Lúcas 3 - An Bíobla Naoṁṫa 1817 (Bedell)

Caibidil III Seanmoir agus teasdas Eóin um Ċriosd, 21 teasdas Dé nime: 23 agus a ṡinnsiorraċd ṫaoiḃ Ioseṗ.

¹ Agus an-cuigeaḋ bliaḋan déug dimpireaċid Ṫibérius Séasar, ar mbeiṫ do Ṗonsius Ṗioláid na úaċdarán a ttir Iúdáiġe, agus Ioruáiṫ na ṫéatrarc sa Ngalilé, agus Ṗilip a ḋearḃraṫair na ṫéatrarc air Ituréa agus air ċríċ Ṫraċonítis, agus Lísánias na ṫetrarċ air Abiléne,

² An tan do ḃí Annas agus Caiṗás na nárdṡagartuiḃ, ṫáinic bríaṫar Dé ċum Eóin ṁic Saċarías san ḃfásaċ.

³ Uime sin ṫáinic sé ar feaḋ na dúiṫċe a dtimċeall Iórdan, ag seanmóir ḃaisdiġ na haiṫriġe ċuin maiṫmbeaċuis na bpeacaḋ;

⁴ Mar a tá sgríoḃṫa a leaḃar coṁráiḋteaġ Esaías fáiḋ, a deir, Guṫ an té éiġṁeas ar an ḃfásaḋ, Ullṁuiġiḋ sliġe an Tiġearna, déanuiḋ a ċasáin díreaċ.

⁵ Líonfuiḋear gaċ uile ġleann, agus ísleoċṫar gaċ uile sliaḃ agus ċnoc; agus béid na neiṫe cama díreaċ, agus na sliġṫe garba mín;

⁶ Agus do ċífi gaċ uile ḟeoil slanuġaḋ Dé.

⁷ Uime sin a duḃairt sé rís a tslúaġ ṫáinic a maċ do ċum go mbaisdfeaḋ seisean íad: A ṡlioċd na naiṫreaċ neiṁe, cía ṫug raḃaḋ ḋaóiḃ teiṫeaḋ ón ḟeirg a tá ag teaċd?

⁸ Ar a naḋḃarsin taḃraiḋ tórrṫa ḃus iomċuḃaiḋ don naiṫriġe úaiḃ, agus ná tionsgnaiḋ a ráḋ ionnaiḃ féin, A tá Abraham na aṫair aguinn: oír a deirimsi riḃ, Gur ab éidir lé Dia clann do ḋúsaċd as na cloċmiḃse féin D'abraham.

⁹ Agus a tá an tuáiġ a nois fós ar na cur ċum fréiṁe na gcrann: ar a naḋḃarsin gaċ uile ċrann naċ dtaḃair toraḋ maiṫ gearrṫar é, agus teilgṫear sa teiniḋ é.

¹⁰ Agus do ḟíafruiġ an slúaġ nile ḋe, ag ráḋ, Ar a naḋḃarsin créud do ḋeunam?

¹¹ Agus ar ḃfreagra ḋósan a duḃairt sé ríu, An té agá ḃfuil dá ċóta, roinneaḋ ris an té ag naċ ḃfuil; agus giḋ bé agá ḃfuil bíaḋ, déanaḋ sé mar an gcéudna.

¹² Agus tangadar na puibliocáin mar an gcéudna ionnus go mbaisdfiḋe íad, agus a duḃradar ris, A ṁaiġisdir, créud do ḋéunáimné?

¹³ Agus a duḃairt seision ríu, Na déunuiḋ ní sa ṁó ná do horduiġeaḋ ḋaóiḃ.

¹⁴ Agus do ċuireadar na saiġdiúiríġ fós ceisd air, ag ráḋ, Agus créad do ḋéunuimne? agus a duḃairt seisean ríu, Ná déunaiḋ foiréigean ar ḋuine ar biṫ, agus ná hagraiḋ duine ar biṫ go heugcóraċ agus go maḋ lór liḃ ḃur dtúarasdal féin.

¹⁵ Agus ar mbeiṫ ag feiṫeaṁ don ṗobal, agus ag smúainiuġaḋ ḋóiḃ uile an a gcroiḋṫiḃ a dtimċeall Eóin, nar ḃeisean Ċríosd,

¹⁶ Do ḟeagair Eóin, ag ráḋ ríu uile, Baisdeamsa siḃ go deiṁin lé huisge; aċd a tá neaċ is nearṫṁuire ná misi ag teaċd, ag naċ fiú mé íallaċ a ḃróg do sgáoileaḋ: baisdfiḋ seision siḃ leis an Spiorad Náoṁ agus lé teiniḋ:

¹⁷ Aga ḃfuil a ċríaṫar an a láiṁ, agus glanfiḋ sé a urlár féin, agus cruinnéoċuiḋ sé an ċruiṫneaċd dá sgiobol féin; aċd loisgfiḋ sé an ċáiṫ lé teine náċ eidir a ṁúċaḋ.

¹⁸ Agus ag teagasg ṁóráin eile fós dó do ṁiniġ sé an siosgéul don ṗobal.

¹⁹ Agus ar gcur an aġaiḋ Iórúaiṫ an Téatrarca ḋó, fá Heródias bean Ṗilip a ḋearḃraṫar, agus fá gaċ uile olc dá ndearna Iorúaiṫ,

²⁰ Do ċuir sé so leis do ḃárr ar gaċ ní, gur ḋúin sé ar Eóin a bpríosún.

²¹ Agus tárla, an tan do baisdeaḋ an pobal uile, agus do ḃí Iósa agá ḃalsdeaḋ, agus ag déanaṁ úrnaiġṫe, gur bosglaḋ neaṁ,

²² Agus gur ṫuirrling an Spiorad Náoṁ a ḃfioġair ċorparḋa mar ċolum air, agus do dtáinic guṫ ó neaṁ, ag ráḋ, Is tú mo Ṁac gráḋaċsa; is ionnadsa a tá mo ḋeaġṫoil.

²³ Agus do ḃí Iosa féin a dtimċioll a ḋeiċmblíaḋan fiċead dáois, ar mbeiṫ (do réir ḃreaṫnuiġṫe na ndáoine) na mbac ag Ióseṗ, ṁic Héli,

²⁴ Ṁic Matṫat, ṁic Léḃi, ṁic Melċi, ṁic Ianna, ṁic Ioseṗ,

²⁵ Ṁic Matatías, ṁic Amos, ṁic Náum, ṁic Esli, ṁic Nagge,

²⁶ Ṁic Máat, ṁic Matatías, ṁic Sémei, ṁic Ióseṗ, ṁic Iúda,

²⁷ Ṁic Ioanna, ṁic Résa, ṁic Sorobábel, ṁic Salatíel, ṁic Néri,

²⁸ Ṁic Melċí, ṁic Addi, ṁic Cósam, ṁic Elmodam, ṁic Er,

²⁹ Ṁic Ióse, ṁic Eliéser, ṁic Iórim, ṁic Matṫat, ṁic Léḃi,

³⁰ Ṁic Siméon, ṁic Iúda, ṁic Ióseṗ, ṁic Iónan, ṁic Eliácim,

³¹ Ṁic Meléa, ṁic Mainán, ṁic Matata, ṁic Nátan, ṁic Ḋáiḃi,

³² Ṁic Iessé, ṁic Ohéd, ṁic Boós, ṁic Salmon, ṁic Náasson,

³³ Ṁic Aminadab, ṁic Aram, ṁic Esrom, ṁic Ṗáres, ṁic Iúdah,

³⁴ Ṁic Iácob, ṁic Isaac, ṁic Abraham, ṁic Tará, ṁic Náċor,

³⁵ Ṁic Sáruċ, ṁic Rágu, ṁic Ṗálec, ṁic Héber, ṁic Salá

³⁶ Ṁic Cáinan, ṁic Arṗcsad, ṁic Sem, ṁic Noé, ṁic Lámeḋ,

³⁷ Ṁic Matúsala, ṁic Enoċ, ṁic Iáred, ṁic Maleléel, ṁic Cáinan,

³⁸ Ṁic Enos, ṁic Séṫ, ṁic Aḋaiṁ, ṁic Dé.