Maitiú 26 - An Bíobla Naoṁṫa 1817 (Bedell)

Caibidil XXVI Na preafáide ar ṗáis Ċriosd, 26 Agus orduġaḋ na comainiġ náoṁṫa.

¹ Agus tárla, an tan do ċríoċnuiġ Iósa na bríaṫrasa uile, go nduḃairt sé ré na ḋeisciobluiḃ,

² A tá a ḟios agaiḃ go ḃfuil an ċaísg tair éis dá lá, agus go dtioḃarṫar Mac an duine dá ċroċaḋ.

³ Ann sin do ċruinniġeadar úaċdaráin na sagart, agus na sgríobuiḋe, agus seinnsir an ṗobuil, go halla a nárdṡagairt, dá ngoiṫior, Cáiaṗas.

⁴ Agus do rinneadar coṁairle ré ċéile do ċum go mbéaraidís ar Iósa a ḃfeill, agus go muirfidís é.

⁵ Aċd a duḃradar, Na déanam é ann sa ḃféasda, deagla go mbíaḋ búaiḋreaḋ a measg an ṗobuil.

⁶ Agus an tráṫ do ḃí Iósa a Mbetáinia a dtiġ Ṡimóin an lóḃair,

⁷ Tainic bean ċuige agá raiḃ bocsa dola rouásuil, agus do ḋóirt sí é ar a ċeannsan, agus é na ṡuiḋe ar an mbórd.

⁸ Agus ar na ḟaicsin sin dá ḋeisciobluiḃsean, do rinneadur míċeudfuiḋ, ag ráḋ, Créd da ḃfoġnann an diomḃoilsi?

⁹ Oír do béidir a nolasa do reic ar ṁórán, agus a ṫaḃair do na boċduiḃ.

¹⁰ Agus an tan do aiṫin Iósa so, a duḃairt sé ríu, Créd fa gcuirṫí búaiḋreaḋ ar an mnáoi? oír do rinne sí obair ṁaiṫ am ṫimċeallsa.

¹¹ Oír béid boiċ do ġnáṫ agaiḃ; aċd ní ḃía misi do ġnáṫ ḃur ḃfoċair.

¹² Oír ar ndórtaḋ na holasa ar mo ċorpsa ḋí, is fa ċoṁair maḋluice do rinne sí é.

¹³ A deirim riḃ go fírinneaċ, Giḋ bé ar biṫ ball ar feaḋ an doṁuin, a ndéantar an sóisgéulsa do ṡeanmóir, go naiṫréosdar mar an gcéadna an nisi do rinne an ḃeansa, mar ċuiṁne uirrṫe.

¹⁴ Ann sin do imṫiġ fear don dá ḟear ḋég, dar ab ainm Iúdas Iscairiótes, ċum úaċdarán na sagart.

¹⁵ Agus a duḃairt sé ríu, Créd do ḃéarṫáoi ḋaṁsa, agus braiṫfiḋ mé ḋáoiḃ é? Agus do ṁeaḋuiġeadar ḋó deíċ ḃpíosa ḟiċead airgid.

¹⁶ Agus ó sin a maċ, do íarr sé úain airsean do ḃraṫ.

¹⁷ Agus an ċéad lá a naráin gan laiḃín tangadar a ḋeisciobuil ċum Iósa, ag ráḋ ris, Cía a náit an as toil leaċd sinne do ḋéanaṁ ullṁuiġṫe ḋuit do ċaiṫeaṁ na cásga?

¹⁸ Agus a duḃairt seisean, Imḋiġ don ċaṫruiġ go duine áiriġe, agus abruiḋ ris, A deir an Maiġisdir, A tá maimsear ag drud riom; is ad ṫiġsi do ḋéana mé fein agus mo ḋeisciobuil an ċáisg.

¹⁹ Agus do rinneadar na deisciobuil mar do aiṫin Iósa ḋíoḃ; agus do ullmuiġeadar an ċáisg.

²⁰ Agus an tan do ḃí deireaḋ an láoi ann, do ṡuiḋ sé a ḃfoċair an dá ḟear ḋéug.

²¹ Agus ar mbeiṫ ag iṫe bíḋ ḋóiḃ, a duḃairt sé, A deirim riḃ go firinneaċ, go mbraiṫfi fear ḋíḃ misi.

²² Agus do ġaḃ doḃrón roṁór íadsan, agus do ṫionnsgain gaċ duine aca fá leiṫ a ráḋ ris, An misi é, a Ṫiġearna?

²³ Agus ar ḃfreagra ḋósan a duḃairt sé, An té ṫumas a láṁ ann sa méis am ḟoċairsi, a sé ḃraiṫfeas misi.

²⁴ Go deiṁin a tá Mac an duine ag imṫeaċd do réir mar sgríoḃṫar air, aċd is anáoiḃinn don té lé mbraiṫtear Mac an duine! do buḋ maiṫ dó naċ béarṫáoi é.

²⁵ Agus ar ḃfreagra do Iúdas, do ḃraiṫ eisean, a duḃairt sé, An misi é, a Ṁáiġisdir? A duḃairt seisean ris, A duḃairt tú é.

²⁶ Agus ar mbeiṫ ag iṫe bíḋ ḋóiḃ, do ġlac Iósa arán, agus tar éis a ḃeannuiġṫi, do ḃris, agus tug sé ḋá ḋéisciobluiḃ é, agus a duḃairt sé, Glacuiḋ, iṫiḋ; a sé so mo ċorpsa.

²⁷ Agus ar mbreíṫ ar an gcupan dó, agus ar dtaḃairt buiḋeaċuis, tug sé ḋóiḃ é, ag ráḋ, Iḃiḋ uile as so;

²⁸ Oír is í so mfuilsi na tiomna núaiḋe, ḋoírtear ar som ṁóráin ċum maiṫeaṁnuis na bpeacaḋ.

²⁹ A deirim riḃ, Uaḋ só súas ni íoḃa mé don toraḋsa na fíneaṁna, go soiṫe an lá úd an a nioḃa mé é go nuá máille riḃsi a rioġaċd Maṫar.

³⁰ Agus a núir do ċánadar salm, so ċúadar a maċ go slíaḃ na noluiḋeaḋ.

³¹ Ann sinn a deir Iósa ríu, Do ġeaḃṫáoi uile oilḃéim ionnamsa a noċd: oír a tá sgríoḃṫa, Buailfiḋ mé an táoḋuire, agus scabfuiḋṫear cáoiriġ an tréada.

³² Agus tar éis misi eiseirġe, raċuiḋ mé roṁuiḃ don Ġalilé.

³³ Agus ar ḃfreagra do Ṗeadar a duḃairt sé ris, Da mbeiṫ go ḃfuiġidis cáċ uile oilḃéim ionnad, ni ḃfuiġe misi oilḃéim ionnad go bráṫ.

³⁴ A duḃairt Iósa risean, A deirim riot go fírinneaċ, Suil ġláoiḋfeas an coileaċ a noċd, séanfa tú mé trí húaire.

³⁵ A deir Peadar ris, Go deiṁin más éigin daṁ bás dfulang ad ḟóċair, ní ṡéanfa mé ṫú. Agus a duḃradar na deisciobuil uile mar an gcéadna.

³⁶ Do ċúaiḋ Iósa léo an traṫsin do nionad dá ngoirṫear Gétsémane, agus a deir sé ré na ḋeisciobluiḃ, Suiḋiġsi ann so, go ndeaċa misi do ḋéanaṁ urnuiġṫe ann súd a nunn.

³⁷ Agus ar mbreiṫ Ṗeadair agus deisi mac Sebedeí leis, do ṫionnsgain sé ḃeiṫ go dobrónaċ agus go roṫuirseaċ.

³⁸ Ann sin a deir sé ríu, A tá manám lán do ḋobrón, go soiṫe an ḃás: fanuiḋsi ann so, agus déanaiḋ faire am ḟoċair.

³⁹ Agus ar nimṫeaċd dó beagán as sin, do leig sé é féin siós ar a aġuiḋ, ag déanaṁ urnuiġe, agus ag ráḋ, A Aṫair, mas éidir é, gaḃaḋ an cupánsa ṫoramsa: aċd ċeana na bíoḋ sé már is toil leamsa, aċd mar is áill leatsa.

⁴⁰ Agus tig sé ċum a ḋeisciobal, agus do ġeiḃ sé na gcodlaḋ íad, agus a deir sé ré Peadar, An mar sin, nar ḃéidir liḃ faire do ḋéanaṁ áonuáir a ṁáin am ḟoċairsi?

⁴¹ Déanuiḋ faire agus urnuiġṫe, do ċum naċ ttuitfeaḋ siḃ a gcaṫuġaḋ: A tá an spiorad go deiṁin ullaṁ, aċd a tá an ċolann anḃfann.

⁴² Do imṫiġ sé an dara húair, agus do rinne sé urnuiġṫi, ag ráḋ, A Aṫair, má tá naċ éidir leis an gcupánsa dul ṫoram, gan mé ḋá ol, deantar do ṫoilse.

⁴³ Agus ar dteaċd ḋó fúair sé a ris na gcodlaḋ íad: oír do ḃádar a súile tróm.

⁴⁴ Agus ar na ḃfagḃáil, do imṫiġ sé a rís, agus do rinne sé urnuiġe an treas úair, ag ráḋ na mbríaṫar céadna.

⁴⁵ Ann sin tig sé ċum a ḋeisciobal, agus a deir sé ríu, Codluiḋ feasda, agus coṁnuiġiḋ: féuċ, do ḋruid a núair rinn, agus a tá Mac an duine agá ṫaḃairt a láṁaiḃ na bpeacaċ.

⁴⁶ Eírġiḋ, bíom ag imṫeaċd, féuċ, is fogus duinn an té ḃraiṫeas misi.

⁴⁷ Agus an feaḋ do ḃí sé ag ráḋ ná ṁríaṫarsa, féuċ, táinic Iúdas, duine don dá ḟear ḋég, agus cuideaċda ṁór na ḟoċair maille lé cloiḋṁiḃ agus lé batuiḋiḃ, ó úaċdaránuiḃ na sagart, agus ó ṡinnsearuiḃ an ṗobail.

⁴⁸ Aċd tug an fear do ḃraṫ é coṁarṫa ḋóiḃsean, ag ráḋ, Gioḋ bé neaċ ḋá dtioḃra misi póg, a sé sin é: beiriḋ air.

⁴⁹ Agus ar an mball a núair ṫáinic sé ċum Iósa, a duḃairt sé, Go mbeannuiġṫear ḋuit, a ṁaiġisdir; agus tug sé póg ḋó.

⁵⁰ Agus a duḃairt Iósa risean, A ċara, créd fá dtaínic tú? Tangadarsan an tráṫsin, agus do ċuireadar láṁ a Niósa, agus do ġaḃadar é.

⁵¹ Agus, féuċ, síneaḋ a láiṁe dfior don ṁuinntir do ḃí a ḃfoċair Iósa, do ṫarraing sé a ċloiḋeaṁa maċ, agus ar mbúalaḋ searḃḟoġantuiġe a nárdṡagairt, do ḃen sé a ċlúas de.

⁵² Ann sin a deir Iósa ris, Cuir do ċloiḋeaṁ a rís an a ionad féin: oír gaċ uile ḋuine ġlacus cloiḋeaṁ is le cloiḋeaṁ ṫuitfeas sé.

⁵³ A né naċ sáoileann tú gur ab éidir leamsa Maṫair do ġuiḋe a nois, agus do ḃéaraḋ sé ḋaṁ do láṫair ní sa ṁó ná ḋá léġión dég daingliḃ?

⁵⁴ Aċd cionnas do coiṁlíonfuiḋṫe mar sin na sgrioptúirí, gur ab mar so is éigin a ḃeiṫ.

⁵⁵ A duḃairt Iósa ris an tslúaġ a núairsin, Tangaḃair a maċ aṁuil ċum bioṫuṁnaiġ le cloiḋṁe agus lé batuiḋe dom ġlacaḋsa? do ḃínn am ṡuiḋe gaċ áon lá eadruiḃ sa teampoll ag teagasg, agus ní rugaḃair oram.

⁵⁶ Aċd táinic so uile ċum críċe, ionnas go gcoiṁlionfuiḋṫe sgrioptúiriḋe na ḃfáiḋeaḋ. Ar na ṫréigean dá ḋeiscíobluiḃ uile ann sin, do ṫeiṫeadar.

⁵⁷ Agus ar mbreiṫ ar Iósa ḋoiḃsean rugadar léo ċum Caiṗáis an tárdṡagart é, mar a raḃadar na sgriobuiḋe agus na sinnsir cruinn.

⁵⁸ Agus do lean Peadar a ḃfad úaḋ é, go palais a nardṡagairt, agus ar ndul a sdeaċ ḋó, do ṡuiḋ sé a ḃfoċair na searḃḟoġantuiḋeaḋ, do ċum go ḃfaicfeaḋ sé an deireaḋ.

⁵⁹ Agus do iarradar úaċdaráin na sagart, agus na seinnsir, agus an ċoṁairle uile, fiaḋnuisi ḃréige a naġuiḋ Iósa, ionnas go gcuirfidis ċuin báis é;

⁶⁰ Agus ní ḟúaradar: agus fós, gé ṫangadar mórán dfíaḋnuisiḃ fallsa, ní ḟúaradar. Agus fa ḋeireaḋ ar dteaċd do ḋiás dfíaḋnuisiḃ bréagaċa,

⁶¹ A duḃradar, A duḃairt an fearso, Is éidir leamsa teampoll De do leagaḋ, agus a ṫógḃail a dtrí lá.

⁶² Agus ar neírġe do nárdṡagart, a duḃairt sé ris, Naċ ttugann tú freagra éigin úait? créd fa ḃfuilid so ag deanaṁ fíaḋnuisi ad aġuiḋ?

⁶³ Giḋeaḋ níor laḃair Iósa áonḟocal. Agus do ḟreagair an tárdṡagart agus a duḃairt sé ris, Cuirim ort a huċd Dé ḃí, innisin dúinn an tú Críosd, Mac Dé.

⁶⁴ A deir Iosa ris, A duḃairt tusa é: aċd ċeana a deirimsi riḃ, Na ḋiaiġ so do ċifiḋe Mac an duine na ṡuiḋe ar deas láiṁ ċuṁaċd Dé, agus ag teaċd a néulliḃ neiṁe.

⁶⁵ Ann sin do réub an tárdṡagart a éaduiġe, ag ráḋ, Gur laḃair sé blaisṗéime; créd í a nuireasḃuiḋ fiaḋnuisi a tá oruinn ní sa mo? féuċ, do ċúalaḃair a nois a ḃlaisṗéime.

⁶⁶ Créd do cíṫear ḋáoiḃsi? Agus ar ḃfreagra ḋóiḃsean a duḃradar, Do ṫuill sé bás.

⁶⁷ Ann sin do ġaḃadar do ṡeiliḋiḃ an a éadan, agus do ġaḃadar dream eile do ṡlataiḃ air,

⁶⁸ Ag ráḋ, Deuna faiḋeadoíreaċd ḋúinn, a Ċríosd, Cía ḃúail ṫú?

⁶⁹ Agus do ḃí Peadar na ṡuiḋe a muiġ ann sa halla: agus táinic cailin aíriḋe ċuige, ag ráḋ, Do ḃí tusa leis a ḃfoċair Iósa an Galiléaċ.

⁷⁰ Aċd do ṡéan seisean a ḃfíaḋnuisi ċáiċ uile, ag ráḋ, Ní ḟeidir mé créd a deir tú.

⁷¹ Agus ar ndul a maċ ḋó ann sa ṗóirsi, do ċonnairc cailín eile é, agus a duḃairt sí rís an luċd do ḃí a laṫair, Do ḃí an fearsa leis a ḃfoċair Iósa Násarḋa.

⁷² Agus do ṡéan sé a rís maille ré mionnaiḃ, Ní haiṫne ḋaṁ an duinesin.

⁷³ Agus tamall na ḋíaiġ sin tangadar an dream do ḃí na seasaṁ a láṫair, agus a duḃradar ré Peadar, Go fírinneaċ is díoḃ súd féin ṫusa; óir a tá do ċamnt féin dod ḃraṫ.

⁷⁴ Ann sin do ṫionnsgain sé ḃeiṫ ag malluġaḋ agus ag mionnuġaḋ, Ní haiṫne ḋaṁ an duine. Agus ar an mball do ġláoiḋ an coileaċ.

⁷⁵ Agus ann sin do ċuiṁniġ Peadar ar ḃríaṫruiḃ Iósa, a duḃairt ris, Suil ġoirfeas an coileaċ, séanfuiḋ tú mé trí húáire. Agus ar ndul a maċ ḋó, do ġuil sé go géur.