Maitiú 28 - An Bíobla Naoṁṫa 1817 (Bedell)

Caibidil XXVIII Eiseirġe Ċriosd, 19 leórduġaḋ an Ḃaise, agus na Nabsdal.

¹ Agus a ndeireaḋ na sábbaide, an tan do ṡoillsiġ an céud lá don tseaċdṁuin, táinic Muire Ṁagdalén agus an Ṁuire eile, dféaċain an túama.

² Agus, féuċ, do ḃí criṫ mór talṁan ann: Oír ag tuirling daingeal an Tiġearna a núas ó neaṁ, táinic sé, agus diomlait sé an ċloċ ón dorus, agus do ṡuiġ sé uirrṫe.

³ Agus do ḃí a ġnúis mar mar ṫeinnteaċ, agus a éadaċ geal mar ṡneaċda:

⁴ Agus do ċrioṫnuiġeadar an luċd coiṁéada ar a eaglasan, agus do ḃádar a rioċd ṁairḃ.

⁵ Aċd ar ḃfreagra do naingeal a duḃairt sé ris na mnáiḃ, Ná bíoḋ eagla oruiḃsi: óir atá a ḟios agam, gur ab é Iósa do croċaḋ a táṫáoi díarruiġ.

⁶ Ní ḃfuil sé ann so: óir do eiriġ sé, mar a duḃairt sé, Tigiḋ, féaċaiḋ a náit an a raiḃ an Tiġearna na luiġe.

⁷ Agus ar nimṫeaċd dáoiḃ go lúaṫ, innsiḋ dá ḋeisciobluiḃ gur éiriġ sé ó ṁarḃuiḃ; agus, féuċ, atá sé ag dul roṁuiḃ don Ġalilé; do ċífiḋe ann sin e: féuċ, a duḃairt misi riḃ é.

⁸ Agus ar nimṫeaċd ón túama go deiṫneasaċ ḋóiḃ maille ré heagla agus ré gáirdeaċus mór; do rioṫadar dá ḟoillsiuġaḋ sin dá ḋeisciobluiḃsion.

⁹ Agus an tan do imṫiġeadar do ċum go ḃfoillséoċadis sin dá ḋeisciobluiḃsion, féuċ, tárla Iósa orrṫá, ag ráḋ, Día ḃur ḃeaṫaḋ ḋáoiḃ. Aċd tangadarsan, agus rugadar ar a ċosaiḃsion, agus do onóruiġeadar é.

¹⁰ A deir Iósa an tansin ríu, Ná bíoḋ eagla oruiḃ, imṫiġiḋ beiriḋ sgéula ċum mo ḋearḃraiṫreaċ do ċum go raċaidís don Ġalilé, agus do ċífid misi ann sin.

¹¹ Agus ar nimṫeaċd dóiḃsean, féuċ, tangadar cuid don luċd faire don ċaṫair, agus do innisidear dúaċdaránuiḃ na sagart gaċ uile ní dá ndearnaḋann.

¹² Agus do ċruinniġeadar a gceann a ċéile maille ris na sinnsioruiḃ, agus ar ndéanaṁ coṁairle ḋóiḃ, tugadar mórán airgid do na saiġdiúiriḃ.

¹³ Ag ráḋ, Abruiḋ, Tangadar a ḋeisciobuil annsa noiḋċe, agus do ġoideadar é an feaḋ do ḃámuirne ar gcodlaḋ.

¹⁴ Agus má ċluin an túaċdarán an ní so, do ḃéaruimne fa deara ḋó, naċ bía gúasaċd ar biṫ oruiḃsi.

¹⁵ Agus ar nġaḃáil an airgid dóiḃsion, do rinneadar mar do múineaḋ ḋoiḃ: agus aiṫrisdior an glorsa a measg na Níuduiġeaḋ go soiṫe an lá a niuġ.

¹⁶ Aċd do imṫiġeadar an táoindeisciobail dég don Ġalilé ċum sléiḃe mar ar órduiġ Iósa ḋóiḃ.

¹⁷ Agus an tan do ċonncadar é, do onóruiġeadar é: aċd do ḃi aṁarus ag cuid dióḃ air.

¹⁸ Agus ar dteaċd Diosa do laḃair sé ríu, ag ráḋ, Ṫugaḋ ḋamsa gaċ uile ċuṁaċda ar a neaṁ agus ar talaṁ.

¹⁹ Ar a naḋḃarsin imṫiġiḋsi, teaguisgiḋ na huile ċineaḋaċam da mbaisdeaḋ a nainm a Naṫar, agus an Ṁic, agus an Spiorad Náoiṁ:

²⁰ Agus teaguisgiḋ íad gaċ uile ní dár, aiṫín misi ḋiḃ do ċoiṁéud: agus, féuċ, a táimsi ḃur ḃfoċair gaċ éinla go deireaḋ an tsaoġail. Amen.