Maitiú 15 - An Bíobla Naoṁṫa 1817 (Bedell)

Caibidil XV Gur bé peacaḋ do ṡalaċas duine, 21 agus gu bfuáir greim ḋaingion ċreidiṁ na mná ó Ċanaan, a hiarratus di.

¹ Ann sin tigid sgríobuiġe agus Ṗairisíniġ ó Ierusalem, go Hiósa, ag raḋ,

² Créd fá a sáruiġid do ḋeisciobailsi gnáṫuġaḋ na sinnsear? Oír ní ionnluid síad a láṁa a núair iṫid arán.

³ Agus ar ḃfreagra ḋósan a duḃairt sé ríu, Créd fá sáruiġeann siḃsi leis aiṫne Dé lé ḃur ngnáṫuġaḋ féin?

⁴ Oír tug Día áiṫne, ag raḋ, Onóruiġ haṫair agus do ṁaṫair: agus, Gioḋ bé ṁalluiġeas a aṫair nó a ṁaṫair, cuirṫear ċum báis é.

⁵ Aċd a ḋearṫáoisi, Gioḋ bé neaċ a déara re na aṫair nó ré na maṫair, Gaċ taḃartus dá dtuguimsi uaim, raċaiḋ sé a dtarḃa ḋuitsi;

⁶ Agus ni onórfuiḋ sé a aṫair nó a ṁaiṫair. Agus mar sin do ċuireaḃair a neiṁḃriġ aiṫne Dé tré ḃur ngnáṫuġaḋ féin.

⁷ A luċd an ḟúarċráḃaiḋ, is maiṫ do rinne Esaías fáiġeadóireaċd ḃur dtimċeall, ag ráḋ,

⁸ Druidiḋ an pubalsa leamsa lé na mbéul, agus onóruiġid me lé na bpusuiḃ; aċd ċeana is fada úaim atá a gcroiḋe.

⁹ Aċd is a ndíoṁáineas onóruiġid síad misi, ag teagasg aiṫeanta na ndáoine mar ṫeagasg.

¹⁰ Agus ar ngairm an tslóiġ, a duḃairt sé ríu, Eisdiġ, agus tuigiḋ:

¹¹ Ní hé an ní ṫéid a sdeaċ ann sa mbéul ṡaluiġeas an duine; aċd an ní ṫig as an mbeul, a sé so ṡaluiġeas an duine.

¹² Ann sin ṫangadar a ḋeisciobuil, agus a duḃadar ris, A né naċ dtuigeann tú go ḃfúaradar na Ṗarisíniġ do ċúala an glórsa, oilḃéim ann?

¹³ Agus ar ḃfreagra ḋósan, a duḃairt sé, Gaċ uile ṗlanda, naċ ar ċuir Maṫair neaṁḋasa, beanfuiġṫear as a ḟréaṁaċ é.

¹⁴ Léigiḋ ḋóiḃ féin: is éoluiġṫe dalla a gcionn dall íad. Agus ma ṫréoruiġeann dall dall éile, tuitfid a raon sa díg.

¹⁵ Agus ar ḃfreagra do Ṗeadar a duḃairt sé ris, Míniġ ḋúinne an ċosaṁlaċdsin.

¹⁶ Agus a duḃairt Iósa, An ḃfuiltísi leis fós ainḃfeasaċ?

¹⁷ A ne naċ dtuigṫísi fósm gioḋ bé ní ṫeid a sdeaċ ann sa mbéul, go dtéid se sa mbolg, agus go dteilgṫear as sin don ċamra é?

¹⁸ Aċd na neiṫer ṫeid a maċ as an mbéal is as an gcroiḋe ṫigid siad; agus is siad sin ṡaluiġeas an duine.

¹⁹ Oír as an gcroiḋe ṫigid na droċsmuaintiġṫe, dúnmarḃaḋ, aḋaltrannas, stríopaċas, gaduiḋeaċd fíaġnuisiġe bréige, blaisṗemiġe:

²⁰ Is íadso na neiṫer ṡalċas an duine: aċd bíaḋ diṫe lé láṁuiḃ gan ionnlaḋ ní ṡaluiġeann sé an duine.

²¹ Agus ar ndul Diósa as sin, do ċúaiḋ sé go leiṫimliḃ Ṫírus agus Ṡídon.

²² Agus, féuċ, ṫáinic bean do Ċánaan ó na crióċaiḃ sin, agus do éiġ si, ag ráḋ ris, Déana trócaire oram, a Ṫiġearna, a ṁic Daiḃí; a tá ṁinġean ar na búaiḋreaḋ go mór ó ḋeaṁan.

²³ Aċd ní ṫug seisean freagra ar biṫ uirṫe. Agus tangadar a ḋeisciobail ċuige agus do iárradar air, ag ráḋ, Cuir úainn í; oír a tá sí ag eíġṁe ar ndíaiġ.

²⁴ Agus ar ḃfreagra ḋósan, a duḃairt sé, Niór cureaḋ misi aċd do ċum cáoraċ ṫiġe Israel do ċúaiḋ ar seaċrán.

²⁵ Giḋeaḋ ṫáinic sisi agus do rinne sí sléaċdain dó, ag ráḋ, A Ṫiġearna, foir orum.

²⁶ Agus ar ḃfreagra ḋósan, a duḃairt sé, Ní coir arán na cloinne do ġlacaḋ, agus do ṫeilgean ċum na ngáḋar.

²⁷ Aċd a duḃairt sisi, Is fíor sin, a Ṫiġearna: giḋeaḋ fós iṫid no coilén cuid don ṡrúiġleaċ ṫuiteas ó ḃórd a dtíġearnaḋ féin.

²⁸ Ar ḃfreagra Diósa an tansin, a duḃairt sé ría, O a ḃean, is mór do ċreideaṁ: teagṁaḋ ḋuit mar is toil leaċd. Agus do ḃí a hinġean slán ó a núairsin a maċ.

²⁹ Agus ar nimṫeaċd Diósa as sin ṫáinic sé láiṁ ré fairrge na Gaililee; agus an tan do ċúaiḋ sé súas ar ṡliaḃ, do ṡuiḋ sé ann.

³⁰ Agus do ċúadar slúaiġte móra ċuige, agá ráḃadar bacuiġ, doill, balḃáin, dáoine ciorṫuimeaċa, agus móran eile, agus do ṫellgeadar fá ċosaiḃ Iósa íad; agus do ṡlánaiġ sé íad:

³¹ Ionnas gur ġaḃ iongantus an slúaġ, an tan do ċonncadar na balḃáin ag laḃairt, agus na dáoine ciorṫuimeaċa slán, na bacaiġ ag sioḃal, agus a raḋarc ag na dallaiḃ: agus tugadar gloír do Ḋía Israel.

³² Agus ar ngairm a ḋeisciobal ċuige Diósa, a duḃairt sé, A tá trúaiġe agam don tslúaġ, oir do ḟanadar a nois ré trí lá am ḟocair, agus ni ḃfuil ní acá do iósaidis: agus ni hail leam a leígean úaim na dtrosgaḋ, deagla go raċáidis a nanḃfainne ar a tsliġe.

³³ Agus a deirid a ḋeisciobail ris, Cía a naít as a ḃfuiġeamáois ar an ḃfasaċ a noireadsin darán, lé a saíseóċamáois a ċoṁmór do ṡlúaġ?

³⁴ Agus a deir Iósa ríusan, Gá ṁéad arán a tá agaiḃ? Agus a duḃradarsan, A seaċd, agus beagan diásgaiḃ beaga.

³⁵ Agus do aiṫin seisean do tslúaġ suiḋe siós ar an dtalaṁ.

³⁶ Agus ar nglacaḋ na seaċd narán agus na níasgsin dó, ag taḃairt buiḋeaċais, do ḃris sé íad, agus ṫug sé ḋá ḋeisciobluiḃ, agus tugadar na deisciobail don tslúaġ íad.

³⁷ Agus do iṫeadar uile ní, agus do sasuiġeaḋ iád: agus do ṫógḃadar lán seaċd gclíaḃ dfuiġeall do ḃiáḋ ḃrisde.

³⁸ Agus do ḃádar an luċd a dúaiḋ é ceiṫre ṁíle fear, leiṫ a muiġ do ṁnáiḃ agus do leanbaiḃ.

³⁹ Agus ar léigean an tslúaiġ úaḋ, do ċúaiḋ sé a luing, agus taínic sé go leiṫimliḃ Ṁagdala.