Maitiú 17 - An Bíobla Naoṁṫa 1817 (Bedell)

Caibidil XVII Aṫruġaḋ agus deallruġaḋ cruṫ Ċríosd. 22 A ṫairrgir um a ċeasaḋ. 24 Agus iocaḋ an ċanucais.

¹ Agus a gcionn sé lá beiriḋ Iósa Peadar, agus Séumas, agus Eóin a ḋearḃráṫair, agus tréoruiġiḋ sé íad ar leiṫ go slíaḃ árd,

² Agus do háṫruiġeaḋ a ċruṫ an a ḃfiadnuisi: agus do ḋeallruiġ a aġuiḋ mar an ngréin, agus do rinneaḋ a éuduiġe geal mar an solas.

³ Agus, féuċ, do taiḋḃriġeaḋ ḋóiḃ Máoise, agus Elías, a ccoṁráḋ ris.

⁴ Agus ar ḃfreagra do Ṗeadar, a duḃairt sé ré Híosa, A Ṫiġearna, is maiṫ ḋúinn ḃeiṫ ann so: mas áil leaċd, déanam trí boṫa ann so; boṫ ḋuitsi, boṫ so Ṁáoisi, agus boṫ Delías.

⁵ Suil do sguir seisean do laḃairt, féuċ, do ṫeilg néull soillseaċ sgáile orrṫa: agus feuċ táinic guṫ as an néull, ag ráḋ, Ag so an Mac gráḋaċ úd agamsa, an a ḃfuil mo ṫoil ṁaiṫe; Eisdiġ ris.

⁶ Agus an tráṫ do ċúaladar na deisgiobuil so, do ṫuiteadar air a naġuiḋ, agus do ġaḃ eagla roṁór íad.

⁷ Agus ar dteaċd Diósa do ḃean sé ríu, agus a duḃairt sé, Eirġiḋ, agus na bíoḋ eagla oruiḃ.

⁸ Agus ar dtogḃáil a súl dóiḃ, ni ḟacadar éin neaċ, aċd Iósa na áonar.

⁹ Agus an tráṫ ṫangadar a núas do tslíaḃ, do aiṫin Iósa ḋióḃ, ag raḋ, Na hinnisiḋ déinneaċ an ní do taiḋḃriḋeaḋ ḋáoiḃ, no go néirġe Man an duine ó ṁarḃaiḃ.

¹⁰ Agus do ḟiafruiġeadar a ḋeisciobail ḋeisean, ag ráḋ, Maseaḋ cred fa a nabruid na sgrioḃuiḋe gur ab éigin Elías do ṫeaċd air tús?

¹¹ Agus ar ḃfreagra Díosa a duḃairt se ríu, Tiocfuiḋ Elías go fírrinneaċ ar tús, agus aiseoguiḋ sé gaċ éin ní.

¹² Aċd a deirimsi riḃ, go dtáinic Elías ċeana, agus naċ ar aiṫniġeadar é, aċd go ndearnadar a dtoil féin ris. Is mar sin ḟuiléongas Mac an duine mar an gcéadna úaṫa.

¹³ Do ṫuigeadar na deisciobuil ann sin gur ab a dtimċeall Eóin Baisde do laḃair sé riú.

¹⁴ Agus an tan tangadar a gceann an ċoimṫionóil, do ċuáiḋ neaċ airiġe ċuige, ag slénċduin ar a ġlúiniḃ ḋó, agus ag ráḋ,

¹⁵ A Ṫiġearna, déana trocaire ar mo ṁac: oi ḃíḋ sé tinn lé goin an ré agus is mor dolc ḟuilngeas sé: óir tuitiḋ sé a dteiniḋ go minic, agus a nuisge go minic.

¹⁶ Agus do ṫairg mé dod ḋeisciobluiḃsi é, agus níor ḟéadadar a leiġeas.

¹⁷ Agus ar ḃfreagra Diosa a duḃairt sé, A ċineaḋ dóṫeaguisg gan ċreideaṁ, gá fad fós ḃías mé ḃur ḃfoċair? gá fad fos ḟuiléongas mé siḃ? taḃruiḋ ċugamsa ann so é.

¹⁸ Agus do spreag Iósa an deaṁan; agus do imṫiġ sé as: agus do ḃí an leanaḃ slán ó núairsin a maċ.

¹⁹ Ar dteaċd do na deisciobluiḃ ċum Iósa an tráṫsin fa leiṫ, a duḃradar, Créd é an fáṫ naċ ar ḟéadamáirne súd do ṫeilgean a máċ?

²⁰ Agus a duḃairt Iósa riú, Ar son ḃur míċreidiṁ: oir a deirim riḃ go fírinneaċ, Dá mbeiṫ oiread re gráinne musdaird do ċreideaṁ agaiḃ, a déarṫáoi ris an slíaḃ so, Aṫruiġ as so ann súd a nunn; agus aṫrroċuiḋ sé; agus ní ḃía ní ar biṫ naċ buḋ éidir liḃ.

²¹ Aċd ċeana ni ṫéid an sort deaṁanso a maċ aċd lé hurnuiġṫe agus le trosgaḋ.

²² Agus ar ndéanaṁ coṁnuiġe ann sa Ġalilé ḋóiḃ, a duḃairt Iósa ríu, Do ḃéarṫar Mac an duine a láiṁaiḃ na ndáoine:

²³ Agus muirfid síad é, aċd an treas lá eíroċaiḋ sé arís. Agus do ġaḃ doḃrón roṁór íadsan.

²⁴ Agus ar dteaċd ḋóiḃ go Capernáum, tangadar luċd na ciósċána do ġlacaḋ go Peadar, agus a duḃradar, Naċ íocann ḃur maiġisdirsi an ciósċáin?

²⁵ A deir seisean, Iócuiḋ. Agus an tráṫ do ċúaiḋ sé a sdeaċ don tiġ, do laḃair Iósa risean ar tús, ag ráḋ, Créd í do ḃaraṁuilsi, a Ṡímóin? cía ar a dtógḃuid ríġṫe na talman cios nó cánáċas? an ó ná gcloinn féin, nó ó ċoiṁṫiġe?

²⁶ A deir Peadar ris, O ċoiṁṫiġe. A duḃairt Iósa ris, Ar a naḋḃarsin atáid an ċlann sáor.

²⁷ Aċd ionnas, naċ dtioḃramáois oilḃéim ḋóiḃ, imṫiġsi ċum na fáirge, agus teilg innte duḃán, agus tóg an cédiasg ṫiocfas a nios; agus ar nosglaḋ a ḃéuil, do ġeaḃa tú piósa airgid: glac sin, agus taḃair ḋóiḃ é ar mo ṡonsa agus ar do ṡon féin.