ go dtarroingaidís siḃ féin as a ċéile.

⁷ Iarruiġ, agus do ḃéurṫar ḋaóiḃ; lorgairíḋ, agus do ġeaḃṫáoi; búaliḋ an dorus, agus oisgéoltar ḋáoiḃ:

⁸ Oír gaċ uile neaċ iárrus glacuiḋ sé; agus gioḋ bé lorgaireas do ġéiḃ sé; agus is don té ḃuaileas an dorus oisgéoltar.

⁹ Oir cía an duine agaiḃsi, ma atá gi níarrfuiġ a ṁac arán, do ḃéuraḋ cloċ ḋó?

¹⁰ Agus mas iásg iárrfus sém an naṫair neiṁe do ḃeúraḋ sé ḋó?

¹¹ Ar a naḋḃarsin, ma atá a ḟios agaiḃsi atá olc, tioḋluicṫe maiṫe do ṫaḃairt dá ḃur gcloinn, a né naċ mó ná sin do ḃéuraiḋ ḃur Naṫairse atá air neaṁ neiṫe maiṫe don dreim iárrus air iád?

¹² Uime sin gaċ uile ní buḋ mían liḃ daoine do ḋéunaṁ ḋíḃ, deúnaiḋsi a leiṫéide ḋóiḃsean mar an gcéudna: oír a sé so an dliġeaḋ agus na faiġe.

¹³ Imṫiġiḋ a sdeaċ sa dorús ċuṁann: óir is farsing an dorus, agus is leaṫan an tsliġe, ṫréoraiġeas do ċum damanta, agus is mór ṫéid a sdeaċ ṫríṫe:

¹⁴ Do ḃríġ gur cuṁann an doras, agus is caól an tsliġe ṫréoraiġeas ċum na beaṫa, agus is beag do ġeiḃ eólus uirrṫe.

¹⁵ Coiṁéadaiġ siḃ féin ar na fáiġeannaiḃ fallsa, ṫig ċugaiḃ a gculaiḋiḃ caóraċ, agus a tá leiṫ a sdiġ na madruiḋ állta ḟúaduiġeaċda.

¹⁶ Air a ttórrṫaiḃ aiṫeóntaoi íad. An gcrunniġid daóine caóra fíneaṁna do ḋriseaċ, no fígiġe do na foṫannanaiḃ?

¹⁷ Is mar sin do ḃeir gaċ uile ċrann maiṫ tórrṫa maiṫe; aċd do ḃeir an droċċrann droċṫórrṫa.

¹⁸ Ní héidir leis an gcrann maiṫ droċṫórrṫa diomċar, na leis an gcrann gcrion tórrṫa maiṫe do ṫaḃairt.

¹⁹ Gaċ uile ċrann naċ iomċrann toraḋ maiṫ gearrṫar é, agus téilgṫear san teiniḋ é.

²⁰ Ar a naḋḃarsin is air ttórṫaiḃ aiṫeontaói íad.

²¹ Ní é gaċ uile neaċ a deir riomsa, A Ṫiġearna, A Ṫiġearna, raċas a sdeaċ sa rióġaċd neaṁḋa; aċd an té do ní toil Ṁaṫarsa atá áir neaṁ.

²² As iomḋa daóine a deuraiḋ ríum annsa la úd, A Ṫiġearna, a Ṫiġearna, a né naċ ad ainmsi do rinneamar fáiġeadóireaċd? agus ad ainmsi do ṫeilgeamar a maċ na deaṁain? agus do rinneamar iomad míorḃuileaḋ?

²³ Aċd ċeana aidṁeóċuiḋ misi ós aird ḋóiḃ an tansin, Níor aiṫin mé a riaṁ siḃ: imṫiġiḋ uáim, a luċ déunta na heugcóra.

²⁴ Ar a naḋḃarsin gaċ uile neaċ do ċluinn na bríaṫrasa agamsa, agus do ní íad, saiṁléoċaiḋ mé lé duine glic é, neaċ do rinne a ṫiġ air ċárraig:

²⁵ Agus do ṫúirling an ḟearṫainn, agus tangadar na tuilte, agus do ṡéideadar na gaóṫa, agus do ḃúaileadar ar an ttiġ úd; agus níor ṫúit sé: óir do ḃí a ḟuinniméd air ċarraig.

²⁶ Agus gaċ uile neaċ do ċlúin mo ḃríaṫrasa, agus naċ ccoiṁlíonann íad, saiṁléoċṫar é lé duine leaṁ, neaċ do ṫógaiḃ a ṫiġ air ġaineaṁ.

²⁷ Agus do ṫuirling an ḟearṫainn, agus tangadar na tuilte, agus do ṡéideadar na gaóṫa, agus do ḃuáileadar air an ttiġ úd; agus do ṫuit sé: agus bá mór a ṫuitim.

²⁸ Agus tárla, an tan do ċríoċnaiġ Iósa na bríaṫrasa, gur ġaḃ úaṫḃas an pubal tré na ṫeagasgsan:

²⁹ Oír do ṫegaisg sé íad mar neaċ agá raiḃ cuṁaċda, agus ní mar na sgríobuiġe.