Leḃiticus 26 - An Bíobla Naoṁṫa 1817 (Bedell)

Caibidil 26 Séula agus coṁḋúnaġ an laġ. 3 Ṫaoiḃ beannaċd ina coiṁead. 14 Agus mallaċd do luċd a dísbeagaḋ.

¹ Ni ḋéantaoi ḋáoiḃ féin íoḋuil ar biṫ nó ioṁáiġ ġráḃalta, ní mó ċuirfeas siḃ súas íoṁáiġ ṡeasṁaċ, ni mó ċuirfiḋe én ioṁáiġe ċloiċe súas ionḃur bfearann, do ċromaḋ sios di: oir misi an TIĠEARNA ḃur Ndía.

² Coinneoċuiḋe mo ṡábboid agus ónóruiḋe mó ṡanctóra: misi an TIĠEARNA.

³ ¶ Má ṡíuḃluiġṫí ann mo statúidiḃ, agus maiṫeanta do ċoiṁéud agus a ndéanaṁ;

⁴ Annsin do ḃéura mé fearṫuinn ḋiḃ na ham féin, agus do ḃéura an talaṁ a ḃíseaċ, agus do ḃéaruiḋ croinn an ṁaċaire a ttoraḋ.

⁵ Agus béaruiḋ ḃur mbúalaḋ go ham an nḟínḟoġṁair, agus sinuiġ an nḟinḟoġṁair gus an síolċur: agus iostáoi ḃur narán go maḋ lán, agus áiteoċṫáoi íonḃur nduṫaiġ go daingean.

⁶ Agus do ḃéura misi síoṫċáin ánnsa tír, agus luiḋfiġe síos, agus ní ċuirfe éandunie eagla oruiḃ: agus coiscfiḋ mé droíċḃeaṫaíġ don dúṫaiġ, ní mó raċas an cloiḋeaṁ tré ḃur ḃfearann.

⁷ Agus leanfuiḋe ḃur naiṁde, agus tuitfid roṁuíḃ ris an ccloiḋeáṁ.

⁸ Agus brisfiḋ cuigear aguiḃsi ar ċéad, águs cuirfe céad ḋíḃsi míle ċum teiṫṁe: agus tuitfid ḃur náṁuid roṁaiḃ leis an gcloiḋeaṁ.

⁹ Oír biáiḋ meas agum oruiḃ, agus do ḋéana mé síolṁar siḃ, agus méideoċa mé siḃ, agus daingnéoċaiḋ mé mo ċunnraḋ riḃ.

¹⁰ Agus íostáoi an sean lónn, agus do ḃéurṫáoi an sean amaċ do ḃríġ an lóinn nuaḋ.

¹¹ Agus suiḋeoċa mé mo ṫabernacuil ḃur measc; agus ní ḃíaiḋ gráin ag manam oruiḃ.

¹² Agus síuḃoluiḋ me ḃur measc, agus beiḋ me am Ḋía aguiḃ, agus beiṫíse ḃur bpobal agamsa.

¹³ Is misi an TIĠEARNA ḃur Ndia, noċ ṫug amaċ siḃ as críċ na Hégipte, ċor naċ mbeiḋ siḃ ḃur ndaoirsineaċuiḃ áca; agus do ḃris mé cuiḃríġe ḃur gcuinge, agus ṫug mé oruiḃ imṫeaċd go díreaċ.

¹⁴ ¶ Giḋeaḋ muna éistí rium, agus naċ ndéantáoi na haiṫeanta so uile;

¹⁵ Agus má ṫarcuisniġṫí mo statúidíġ, nó má ḃíonn gráin ag ḃur nanam roiṁ mo ḃreiṫeaṁnus, íonnus naċ ccoiṁlíonfáoi maiṫeanta uile, aċd go mbrisfíḋe mo ċunnraḋ:

¹⁶ Do ḋéana misi mar an gceadna so riḃse; cuirfe me criṫeagla oruiḃ, cnáoi agus fíaḃrus tinntiġe, noċ ċnáoiḋfeas na súile, agus do ḃéura doilġios croiḋe: agus cuirfiḋe ḃur síol go díoṁáoin, óir is íad ḃur náṁuid íosas é.

¹⁷ Agus cuirfe misi maġuiḋ ḃur naġuiḋ, agus muirfiġear roiṁe ḃur náṁaid siḃ: an drong air ar beag síḃ í íad ríġfios os ḃur gcionn; agus teiṫfiḋe a nuáir naċ mbeíḋ éanduine dá ḃur ttóruiġeaċd.

¹⁸ Agús muna néistiġe riom fós ar a ṡon so uile, annsin píanfa mé siḃ seaċd nuáire eile ar son ḃur bpeacaiḋ.

¹⁹ Agus réubṫa mé néart ḃur núaḃair; agus do ḋéana mé ḃur neaṁ aṁail íarann, agus ḃur talaṁ aṁail ṗras:

²⁰ Agus caiṫfíḋe ḃur neart go díoṁáoin: oir ní ṫiuḃra ḃur ḃféarann a ṡoċar, ní mó do ḃearuid croinn na talṁan á ttoraḋ.

²¹ ¶ Agus má ṡiuḃluiġṫí contrárḋa ḋaṁsa, agus náċ éisdfiḋe rium; do ḃéura mé seaċd nuáire eile tuilleaṁ plaiġe oruiḃ do réir ḃur bpeacaḋ.

²² Cuirfe me mar an gcéadna béaṫaċuiġ allta ḃur measc, noċ ṡladfas siḃ fá ḃur gcloinn, agus ṁuirfeas ḃur náirnéis, agus do ḋéanas tearc a nuiḃir siḃ; agus béiḋ ḃur sliġṫe móra na ḃfásaċ.

²³ Agus muna ttigṫí ar ḃur nais leis na neiṫiḃsi, aċd go siuḃolfáoi contrárḋa ḋaṁsa;

²⁴ Annsin siuḃoluiḋ misi mar an gceadna contrárḋa ḋáoiḃsi, agus smaċdeoċa mé fós seaċd nuaíre eile siḃ ar son ḃur bpeacaḋ.

²⁵ Agus dó ḃéura mé cloiḋioṁ oruiḃ, ḋiġeólus cúis mo ċunnarṫa: agus a nuáir ċruinneoċṫáoi a ḃfoċair á ċéile a stiġ ion ḃar gcaiṫreaċaiḃ, cuirfe me an ṗláiġ ḃur measc; agus seaċódṫar a láiṁ na náṁad siḃ.

²⁶ Agus a nuáir ḃrisfeas mé bata ḃur naráin, bruiṫfiḋ deiṫneaṁar ban ḃur narán a néanḃácus aṁáin, agus do ḃéaruid ḃur narán díḃsi ar na ṫoṁas: agus íostáoi agus ní ḃeiṫí sáṫaċ.

²⁷ Agus muna éistí riomsa ar a ṡon so uile, aċd síuḃal contrárḋa ḋaṁ;

²⁸ Annsin siuḃóluíġ misi ionḃur naġuiḋsi a ḃfeirg ṁóir; agus misi, eaḋon misi féin, smaiċdeoċus siḃ seaċd nuáire ar son ḃur bpeacaiḋ.

²⁹ Agus íostáoi féoil ḃur mac, agus feóil ḃur ninġion íostáoi.

³⁰ Agus scríosfa misi ḃur náite árda, agus gearrfa mé síos ḃur níoṁaiġe, agus teilgfe mé ḃur gconablaċ ar ċonablaċuiḃ ḃur nioḋal, agus fuaiṫeoċuiḋ manam siḃ.

³¹ Agus do ḋéana mé ḃur gcaiṫ reaċa na ḃfásáċ, agus do ḃéura mé ḃur sanctóra ċum uáíguis, agus ní ḃoiltneaċa me bolaḋ ḃur mboltanuis ndeaġḃoluiḋ.

³² Agus do ḃéura mé an tír ċum uáignis agus ḃur náiṁde áiteoċus innte: biáiḋ úaṁán orra fán ní sin.

³³ Agus scainnreoċa mé siḃ a measc ná ngenteaḋ, agus tairreonga mé cloiḋeaṁ amáċ ḃur ndiáiġ: agus biáiḋ ḃur ndúṫaiġ uáigneaċ, agus ḃur gcaiṫreaċa na ḃfasaċ.

³⁴ Annsin ċoinneoċus an talaṁ a sabbóidiġ, an fad ḃías se folaṁ, agus beiṫíse a ttír ḃur náṁad; is annsin ṡuáiṁneoċus an talaṁ, agus buáiḋeoċṫáoi a sabbóidiġ.

³⁵ An feaḋ ḃías sé gan áitreaḃ biáiḋ suáiṁneaċ; do ċionn narṡuáíṁniġ sé ionḃur sabbóidiḃsi, in feaḋ do ċoṁnuiġeaḃair féin ann.

³⁶ Agus cuirfe mé loige a gcroiḋṫiḃ an ṁeid ḟúicfíġear beó aguiḃ a ccríoċuiḃ a náṁad; agus cuirfe torann an duílleaḃair a tteiṫeaṁ íad; agus teiṫfid, mar do ṫeiṫfidís roiṁe cloiḋeaṁ; agus tuitfid a nuáir naċ bía éanduine ḋá leánṁuin.

³⁷ Agus tuitfid ar muin a ċeile, aṁuil do ḋéandáois roiṁe ċloiḋioṁ, a nuáir naċ mbiáiḋ éanduíne na ndiáiġ: agus ní ḃéiḋ cumas aguiḃ a laṫair ḃur náṁad.

³⁸ Agus tuitfíḋe a measc na ngennteaḋ, agus íosuiḋ talaṁ ḃur náṁad súas siḃ.

³⁹ Agus an ṁéid ṁairfeas ḋíḃ seargfuid ann a nolc a ttír a náṁad; agus már an gcéadna a ccoirṫiḃ a náiṫreaḋ seargfuid meille riú.

⁴⁰ Má adṁuid siád a neagceart, agus éacceart a naiṫreaḋ, maille ré na sáruġaḋ léur ṡáruiġeadar a maġaiḋsi, agus mar an gcéadna gur ṡiuḃluiġeadar contrárḋa ḋaṁ;

⁴¹ Agus gur ṡíuḃuil misi contrárḋa ḋóiḃsion, águs go ttug mé a ttír a náṁad íad; annsin má ḃíd a gcroiḋṫe neaṁṫimċillġéarrṫa uṁall, agus go nglacfuid pionús a nuilc:

⁴² Ann sin cuiṁneoċa misi mo ċunnraḋ ré Iácob, agus mar an gcéadna mo ċunraḋ ré Hisaac, agus cuiṁneoċá mé mar an ccéadna mo ċunraḋ ré Habraham; agus cuiṁneoċa mé an dúṫaiġ.

⁴³ Ṫairis sin fúicfiḋ síad an tír, agus géuḃuiḋ sí a sábbóidiġ, an feaḋ ḃías uáigneaċ gan íadsan inte: agus géuḃuiḋ síad pionús a néigceirt: do ċionn, eaḋon do ċionn gur ṫarcuisníġeadar mo ḃreiṫeaṁnuis, agus do ċiónn gur ḟúaṫaiġ a nanam mo statúidiġ.

⁴⁴ Giḋeaḋ fós ar a ṡon sin, a nuáir ḃéid síad a ttír a náṁad, ní ṫeilgfe mé seaċad íad, agus ní mó ḟuaṫoċus mé íad, dá scrios ṫríd amaċ uile, agus do ḃriseaḋ mo ċunnarṫa ríu: oir is misi an TIĠEARNA a Ndía.

⁴⁵ Aċd cuiṁneoċa mé ar a sonsan cunraḋ a sinnsear, noċ ṫug mé a maċ as críċ na Hégipte a raḋarc na ngenteaḋ, Ionnus go mbéinn am Ḋía aca: is misi an TIĠEARNA.

⁴⁶ Is íad so na statúide agus na breiṫeaṁnuis águs na dliġṫe, noċ do rinne an TIĠEARNA ider é féin agus clann Israel a slíaḃ Sínái lé láiṁ Ṁaóise.