Lúcas 17 - An Bíobla Naoṁṫa 1817 (Bedell)

Caibidil XVII Naċ ḃfuil Dia na ḟéiċeaṁ ag aón dúine, 22 agus go tiocfaiḋ Críosd a nam naċ saóilṫeor.

¹ Agus a duḃairt sé ris na deisciobluiḃ, Ní héidir naċ dtíocfuid sgannalaċa!: aċd is trúaġ don tí, tré a dtigid síad!

² Do bfearr ḋó cloċ ṁuilinn do ċur fá na ṁuinéul, agus a ṫeilgean ann sa ḃfairrge, ná áon don ṁuinntir ḃigsi sgannlaċaḋ.

³ Taḃraiḋ ḃur naire ḋíḃ féin: Má ṗeacaiġeann do ḋearḃraṫair ad aġaiḋ, imḋearg é; agus má ní sé aiṫriġe, taḃair maiṫeaṁnus dó.

⁴ Agus má ṗeacaiġeann sé ad aġaiḋ seaċd nuáire sa ló, agus go ḃfillfe sé ċugad seaċd nuáire sa ló, ag ráḋ, Atá aiṫreaċas oram; taḃair maiṫeaṁnus dó.

⁵ Agus a duḃradar na heasbuil ris, A Ṫiġearna, méuduiġ ar gcreideaṁ.

⁶ Agus a duḃairt an Tiġearna, Dá mbeiṫ oiread ġráinne musdaird do ċreideaṁ aguiḃ, déaraḋ siḃ ris a gcrann sicaminso, Eiriġ as do ḟréaṁaċ, agus curṫar an sa ḃfairge ṫú; agus do uṁloċaḋ sé ḋaóiḃ.

⁷ Agus cía aguiḃ, agá ḃfuil searḃḟoġantuiḋe a treaḃaḋ no a coiṁéd treada, lé a naibéoraḋ sé ar an mball, an tan do ṫiocfaḋ sé ón ḃfearann, Imṫiġ agus suiḋ sios ar an bord?

⁸ Aċd a né naċ aibéora sé ris, Ullṁuiġ an ní íosas mé ar mo ṡuiper, agus cuir do ċrios ṫort, agus friṫeóil daṁsa, no go niṫe mé agus go niḃe mé; agus tar éisi sin iṫsi agus iḃ?

⁹ An mbía buiḋeaċas aige ar a tsearḃḟoġantuiḋe úd do ḃriġ go ndearna sé na neiṫe do haiṫneaḋ ḋe? Ní ṡaóilim gormbía.

¹⁰ Augs is mar sin dáoiḃsi, an tan do ḋéantaói gaċ uile ní dár haiṫniuġaḋ ḋíḃ, abruiḋ, Is searḃḟoġantuiḋe neaṁṫarḃaċa sinn: óir do rinneamar an ni do ḃi dfíaċaiḃ oruinn do ḋéanaṁ.

¹¹ Agus tárla, ag dul súas dó go Hierúsalém, gur ġaḃ sé tré lár na Samária agus na Galilé.

¹² Agus an tráṫ do ċuáiḋ sé a sdeaċ go baile áiriġe, tárladar deiṫneaḃar fir lóḃar air, do ṡeas a ḃfad úaḋ:

¹³ Agus do árduiġeadar a nguṫ, ag ráḋ, A Iósa, a Ṁaiġisdir, déana trócaire oruinn.

¹⁴ Agus an tan do ċunnairc sé íad, a duḃairt sé riu, Imṫiġiḋ foillsiġiḋ siḃ féin do na sagartuiḃ. Agus tárla, ag imṫeaċd doiḃsion, gur glanaḋ íad.

¹⁵ Aċd fear aca, mar do ċuinnairc sé é féin ar na ṡlánuġaḋ, dfill sé air, ag molaḋ Dé do ġuṫ ṁór,

¹⁶ Agus do ṫuit sé ar a aġuiḋ agá ċosaiḃsean, ag breiṫ ḃuiḋeaċais ris: agus buḋ Samaritánaċ an fearso.

¹⁷ Agus ar ḃfreagra Diósa a duḃairt sé, A né naċ ḃfuilid deiṫneaḃar ar na nglanaḋ? agus a náonḃar cáit a ḃfuilid?

¹⁸ Níor friṫ ag filleaḋ do ṫaḃairt gloíre do Ḋía, aċd an coigcriġeaċso.

¹⁹ Agus a duḃairt sé ris, Eiriġ, imṫiġ roṁad: do ṡlánuiġ do ċreideaṁ ṫú.

²⁰ Agus an tan dfiafruiġ na Ṗairisiniġ ḋe, Cía an tráṫ ṫiocfaḋ rioġáċd Dé, do ḟreagair sé iád agus a duḃairt sé, Ní ṫiocfa rioġaċd Dé récoiṁéd.

²¹ Agus ní aiḃeóruid síad, Féuċ ann so! nó, féuċ ann súd! oír, féuċ, atá ríoġaċd Dé aguiḃ an ḃur measg.

²² Agus a duḃairt sé ré na ḋeisciobluiḃ, Tiocfuiḋ a naimsir, an a mbia míangus oruiḃ áon do laéṫiḃ Ṁic an duine dfaicsin, agus ní ḟaicfiṫí.

²³ Agus a déarúid síad riḃ, Féuċ ann so; nó, féuċ ann so: aċd ná himṫiġ, agus na leanuiḋ iád.

²⁴ Oír aṁuil agus mar ḋeallruiġeas an tinnteaċ, ṡoillsiġeas ó náird go ċéile fáoi neaṁ, is mar sín ḃiás Mac an duine mart an gcéndna ann a lá féin.

²⁵ Aċd is éigin dó ar tús mórán dfulang, agus a ḋiultaḋ ón ċineaḋsa.

²⁶ Agus mar do ṫarla a laéṫiḃ Náoi, is mar sin fós ḃiás a laéṫiḃ Ṁic an duine.

²⁷ Do ḃádar ag iṫe, ag iḃe, ag posaḋ, agus ag taḃairt ċum posda, gus an lá ann a ndeaċaiḋ Náoi do náirc, agus táinic an dile, agus do sgris sí iád uile.

²⁸ Agus ar a nós gcéadna mar ṫarla a laéṫiḃ Lot; do ḃádar ag iṫe, ag iḃe, ag ceannaċ, ag reic, ag plantuġeaḋ, ag tógḃail tiġṫe;

²⁹ Aċd an lá ann a ndeaċaiḋ Lot amaċ as Sodom do fearaḋ teine agus ruiḃ ó neaṁ, agus do sgrios sé iúd uile.

³⁰ Is da réir so ḃias ar an lá ann a ḃfoillseoċṫar Mac an duine.

³¹ Ann sa lá sin, an té ḃiás a tiġ, agus a ṁáoin ann sa tiġsin, ná tuirlingeaḋ sé ċum a dtógḃála: agus an tí atá ar an maċaire, na casaḋ sé tar a ais mar an gcéadna.

³² Cuiṁniġe ar ṁnáoi Lot.

³³ Giḋ bé neaċ iárrfas a anam féin do ṡaḃáil caillfiḋ sé é; agus giḋ bé ċaillfeasa anam beoḋfuiḋ sé é.

³⁴ A deirim riḃ, béid diás a náoinleabaiġ ann sa noiḋċe úd; geuḃṫar lé háon aca, agus fúiġfiġṫear an fear eile.

³⁵ Beid diás ban ag bróinteóraċd a náoinḟeaċd; géuḃṫar lé mnáoi aca, agus fuigfiġṫear an dara ḃean.

³⁶ Beid diás fear ar an maċaire; géuḃṫar lé háon aca, agus fuigfiġṫear an fear eile.

³⁷ Agus ar ḃfreaga ḋóiḃsion a deirid ris, Gá háit, a Ṫiġearna? Agus a duḃairt seision riú, Giḋ bé ball a mbíu an corp, is ann sin fós ċruinneoċṫar na hiolair.