Maitiú 24 - An Bíobla Naoṁṫa 1817 (Bedell)

Caibidil XXIV Coṁarṫaḋa roiṁ scrios Ierusalem. 29 Agus roiṁ ḋeireaḋ an doṁain.

¹ Agus ar ḃfagḃáil an teampuill Diósa, do ímṫiġ sé: agus tangadar a ḋeisciobuil ċuige do ṫaisbéanaḋ oibreaċ an teampuill ḋó.

² Agus a duḃairt Iósa riu, An bfaicṫí íad so uile? go fírinneaċ a deirimsi riḃ, Naċ bfúigfiḋṫear cloċ ar muin ċloiċe ann so, naċ sgáoilfiḋṫear.

³ Agus ar suiġe ḋó ar ṡlíaḃ na noluiḋeaḋ, do ċúadar a ḋeisciobuil ċuige go prioḃáideaċ, ag ráḋ, Innis dúinne, gá húair ṫiocfuid na neiṫesí ċum criċe, agus créd é coṁarṫa do ṫeaċdasa, agus ḋeiriḋ an tsáoġail?

⁴ Agus ar ḃfreagra Diósa a duḃairt sé riu, Taḃruiḋ dá ḃar naire naċ meallfa eín neaċ siḃ.

⁵ Oír tiocfuid móran am mainmsi, ag ráḋ, Is misi Criósd; agus meallfuid mórán.

⁶ Do ċluinfiṫí cogṫuiḋ agus túarasgḃáil cogṫaḋ: taḃruiḋ dá ḃur naire gan búaiḋreaḋ do ḃeiṫ oruiḃ: oír is éigin na neiṫesi uile do ṫeaċd ċum críċe, aċd ní ḃfuil deireaḋann fós.

⁷ Oir éiréoċuiḋ cineaḋ a naġaiḋ ríoġaċda: agus beíd górta, agus pláiġean na, agus crioṫ talṁan, a móran dáitiḃ.

⁸ Aċd ní ḃfuil ionnta so uile aċd, tosaċ aṁgar.

⁹ Ann sin do ḃéaruid síad siḃsi dá ḃur gcéasaḋ, agus muirfid siḃ: agus bíaḋ fúaṫ ag na huile ċíneaḋaċuiḃ ḋáoiḃ ar son manmasa.

¹⁰ Ann sin do ġeaḃuid móran aḋḃar oilḃeime, agus braiṫfid dáoine a ċeile, agus bíaiḋ fúaṫ aca ḋá ċéile.

¹¹ Agus éiréoċuid mórán dfáiḋiḃ fallsa, agus meallfuid ṁórán.

¹² Agus do ḃriġ go mbía a néagcóir ar na meaduġaḋ, fúairéoċuiḋ carṫannaċd ṁóráin.

¹³ Aċd giḋ bé ḃías seasṁaċ go deireaḋ, a sé ṡláineoċṫar.

¹⁴ Agus do ḋéantar an soisgéulsa na ríoġaċda do ṡeanmóir ar feaḋ an doṁain uile; mar ḟíaḋnuisi do na huile ċineaḋaċuiḃ; agus ann sin tiocfuiḋ an deireaḋ.

¹⁵ Ar a naḋḃarsin an tráṫ do ċífiḋe aḋḟúaṫṁuireaċd an léirsgrios, air ar laḃair Dániel fáiḋ, na seasaṁ ann sa nionad ċoisreagṫ: (tuigeaḋ, an té léaġas:)

¹⁶ Ann sin an luċd ḃiás a ttier Iúdaiġe teiṫeaḋ síad fá na sléiḃtiḃ:

¹⁷ An té a tá ar ṁullaċ an tiġe na tiġeaḋ sé a núas do ḃreiṫ neiṫe ar biṫ leis as a ṫiġ:

¹⁸ Agus an té a tá ar an maċaire na filleaḋ sé ar ais do ṫógḃáil a eaduiġ leis.

¹⁹ Agus buḋ trúaġ do na mnáiḃ torrċa, agus don luċd do ḃeir cíċe úaṫa ann sna laiṫiḃsin.

²⁰ Agus guiḋiḋ gan ḃur dteiṫeaḋ do ḃeiṫ ann sa ngeiṁreaḋ, na sa tsaḃóid:

²¹ Oír bíaḋ aṁgar mór ann tráṫsin, aṁail naċ raiḃ ann ó ṫús an doṁain gus a nois, agus naċ mbiaiġ go bráṫ.

²² Agus muna ngearruiġṫi na laéṫe úd, ní raċaḋ féoil ar biṫ as: aċd gearrfuiġṫear na laéṫe úd ar son na ndáoine toġṫa.

²³ Ann sin ma deir áonduine riḃ, Féuċ, a tá Críosd ann so, nó ann súd; ná creidiḋ é.

²⁴ Oír eiréoċuiḋ Críosdanna fallsa, agus fáiḋ fallsa, agus do ḋeánuid coṁarṫuiḋe agus miorḃuile móra; ionnas go meallfuid síad (da maḋ éidir é) na dáoine toġṫa féin.

²⁵ Féuċ, tug mé sgéula ḋáoiḃ roiṁe a naimsir.

²⁶ Ar a naḋḃarsin dá nabruid síad riḃ, Féuċ, a tá sé san ḃfásaċ; na himḋiġ amaċ: Féuċ, atá sé a seómruiḋiḃ úaigneaċa; na creidiḋ sin.

²⁷ Oír do réir mar ṫig téinnteaċ ó a náird ṡoir, agus do cíṫear í go soiṫe a náird ṡoir, agus do cíṫear í go soiṫe a náird ṡíar; mar sin ḃías teaċd Ṁic an duine.

²⁸ Oír giḋ bé ball ann a mbía an conablaċd, is ann sin ċruineoċṫar na hioluir.

²⁹ Ar an mball ndíaiġ trioblóide na laiṫeaḋ úd bíaiḋ an ġrían ar ua ḋorċuġaḋ, agus ní ṫioḃra an ġealaċ a soillsi úaiṫe, agus tuitfid na réulta ó neaṁ, agus craiṫfiḋṫear suḃáilciḋe neiṁe.

³⁰ Ann sin do ċífiḋṫear coṁarṫa Ṁic an duine ar neaṁ: agus ann sin caóifid treaḃa na talṁan uile, agus do ċífid Mac an duine ag teaċd a néullaiḃ neiṁe maille ré cuṁaċdaiḃ agus ré glóir ṁóir.

³¹ Agus cuirfiḋ sé a aingil le trompa agus lé guṫ mór, agus cruinneoċuid síad a ḋáoine toġṫasan ó na ceiṫre gáoṫaiḃ, ó leiṫimeal neiṁe go soiṫe an leiṫimeal eile ḋe.

³² Agus foġlomuiḋ cosaṁlaċd ón ċrann fíge; A núair ḃíos a ġéagmáoṫ, agus ḟásas a ḋuilleaḃair, áiṫeantar gur ab fogas an saṁraḋ:

³³ Mar an gcéadna bíṫ a ḟios agaiḃsi, an tráṫ do ċífiḋe na neiṫisi uile, go ḃfuil sé a ngar ḋáoiḃ, ann sna doirsiḃ.

³⁴ A deirim riḃ go firinneaċ, Naċ raċa an dínesi ṫoruinn nó go ndéantar na neiṫe si uile.

³⁵ Raċuiḋ neaṁ agus talaṁ ṫort, aċd ní raċuid mo ḃríaṫrasa ṫort go bráṫ.

³⁶ Aċd ni ḃfuil fios an láoi ná na húaire úd ag duine ar biṫ, ná fós, ag aingliḃ neiṁe, aċ dag Maṫairse aṁáin.

³⁷ Agus aṁuil laéṫe Náoi, is mar sin ḃías teaċd Ṁic an duine.

³⁸ Oír mar do ḃádar ann sna laéṫiḃ ré udílínn ag iṫe agus ag ol, ag pósaḋ ban agus ag taḃair ban dfearuiḃ, go soiṫe an lá an a ndeaċuiḋ Naói a sdeaċ ann sa naírc,

³⁹ Agus ni raiḃ a ḟios aca nó go dtáiníc an díle, agus gur ṫógaiḃ sé lé íad uile; is mar sin ḃías teaċd Ṁic an duine.

⁴⁰ Béid días ar an maċaire an tráṫsin; géuḃṫar lé fear aca, agus fuiġfiḋṫear an fear eile.

⁴¹ Béid díás ban ag méilt ann sa ṁuileann; géuḃṫar lé mnáoi aca, agus fuigfiḋṫear an ḃean eile.

⁴² Ar a naḋḃarsin déanuiḋsi faire: oír ní ḃfuil a ḟios agaiḃ gá húair ṫiocfas ḃur Dtiġearna.

⁴³ Aċd bíoḋ a ḟios so agaiḃ, dá mbeaṫ a ḟios ag fear an tiġe cía an úair a dtíocfaḋ an gaduiḋe, go deiṁin do ḋéanaḋ sé faire, agus ní ḟuileongaḋ sé a ṫiġ do ṫoċailt tríd.

⁴⁴ Agus ar a naḋḃarsin bíṫísi ullaṁ: oír is ann sa núair naċ sáoilti ṫiocfas Mac an duine.

⁴⁵ Uime sin cía a tá na óglaċ ḟírinneaċ ġlic, noċ do ċuir a ṫiġearna ós cionn a ṁuinntíre, do ṫaḃair bíḋ ḋóiḃ na am féin?

⁴⁶ Is beannuiġṫe an tóglaċ úd, á ḃfuiġe a ṫiġearna ag teaċd, é ḋá ḋéanaṁ mar sin.

⁴⁷ Go fírinneaċ a deirimsi riḃ, Go gcuirfe sé os cionn a ḃfuil aige é.

⁴⁸ Aċd má a deir an droċṡearḃfoġantuiḋe úd anna ċroiḋe, A tá mo ṫiġearna ag cur a ṫeaċda a riġneas;

⁴⁹ Agus má ṫionnsgnann sé a ċoṁṡearḃḟoġantuiḋe féin do ḃúalaḋ, agus fós ḃeiṫ ag iṫe agus ag ol a ḃfoċair luċd meisge;

⁵⁰ Tiocfuiḋ tiġearna a nógláoiċ úd ann sa lá naċ ḃfuil súil aige rís, agus ann sa núair naċ ḃfuil a ḟios aige,

⁵¹ Agus roinnfiḋ sé é, agus do ḃéara sé a ċuid dó a ḃfoċair luċd an ḟúarċraḃaiḋ: mar a mbía gul agus gíosgán fíacal.