Maitiú 20 - An Bíobla Naoṁṫa 1817 (Bedell)

Caibidil XX An eagluís ar na saṁluġaḋ re fineaṁuin, 20 agus iarratus uáiḃreaċ ṁaṫar ċloinne Ṡebedei, ar na ċur ar ccúl.

¹ Oir is cosṁuil an ríoġaċd neaṁḋa ré fear tiġe áiriġṫe, do ċúaiḋ a maċ lé héirġe an láoi do ċur luċd oibre ar túarasdal ann ḟineaṁuin.

² Agus tar éis réiḋiġe ris an luċd oibre ar ṗiġinn sa ló, do ċuir sé ann a ḟíneaṁain íad.

³ Agus ar ndul a maċ ḋó timċeall an treas úair, do ċonnarc sé droag eile díoṁáoineaċ na seasaṁ ar an margaḋ,

⁴ Agus a duḃairt sé ríu: Imḋiġsi leis don ḟíneaṁuin, agus giḋ bé ní ḃús ceart do ḃéara mé ḋíḃ é. Agus do imḋiġeadarsan.

⁵ A rís ar nimṫeaċd a maċ ḋó timċeall an seiseaḋ agus an náoṁaḋ húair, do rinne sé mar an gcéadna.

⁶ Agus ar ndul a maċ ḋó a dtimċeall an áonṁaḋ húair déag, fúair sé dream eile na seasaṁ díoṁáoineaċ, agus a deir sé ríu, Créad fá ḃfuiltísi ḃur seasaṁ an so feaḋ an láoi díoṁáoineaċ?

⁷ A deirid siádsan ris, Ar son nar ċongaiṁ duine ar biṫ ar túarasdal sinn. A deir seisean ríu, Imṫiġsi mar an gcéadna don ḟíneaṁain; agus giḋ bé ní ḃus coir do ġeúḃṫáoi é.

⁸ Agus ar dteaċd don tráṫ nóna, a deir tiġearna na fíneaṁna ré na sdíoḃard, Goir an luċd oibre, agus taḃair ḋóiḃ a dtúarasdal, ag tosuġaḋ ón luċd ṫáinic fa ḋeireaḋ, go soiṫe na céaddáoine.

⁹ Agus ar dteaċd don druing úd ṫáinic a dtimċeall an áonṁaḋ húair déag, fúair gaċ duine ḋióḃ ṗiġinn.

¹⁰ Agus ar dteaċd don ċéid dreim do ṡáoileadar go ḃfuiġedis féin ní buḋ ṁó; ahd ċeana fúair gaċ áon díoḃ, mar an gcéadna, piġinn.

¹¹ Agus ar na ġlacaḋ ḋóiḃ, do rinneadar monaḃar a naġuiḋ ḟir ṁaiṫ an tiġe,

¹² Ag ráḋ, An dreamso ṫáinic fa ḋeireaḋ ni ḋearnadar obair aċd áonúair a ṁáin, agus do ċuirisi íad a gcoiṁṁeas rinne, diomċuir muiriḋin agus teasḃaċ an láoi.

¹³ Agus ar ḃfreagra ḋósan, a duḃairt sé ré fear ḋíoḃ, A ċompánuiġ, ní ḃfuilim ag déanaṁ éagcóra ortsa: a né nár réiḋiġ tú ríom ar ṗiġinn?

¹⁴ Tógaiḃ leaċd do ċuid féin, agus imṫiġ: a si mo ṫoilsi a ṫaḃairt don tési ṫáinic fa ḋeireaḋ, mar ṫug mé ḋuitsi.

¹⁵ A né naċ ceaduiġeaċ ḋaṁsa an ní is toil leam féin do ḋéanaṁ rém ċuid féin? An ḃfuil do ṡúilsi go holc, air son go ḃfuilimsi maiṫ?

¹⁶ Is mar sin béid na dáoine deiġionaċ air tosaċ, agus na céad dáoine air deireaḋ: oir a ta mórán ar na ngairm, agus beagan ar na dtoġa.

¹⁷ Agus ag dul súas Diosa go Hiárusalém rug sé an dá ḋeisciobal déag leis fa leiṫ ann sa tsliġ, agus a duḃairt sé ríu.

¹⁸ Féuċ, a támáoid ag dul súas go Hiarusaleim; agus do ḃéarṫar Mac an duine dúaċdaránaiḃ na sagart agus do na scríobuiġiḃ, agus béaruid síad breaṫ ḃáis air.

¹⁹ Agus do ḃéaruid síad do na cineaḋaċduiḃ e do ċum go ndéindís fonáṁad fáoi, agus go sgiursfaidís, agus go groċfaidis é: aċd an treas lá éiréoċaiḋ sé a rís.

²⁰ Ṫainic máṫair ċlionne Ṡebedei ċuige an tráṫsin, maille ré na maca, dá onóruġaḋ, agus ag iárruiḋ neiṫer áiriġe air.

²¹ Agus a duḃairt seisean ría, Créd í do ṫoil? A deir sis iris, Abair go suiḋfid an diás macso agamsa, aón aca ar do láiṁ ḋeis, agus aon eile ar do láiṁ ċlé, ad rioġaċd.

²² Agus ar ḃfreagra Díosa a duḃairt, Ni ḃfuil a ḟios agaiḃ créd iárrṫáoi. A neidir liḃ an cupán íoḃas misi dól, agus ḃur mbaisdeaḋ leis an mbaisdeaḋ le a mbaisdear misi? A duḃradarsan ris, Is éidir.

²³ Agus a deir seisean riu, Ioḃṫáoi go deiṁin dom ċupánsa, agus baisdfiḋṫear siḃ leis an mbaisdeaḋ lé a mbaisdear misi: aċd suiġe ar mo láiṁ ḋeis, agus ċlé, ní leamsa a ṫaḃairt, aċd ḃeirar don dreim dá ḃfuil sé ar na ullṁuġaḋ ó Maṫair.

²⁴ Agus an tráṫ do ċúaladar an deiċneaḃar eile so, do ḃí neiṁċion aca ar an días dearḃráṫar.

²⁵ Agus ar na ngairm ċuige Diósa, a duḃairt sé, Atá a ḟios agaiḃ go ḃfuil úaċdaránaċd agá dtiġearnuiḃ ar na Cineaḋaċaiḃ, agus go ḃfuilid na dáoine móra trén orrṫa.

²⁶ Giḋeaḋ ní mar sin ḃías sé eadruiḃsi: aċd gioḋ bé neaċ lé maḋ mían ḃeiṫ mór eadruiḃ, bíoḋ sé na ṡeirḃiseaċ agaiḃ;

²⁷ Agus gioḋ bé neaċ lé nab áill ḃeiṫ na úaċdarán éadruiḃ, bíoḋ sé na ṡearḃfoġantuiḋe agaiḃ:

²⁸ Aṁáil as naċ dtáinic Mac an duine do ċum go ndéantáoi seirḃís ḋó, aċd do ḋéanaṁ seirḃísi, agus do ṫaḃairt anma féin mar éiric ar son ṁóráin.

²⁹ Ar ndul a maċ ḋóiḃ an tráṫsin as Iericó, dó lean slúaġ mór éisean.

³⁰ Agus, féuċ, días do ḋáoiniḃ dalla do ḃí na suiḋe ċois na sliġe, an tráṫ do ċúaladar go ráiḃ Iósa ag gaḃail ṫársa, do éiġṁeadar, ag raḋ, Déana trócaire oruinu, a Ṫiġearna, a Ṁic Ḋáḃí.

³¹ Aċd do spreagadar an slúaġ íad, do ċum go gcoisgfidís: acd ċeana is móide do eíġṁeadarsan sin, ag ráḋ, Déana trócaire oruinn, a Ṫiġearna, a Ṁic Ḋáḃí.

³² Agus ar seasaṁ Diósa, do ġóir sé íad, agus a duḃairt se, Cred is áill liḃ ḋaṁsa do ḋéanaṁ ḋáoiḃ?

³³ A deiridsean ris, A Ṫiġearna, ar súile dosglaḋ.

³⁴ Agus do ġaḃ trúaiġe Iósa ḋóiḃ, agus do ḃean sé ré na súiliḃ: agus taínic raḋarc da súiliḃ ar an mball, agus do leanadar eisean.