Maitiú 16 - An Bíobla Naoṁṫa 1817 (Bedell)

Caibidil XVI Droċ ṫeagasc na Bparisineaċ, inṡeaċanta; 16 adṁail ġlórṁar Ṗeadair; 24 agus gu bfuil dḟiaċaiḃar luċt leanṁuin Ċríosd an nainṁain do ċrosaḋ.

¹ Agus ag teaċd do na Ṗarisineaċaiḃ agus do na Sadduiċíneaċuiḃ, a cur caṫuiġṫe air do iárradar air coṁarṫa do ṫaisbéanaḋ ó neaṁ ḋóiḃ.

² Agus ar ḃfreaga ḋósan a duḃairt sé ríu, An tráṫ ṫig deireaḋ an láoi, a dearṫáoi, Bíaiḋ sé na ṡoininn: óir a tá an taiér dearg.

³ Agus ar maidin, bíaiḋ droċaimsear ann a níu: oír a tá an taier ag deargaḋ agus ag dorċuġaḋ. A luċd an ḟúarċráḃaiġ, is éol dáoiḃ gnúis a naier do ḃreaṫnuġaḋ; aċd a né naċ édir liḃ coṁarṫuiḋe na naimsearaċ do ṫuigsin?

⁴ Iárraiḋ an droiċċineaḋ aḋaltrannaċ coṁarṫa; agus ní tioḃarṫar coṁarṫa ḋó, aċd coṁarṫa Iónás an fáiḋ, agus ar ndealuġaḋ ríu, do imṫiġ sé.

⁵ Agus an tráṫ ṫangadar a ḋeisciobail a dtir ann sa ṗort ṫall, do ḋearmadar arán do ḃreiṫ léo.

⁶ Agus a duḃairt Iosa ríu, Taḃruiḋ dá ḃur naire agus coiṁheaduiġ siḃ ó laiḃín na Ḃṗairisíneaċ agus na Saduiċineaċ.

⁷ Agus do ṫagradarsin eatorra féin, ag ráḋ, Is ar son naċ dtugamar arán linn.

⁸ Agus ar an ṫuigsin sin Diósa, a duḃairt sé ríu, O luċd an ċreidiṁ ḃig, créd fá a dtagarṫáoi eadraiḃ féin, gur ab ar son naċ dtugaḃair arán liḃ?

⁹ A né naċ dtuígṫí fós, no naċ ccuiṁniġṫí na cúig aráin na gcúig ṁíle fear, agus ga ṁéd clíaḃ do ṫógaḃair?

¹⁰ Nó na seaċd naráin na gceiṫre ṁíle fear, agus ga ṁéd clíaḃ do ṫógaḃair?

¹¹ Cionnas naċ ttuigṫí naċ a dtimċeall aráin a duḃairt mé riḃ, ḃur naire do ṫaḃairt ḋáoiḃ ar laiḃin na Ḃṗairisíneaċ, agus na Saduiċineaċ?

¹² Ann sin do ṫuigiodar cionnas naċ díarraḋ orra aire do ṫaḃairt dóiḃ ar loiḃín an aráin, aċd ar ṫeagasc na Ḃṗairisineaċ, agus na Saduiċineaċ.

¹³ Agus ar dteaċd Diósa go críoċaiḃ Ṡesárea Ṗilippí, do ḟíafruiḋ sé dá ḋeisciobluiḃ, ag ráḋ, Créd a deir na dáoine, cía misi Mac an duine?

¹⁴ Agus a duḃradarsan, A deirid cuid ḋíoḃ gur ab tú Eóin Baisde: agus cuid eile, Elías; agus cuid eile, Ieremias, nó áon do na faiḋiḃ.

¹⁵ A deir seisean ríu, Aċd créd a deir siḃsi cía mé?

¹⁶ Agus ar ḃfreagra do Ṡímón Peadar a duḃairt sé, Is tusa Criósd, Mac Dé ḃí.

¹⁷ Agus ar ḃfreagra Diósa an tráṫsin a duḃairt sé ris: As beannuiġṫe ṫú, a Ṡímoin ṁic Ióna: óir ní féoil ná fuil do ḟoillsiġ sin duit, aċd Maṫairsi a tá air neaṁ.

¹⁸ Agus a deirimsi riot, Gur ab tusa Peadar, agus gur ab ar an gcarruicsi ṫóigeaḃus misi méagluis féin; agus naċ béaruid geatuiḋe ifeirn búaiḋ uirrṫe.

¹⁹ Agus do ḃéara me ḋuit eoċraċa na ríoġaċda neaṁḋa: agus gioḋ bé ní ċeingéolus tú ar talaṁ biáiḋ sé ceanguilte ar neaṁ: agus gioḋ bé ní sgáoilfeas tú ar talaṁ, biáiḋ sé sgáoilte ar neaṁ.

²⁰ Ann sin do aiṫin sé dá ḋeisciobluiḃ gan innisin déin neaċ gur ḃé féin Iósa Criosd.

²¹ O a núairsin amaċ do ṫionnsgain Iosa a ḟoillseaġaḋ ḋá ḋeisciobluiḃ, gur ab éigin dó ḋul go Híarusaleim, agus mórán dfulang ó na seinnsearuiḃ agus ó úaċdaránaiḃ na sagart agus ó na sgriobuiḋiḃ, agus bás dfulang, agus eiséirġe an treas lá.

²² Aċd do ġaḃ Peadar é, agus do ṫionnsgain sé aċṁusan do ṫaḃairt dó, ag ráḋ, A ḃfad uaidse sin, a Ṫiġearna: ní ṫeigeoṁa so ḋuitse.

²³ Aċd ar gcasaḋ ḋósan, a duḃairt sé ré Peadar, Imṫiġ am ḋiaiġ, a Ṡátain: is scannail ḋaṁ ṫú: oir ní ṫuigeann tú na neiṫe ḃeanas ré Diá, aċd na neiṫe ḃeanas ré dáoiniḃ.

²⁴ A duḃairt Iósa an tansin ré na ḋeisciobluiḃ, Más áill le neaċ teaċd am ḋiaġsi, díultaḋ sé ḋó fein, agus tóġaḋ sé a ċros, agus leanaḋ se misi.

²⁵ Oír giḋ bé neaċ lé nab mían a anam féin do ċuṁdaċ caillfiḋ sé é: agus giḋ bé neaċ ċaillfeas a anam arm o ṡonsa do ġeaḃa sé é.

²⁶ Oír créd é a ṫarḃa do ḋuine, da ngnoḋuiġeaḋ sé an doṁan uile, agus a anam féin do leígean a muġa? No créd í an ṁalairt do ḃeuraḋ duine ar son anma féin.

²⁷ Oír tiocfuiḋ Mac an duine a nglóir a Aṫar féin maille lé na aingliḃ; agus do ḃéara sé an tráṫsin dá gaċ neaċ do réir a ġnioṁarṫa.

²⁸ Go fírinneaċ a deirimsi riḃ, Go ḃfuil cuid do luċd a tá na seasaṁ ann so, naċ blaisfiḋ bás, no go ḃfaicid Mac an duine ag teaċd ann a rioġaċd féin.