Leḃiticus 27 - An Bíobla Naoṁṫa 1817 (Bedell)

Caibidil 27 Dliġe na móide. 32 Ní bfeidir an deaċṁaḋ do ṁalartuġaḋ.

¹ Agus do laḃair an TIĠEARNA ré Maóise, ḋá ráḋ,

² Laḃair ré cloinn Israel, agus abair ríu, A nuáir do ḃéura duine a ṁoid ṡingil, buḋ leis an TIĠEARNA na daóine reir do ṁeassasa.

³ Agus búḋ é so do ṁeas do nfiór ó ḟiċid blíaḋan daóis go nuige seascad bliaḋan daóis, buḋ é do ṁeas caogad secel airgid, do réir ṡecel na sanctóra.

⁴ Agus más bean í, ann sin buḋ é do ṁeas tríoċad secel.

⁵ Agus más ó ċúig ḃlíaḋnuiḃ daóis ḃías go nuige fiṫċe blíaḋan, an sin buḋ é do ṁeás do nfior fiṫċe secel, agus don ṁnaoi deiċ sécél.

⁶ Agus más ó ṁí daóis ḃiás go nuige cúig ḃlíaḋna daóis, ann sin buḋ é do ṁeas don ḟior cúig secel dairgead, agus don ṁnáoi buḋ é do ṁeas tri secel.

⁷ Agus más ó ṫrí fiċid bliáḋan daóis ḃías agus ós a ċíonn; mas fear é, annsin buḋ é do ṁeas cúig secél déug, agus don ṁnáoi deiċ secel.

⁸ Aċd más boiċte é nó do ṁeas, ann sin foillseoċuiḃ é féin a laṫair an tsagairt, agus measfuiḋ an sagart é; do réir ċumuis ḟir na móíde ṁeasfas an sagart e.

⁹ Agus más beaṫaċ, dá ttugaid na dáoine ofráil a laṫair an TIĠEARNA, gaċ uile ní do ḃéir duine don TIĠEARNA dón tsórt sin biáiḋ náoṁṫa.

¹⁰ Ní áṫróċuiḋ tú é, agus ní ṁalairtfe tú é, ní maiṫ air ḋroċ ní, nó droċ ní ar ni maiṫ: má ṁalairteann tú ar áon ċor beaṫaċ ar ḃeaṫaċ, ann sin biáiḋ féin agus an ṁalairt náoṁṫa.

¹¹ Agus más beaṫaċ neaṁġlan é, dá naċ déanuid íoḋbuirt ofrála don TIĠEARNA, ann sin taisbéanfuiḋ sé an beaṫáċ a láṫáir an tsagairt:

¹² Agus measfuiḋ an sagart é, an maiṫ nó an saiṫ é: mar ṁeasas tusa, ḃías ad ṡagart é, is mar sin ḃías sé.

¹³ Aċd má ḟúasclann ar éanċor é, ann sin cuirfiḋ an cúigeaḋ cuid a ccion do ṁeastasa.

¹⁴ ¶ Agus a nuáir naóṁṫoċus duine a ṫiġ da ḃeiṫ náoṁṫa don TIĠEARNA, ann sin measfuiḋ an sagart é, an maiṫ nó an saiṫ é: mar ṁeasfus an sagart é, is mar sin ḃías seasṁaċ.

¹⁵ Agus má ḟúasglann an té do naoṁaiḋ a ṫiġ é, ann sin cuirfiḋ an cúigeaḋ cuid dáirgead an ṁeasda na ċíonn, agus biáiḋ aige.

¹⁶ Agus má náoṁann duine don TIĠEARNA cuid éigin do ṁaċaire a ṡeilḃe, annsin biáiḋ do ṁeas do réir a ṡíl sin: meusfuiḋear cáogad secel airgid do hómer síl eórna.

¹⁷ Má náoṁann a ṁaċaire ó ḃliaḋuin an iubilé, seasfuiḋ dó réir do ṁeastasa.

¹⁸ Aċd más tar éis na íubilé náoṁṫoċás sé a ḟearann, annsin coṁáirfiḋ an sagart an tairgead ċuige do réir ḃlíaḋan a nfuiġill, go blíaḋuin na iuḃile, águs léigfíġear sin síos dod ṁeas.

¹⁹ Agus má ḟúasglann an té dó náoṁuiḋ a ḟearann ar éanċor é, annsin cúirfiḋ ná ċionn an cúigeaḋ cuid dairgead dot ṁeassa, agus daingneoċar ḋó é.

²⁰ Agus muna ḃfúascla se an fearann, nó má reac se an fearann ré duine eile, ní ḟuaisceoltar nís mó é.

²¹ Aċd an fearann, a nuáir raċus amaċ annsá íubilé, biáiḋ náóṁṫa don TIĠEARNA, mar ḟearann taḃartuis; biáiḋ a ṡealḃ ag an tsagart.

²² Agus má uáoṁann duine don TIĠEARNA fearann do ċeannuiġ sé, naċ do ṁaċairiġiḃ a ṡeilḃe;

²³ Annsin coṁairfiḋ an sagart lúaċ ḋó mar ṁeasfas tusa, go nuige blíaḋuin an íubilé: agas do ḃéura do meassa uaḋ an lá sin, mar ni náoṁṫa don TIĠEARNA.

²⁴ A mblíaḋuin an íubilé fillfiḋ an fearánn ċum an té ór ceanċaḋ é, eaḋon ċum an té lér leis sealḃ a nfearuinn.

²⁵ Agus biáiḋ do ṁeassa uile do réir secel na sanctóra: fiṫċe gerah ḃiás annsá tsecel.

²⁶ ¶ Aṁáin primidíl na mbeaṫaċ, buḋ cóir do ḃeiṫ na ṗrimidil ag an TTIĠEARNA, ní naóṁṫoċuíḋ éanduine é; mas daṁ, nó cáora é: is leis an DTIĠEARNA é.

²⁷ Agus más beaṫaċ neaṁġlan é, annsin fuáisceoluiḋ sé é do réir do ṁeastasa, agus cuirfiḋ an cúigeaḋ cuid de na ċeann: agus muna ḃfúascaltar é, annsin reacfuiġear é do réir do ṁeastasa.

²⁸ Giḋeaḋ, bronnta ḃronnfas duine don TIĠEARNA do nuile ní dá mbía aige, do ḋuine nó do ḃeaṫaċ, agus dá ḟearann ṡeilḃe, ní reacfuiġear agus ní ḟuáisceoltar é: atá gáċ uíle ní bronntar rónáoṁṫa ag an TIĠEARNA.

²⁹ Einní bronntar, noċ ḃronntar ó ḋáoiniḃ, ni ḟuáisceoltar é; aċd cuirfiġear sin ċum báis go deiṁin.

³⁰ Agus is leis an DTIĠEARNA an uile ḋeaċṁaḋ a nfearuinn, más do ṡíol an ḟearuinn, nó do ṫoraḋ an ċroinn, ceaċtar ḋíoḃ: atá náoṁṫa don DTIĠEARNA.

³¹ Agus má ḟuasglann neaċ ar éanċor éinní dá ḋeaċṁuiḋ, cuirfiḋ an cúigeaḋ cuid de na ċíonn.

³² Agus a ttáoḃ áirġe, nó tréada fá na ndeaċṁuiḋ, giḋ bé ní imṫiġeas fán tslait, biáiḋ a ḋeaċṁaḋ náomṫa ag an TIĠEARNA.

³³ Ní spíonfa an maiṫ nó an olc é, ní mó ṁalairtfeas é: agus má ṁalairteann ar eanċor é, annsin biáiḋ féin agus an malartaċ náoṁṫa; ní ḟuáisceoltar é.

³⁴ Is íad so na haiṫeanta, do aiṫin an TIĠAERNA do Ṁaóise ċum cloinne Israel a slíaḃ Sínai.