Leḃiticus 4 - An Bíobla Naoṁṫa 1817 (Bedell)

Caibidil 4 Dliġe na hofrala arson peacaiḋ do niṫear tre ainḃfios. 3 Le sagart, 13 Lé coiṁṫional. 22 Le uaċdaran, 27 no le duine don ṗobal.

¹ Agus do laḃair an TIĠEARNA ré Maóise, da ráḋ,

² Laḃair re cloinn Israel, ga ráḋ, Ma ṗeacúiġeann anum tré ainḃfios a naġuiḋ éanaiṫne an TIĠEARNA, (a ttáoḃ niṫeaḋ nár ċóir do ḋéanaṁ,) agus go ndéana sé ní a naġaiḋ éan ḋíóḃ.

³ Má ṗeacuiġéann an sagart atá úngṫa do réir ṗeacaiḋ an ṗobail; ann sin tugaḋ sé ar son an ṗeacuiġ, do ṗeacuiġ sé, bulóg óg gan toiḃéim ċum an TIĠEARNA mar ofráil ṗeacaiḋ.

⁴ Agus do ḃéara sé an ḃulóg ċum doruis ṫabernacuil an ċoṁċruinniġṫe a laṫair an TIĠEARA; agus leagfa a láṁ ós cionn na bulóige, agus muirfiḋ sé an ḃulóg a ḃfiadnuise an TIĠEARNA.

⁵ Agus glacfa an sagart ḃías ungṫa cuid dfuil na bulóige, agus do ḃéara les go tabernacuil an ċoṁċruinniġṫe í.

⁶ Agus tuimeóḃúiḋ an sagart a ṁéur ansa ḃfuil, agus croiṫfiḋ cuid do nfuil seaċd nuáire as coinne an TIĠEARNA, as coinne ḃruit na sanctóra.

⁷ Agus cuirfiḋ an sagart cuid do nfuil ar ḃeannuiḃ altóra na túisé deaġḃoluiġ a laṫair an TIĠEARNA, noċ atá a ttabernacuil an ċoṁċruinniġṫe; agus dóirtfiḋ sé fuil na bulóige uile ag bonn altóra na hofrála loiscṫe, noċ atá ag dorus ṫabernacuil an coṁċruinniġṫe.

⁸ Agus beanfa sé ḋe a uile ġeir na bulóige mar ofráil ṗeacaiḋ; an ġeir ḟolċus an tionaṫar, agus a nuile ṁeaṫus ḃías ar an ionaṫar,

⁹ Agus an dá ḋuḃán, agus an ġeir ḃios orra, noċ ḃios láiṁ ris na leasuiḃ, agus an scairt os cionn na nae, maille ris na duḃánuiḃ, béuruiḋ sé sin leis.

¹⁰ Mar rugaḋ as bulóig ioḋbarṫa na hofrala síoṫċána: agus loiscfiḋ an sagart íad ar altóir na hofrála lóiscṫe.

¹¹ Agus croicionn na bulóige agus a nuile ḟeoil, maille ré na ċionn, agus le na ċosuiḃ, agus le na ṁionaċ, agus le na áoileaċ,

¹² Eaḋon an ḃulóg uile béaruiḋ leis amaċ táoḃ amuiġ don ċampa go hionad ġlann, mar a ndóirtear an luáiṫ amaċ, is loisgfiġear an cconnaḋ lé téine é: mar a ndóirtear an lúaiṫ amaċ is ann loiscfiġear é.

¹³ ¶ Agus má ṗeacuiġeann uile ċoṁċruinniuġaḋ Israel tré ainḃfios, agus an ni do ḃeiṫ fá ċeilt a súiliḃ an oireaċduis, agus go ndearnṫar ní éigin a naġuiḋ aiṫneaḋ an TIĠEARNA, a ttáoḃ neíṫeaḋ nár ċóir do ḋéanaṁ, agus go ḃfuilid ciontaċ;

¹⁴ A nuáir ḃías fios, an ṗeacaiḋ do ṗeacuiġeadar na aġuiḋ, ann sin ofrálfiḋ an coṁċruinniuġaḋ bulóg óg ar son an ṗeacaiḋ, agus do ḃéura é as coinne ṫabernacuil an ċoṁċruinniġṫe.

¹⁵ Agus leagfuid sinnsir an ċoṁċruinniġṫe a láṁa ar ċionn na bulóigé as coinne an TIĠEARNA: agus muirfiḋear an ḃulóg as coinne an TIĠEARNA.

¹⁶ Agus an sagárt ḃias ungṫa do ḃéara cuid dfuil na bulóige go tabernacuil an ċoṁċruinniġṫe.

¹⁷ Agus tuimeoḃuiḋ an sagart a ṁéur a gcuid do nfuil, agus croiṫfiḋ sé seaċd nuáir í as coinne an TIĠEARNA, as coinne an ḃruit.

¹⁸ Agus cuirfiḋ sé cuid do nfuil ar ḃeannuiḃ na haltóra noċ atá as coinne an TIĠEARNA, atá a ttabernacuil an ċoṁċruinniġṫe, agus dóirtfiḋ amaċ a nfuil uile ag bonn altóra na hofrála loiscṫe, noċ atá ag dorus ṫabernacuil an ċoṁċruinniġṫe.

¹⁹ Agus bainfiḋ sé a ġeir uile as, agus loiscfiḋ ar a naltóir é.

²⁰ Agus do ḋéana sé ris an mbulóig mar do rinne ré bulóig ar son na hofrala peacaíḋ, mar sin do ḋéana sé ría so: agus do ḋéana an sagart síoṫ ar a ṡon, agus maiṫfiġear ḋóíḃ é.

²¹ Agus bearuiḋ sé an ḃulóg leis táoḃ amaċ don ċampa, agus loiscfiḋ í, mar dó loisc an ċéadḃulóg: is ofráil péacuiḋ í ar son an ċoṁċruinníġṫe.

²² ¶ A nuáir ṗeacaiḋeas uaċdarán, agus go ndearna éainní a naġaiḋ éanaiṫne an TIĠEARNA a Ḋía, ttáoḃ neiṫeaḋ nár ċóir a ḋéanaṁ, agus go mbia ciontaċ;

²³ Nó ma ṫig, a neolus an ṗéacaiḋ, ionar ṗeacaiḋ sé; annsin do ḃéara sé ofráil leis, meannán do na gaḃruiḃ, fiorannaċ gan ċáiḋe:

²⁴ Agus leagfa a láṁ ar ċionn an ġaḃair, agus muirfiḋ é ionsa náit a marḃuid a nofráil loiscṫe as coinne an TIĠEARNA: is ofráil ṗeacaiḋ í.

²⁵ Agus glacfuiḋ an sagart dfuil na hofrála peacaiḋ lé na ṁéur, agus cuirfe sé í ar ḃeannuiḃ altóra na hofrála loiscṫe, agus doirtfiḋ amaċ a nfuil ag bonn altóra na hofiála loiscṫe.

²⁶ Agus loiscfiḋ sé a ṁéaṫus uilé ar a naltóir, aṁuil ṁéaṫus ioḋbarṫa na hofrála sioṫċana: agus do ḋéana an sagart síoṫ ar a ṡon a ttáoiḃ a ṗeacaiḋ, agus maiṫfíġear ḋo é.

²⁷ ¶ Agus ma ṗeacuiġeann anum do ṗobul na tíre tré ainḃfios, ar ndeanaṁ eainneiṫe a naġaiḋ éanaiṫne an TIĠEARNA, a ttáoḃ neiṫeaḋ nár ċóir a ḋéanaṁ, agus go mbia ciontaċ;

²⁸ Nó má ḃíonn fios, an ṗeacaiḋ ionar ṗeacaiḋ sé aige: annsin do ḃéura ofráil leis, meannan do na gaḃruiḃ, bainionna gan toiḃéim, ar son an ṗeacaiḋ do ṗeacaiḋ sé.

²⁹ Agus leagfaiḋ a láṁ ar ċéann na hofrála peacaiḋ, agus muirfiḋe an ofrail peacaḋ a náit na hofrála loiscṫe.

³⁰ Agus glacfuiḋ an sagart cuid do nfuil la na ṁéur, agus cuirfiḋ ar ḃeannuiḃ altóra na hofrála loiscṫe í, agus dóirtfiḋ amaċ a nfuil uile ag bonn na haltóra.

³¹ Agus bainfiḋ sé amaċ an méaṫus uile, aṁuil mar ḃeantar amaċ méaṫus ó ioḋbairt na hofrála síoḋa; agus loiscfiḋ an sagart ar a naltóir é mar ḃolaḋ ċuṁra don TIĠEARNA; agus do ḋéana an sagart síoṫ ar a ṡon, agus maiṫfiġear ḋó é.

³² Agus má ḃeir uan leis mar ofráil ṗeacaiḋ, do ḃeura sé leis uan bainionn gan toiḃéim.

³³ Agus leagfaiḋ sé a láṁ ar ċeann na hofrála peacaiḋ, agus muirfiḋ sé mar ofráil ṗeacaiḋ é ansa náit a marḃuid a nofráil loiscṫe.

³⁴ Agus glacfuiḋ an sagart dfuil na hofrála peacaiḋ lé na ṁéur, agus cuirfiḋ ar ḃeannuiḃ altóra na hofrála loiscṫe í, agus dóirtfiḋ amaċ a ḟuil uile ag bonn na haltóra:

³⁵ Agus bainfiḋ sé amaċ a ṁéaṫus uile, mar beantar méaṫus a nuain amaċ ó ioḋbuirt na hofrála síoḋa; agus loiscfiḋ an sagart ar a naltóir íad, do réir na nofrálaḋ do nioṫar lé teíniḋ don TIĠEARNA: agus do ḋéana an sagart cáḋaċas ar son an ṗeácaiḋ do rinne, agus maiṫfíġear ḋó é.