Lúcas 24 - An Bíobla Naoṁṫa 1817 (Bedell)

Caibidil XXIV Soisgeul suḃaċ na naingeal do na mnáiḃ, um eiseirġe Ċriosd, 36 Noċ do ṫaisbein é féin dá Absduluiḃ, 51 agus ċúaiḋ súas ar neaṁ.

¹ Agus an céadlá don tseaċdṁuin, tangadar go roṁoċ ar maidin, ċum an túama, ag taḃairt léo na neiṫeaḋ deaġḃaluiḋ dullṁuiġeadar, agus mná áiriġe eile maille ríu.

² Agus fúaradar an ċloċ ar na hiomlat ón túama.

³ Agus ar ndul a sdeaċ ḋóiḃ, ní ḟúaradar corp an Tiġearna Iósa.

⁴ Agus tárla, gur ġaḃ úaṫḃás íad fán ní sin, agus féuċ, do ṡeasadar días fear na naice a néaduiġiḃ dealruiġṫeaċa:

⁵ Agus ar na ngaḃáil eagla dóibsion, agus ar gcromaḋ a naiġṫe ċum na talṁan, a duḃradarsan ríu, Créud fa níarṫáoi eidir na marḃuiḃ an lé atá beo?

⁶ Ní ḃfuil sé ann so, aċd déiriġ sé: cuiṁniġiḋ mar a duḃairt sé féin riḃ an feaḋ do ḃí sé fós ann sa Ġalilé

⁷ Ag ráḋ, Is éigin Mac an duine do ṫaḃairt a láṁuiḃ ḋáoine peacṫaċ, agus a ċroċaḋ, agus a eiséirġe an treas lá.

⁸ Agus do ċuiṁniġeadarsan ar a ḃriaṫraiḃsion,

⁹ Agus ar ḃfilleaḋ ón túama, dfoillsiġeadar na neiṫesi uile don éineasbal dég, agus do caċ eile uile.

¹⁰ Aċd a si Muire Ṁaġalén, agus Iónna, afus Muire maṫair Ṡéumais, agus na mná eile do ḃí maille ríu, dinnis na neiṫesi do na heasbuil.

¹¹ Agus do ċeasadarsan a mbríaṫra mar éadruime ċeille, agus nior ċreideadar ḋóiḃ.

¹² Agus ar néirġe do Ṗeadar, do rioṫ sé ċum an túama; agus an tan a dféuċ sé a sdeaċ, do ċunnairc sé an linéadaċ na luiġe leis féin, agus dimṫiġ sé, ag déanaṁ iongantais leis féin fán ngíoṁsa.

¹³ Agus, féuċ, do ċúadar días dioḃsan an lásin féin go baile atá trí fiṫċid sdáide ó Iérusalém, dar ab ainm Emmáus.

¹⁴ Agus do ḃádar ag laḃairt eatarra féin ar na neiṫiḃsi uile tarla ann.

¹⁵ Agus tárla, ar mbeiṫ ag coṁráḋ ḋóiḃ agus ag ceasdúġaḋ ré ċéile, go dtáinic Iósa féin, agus gur ṡiuḃáil sé léo.

¹⁶ Aċd do cungṁaḋ a súilesion, ionnus naċ aiṫeonċaidís é.

¹⁷ Agus a duḃairt sé ríu, Créd íad na coṁraitesi air a ḃfuiltí ag teaċd cadruiḃ féin, ag sioḃal diḃ, agus siḃ go bronaċ?

¹⁸ Agus ar ḃfeagra do neaċ díoḃ, dar ḃainm Cléoṗas, a duḃairt sé ris, An ḃfuil tusa ad áonar ad ċoigcriġeaċ a Niarusalém, agus gan fios na neiṫeann do rinneaḋ innte ann sna láeṫiḃsi agad?

¹⁹ Agus a duḃairt seision ríu, Créd iad na neiṫe? Agus a duḃradarsan ris, Na neiṫer ṫáoḃ Iósa Nasarḋa, do ḃí na ḟaiġ ċuṁaċdaċ a ngnióṁ agus a mbreiṫir a bfiaḋnuisi Dé, agus an ṗobuil uile:

²⁰ Cionnas tugadar na hárdsagairt, agus ar núaċdarainne é ċum breiṫe ḃáis do ḃreiṫ air, agus do ċroċadar é.

²¹ Aċd do ḃí ar súilne gur ḃeision an té dfuaisgéolaḋ Isráel: agus leiṫ amuiċ ḋíoḃ so uile, a sé níu an treas lá ó rinneaḋ na neiṫesi.

²² Agus mar an gcéadna, mná áiriġe ḋínn féin ṫáinic go moċ ċum a túama, do ċuireadar úaṫḃás oruinn;

²³ Agus mar naċ ḃfuaradar a ċorpsan, tangadar, ag ráḋ, go ḃfacadar féin fós taiḋḃsi aingeal, a deir go ḃfuil sé na ḃeaṫaiġ.

²⁴ Agus do ċuadar dream áiriġe ḋá raḃ maille rinne ċum an túama, agus fuaradar mar a duḃradar na mná: aċd ní ḟacadar eision.

²⁵ Agus a duḃairt seision riu, O a ḋaoine amadánaċ agus mallċroiḋṫeaċ ċum creidṁe dá gaċ éinni dar laḃradar na fáiġe!

²⁶ A né nar ḃéigin do Ċríosd na neiṫesi dfulang, agus dul a sdeaċ ann a ġlóir féin?

²⁷ Agus ar dtionnsgnaḋ ó Ṁáoisi agus ó na faiġiḃ uile, do eidirṁíniġ sé ḋoiḃ ann sna huile sgriopturaiḃ na neiṫer ḃi ḋá ṫáoḃ féin.

²⁸ Agus do ḋruideadar ris an mbaile, ann a raḃadar ag dul: agus do léig seision air go raċaḋ sé ní is faide.

²⁹ Aċd do ċoiṁéigniġeadarsan é, ag ráḋ, Fan aguinne, óir atá sé na ṫraṫ nona, agus is deireaḋ láoi atá ann. Agus do ċúaiḋ se a sdeaċ dfuireaċ aca.

³⁰ Agus tárla, an tan do ċuiḋ sé ċum bí na ḃfoċair, ar mbreiṫ ar a narán; go rug sé buiḋeaċas, agus ar na ḃriseaḋ, tug sé ḋóiḃsion é.

³¹ Agus so hosglaḋ a súilesion, agus daiṫniḋeadar eision; agus do tóġbaḋ as a naṁarc é.

³² Agus a duḃradarsan eatarra féin, A né naċ raḃadar ar gcroiḋṫe ar lasaḋ ionnuinn, an feaḋ do ḃí sé ag laḃairt rinn ar a tsliġe, agus an tan do osguil sé ḋuinn na sgrioptúiriḋ?

³³ Agus ar néirġe ḋoiḃ ar a núairsin féin, dfilleadar go Híarusalém, agus fúaradar an téinḟear deúg cruinn a ḃfoċair a ċéile, agus an dream do ḃí maille ríu,

³⁴ Ag ráḋ, Déiriġ an Tiġearna go firinneaċ, agus taisbéanaḋ do Ṡíomón é.

³⁵ Agus dinnisiodarsan na neiṫer do rinneaḋ ar a tsliġe, agus mar do aiṫniḋeadar é a mbriseaḋ a naráin.

³⁶ Agus agá laḃairt so ḋóiḃsion, do ṡeas Iósa féin ann a lár, agus a duḃairt sé ríu, Sioċáin maille riḃ.

³⁷ Aċd ar mbeiṫ ḋóiḃsion ar criṫ agus lán deagla, do ṡáoileadar gur spiorad do ċunncadar.

³⁸ Agus a duḃairt seision ríu; Créd fá ḃduilti ar ḃar mbúaiḋreaḋ, agus créd fá a néirġid smúaintiġe ann ḃar gcroiḋṫiḃ?

³⁹ Feuċaiḋ mó láṁa agus mó ċosa, óir is misi féin atá ann: glacaiḋ, agus féuċaiḋ mé; oír ní ḃfuil féoil na cnáṁa ag spioruid, mar do ċiṫi agamsa.

⁴⁰ Agus an tan a duḃairt sé na neiṫesi do ṫaisbéin sé ḋóiḃ a láṁa agus a ċosa.

⁴¹ Aċd ar mbeiṫ míċreidṁeaċ ḋóiḃsion fós tré ġáirdeaċas, agus ag déanaṁ iongantais, a duḃairt seision ríu, An ḃfuil bíaḋ ar biṫ agaiḃ ann so?

⁴² Agus tugadarsan do cuid díasg rósduiġe, agus cuid do ċír ṁeala.

⁴³ Agus ar na nglacaḋ ḋósan, dúaiḋ sé na ḃfiaḟnuisision íad.

⁴⁴ Agus a duḃairt sé ríu, Ag so na briaṫar do laḃair mé riḃ, a núair do ḃí mé fós ḃar ḃfoċair, gur ab éigin na huile neiṫe atá sgríoḃṫa a reaċd Ṁáoisi, agus ann sna fáiġiḃ, agus ann sna salmuiḃ, am ṫimċeallsa do ċoiṁlíonaḋ.

⁴⁵ Ann sin dosguil sé a ttuisge, ionnus go dtuigfidís na sgrioptúir,

⁴⁶ Agus a duḃairt sé ríu, Gur mar so do ḃi sé sgríoḃṫa, agus gur mar so dob éigin do Ċríosd fulang, agus éiseirġe ó ṁarḃuiḃ an treas lá:

⁴⁷ Agus aiṫriġe agus maiṫeaṁnas na bpeacaḋ do ḋeanmóir an ainm do na huile ċiniḋeaċuiḃ, ag tionnsguaḋ ó Iérusalém.

⁴⁸ Agus is siḃsi fiaḋnuiseaḋa na neiṫeannsa.

⁴⁹ Agus, féuċ, cuirfiḋ misi gallaṁun Maṫar féin ċugaiḃ: aċd fanoiḋ a gcaṫair Iárusalém, no go gcuirṫear cuṁaċda a núas umuiḃ.

⁵⁰ Agus rug sé amaċ go soiṫe Betánia íad, agus ar dtóġḃáil a láṁ, do ḃeannuiġ sé íad.

⁵¹ Agus tárla, ar mbeiṫ dá mbeannuġaḋ ḋo, gur sgaraḋ ríu é, agus gur tóġaḋ súas ar neaṁ é.

⁵² Agus ar na onóruiġaḋ ḋóiḃsean, dfilleadar go Híarusalém maille le gáirdeaċus mór:

⁵³ Agus do ḃídis do ġnáṫ ann sa teampoll, ag molaḋ agus ag beanuġaḋ Dé. Amen.