Leḃiticus 19 - An Bíobla Naoṁṫa 1817 (Bedell)

Caibidil 19 Míniuġaḋ na naiṫeanta, ró ḋiaġa.

¹ Agus do laḃair an TIĠEARNA ré Maóise, dá ráḋ.

² Laḃair ré coṁċruinniuġaḋ ċloinne Israel uile, agus abair riú, Beiṫi náoṁṫa: óir atáimse an TIĠEARNA ḃur Ndía náoṁṫa.

³ ¶ Biáiḋ eagla ḃur maiṫreaċ, agus ḃur naiṫreaċ aguiḃ (ar gaċ áon ḟear), agus coiṁéaduiġ nó ṡábóid: misi an TIĠEARNA ḃur Ndía.

⁴ ¶ Ná hionntoiġiḋ lé hioḋaluiḃ, agus ná déanaiḋ dée leaġṫa ḋáoiḃ: misi an TIĠEARNA ḃur Ndía.

⁵ Agus ma ṫairgṫí íoḋbuirt dofráil ṡíoḋa don TIĠEARNA, ofráilfiḋ í ar ḃur ttóil féin.

⁶ Iostar í an lá sin féin ofráilfiġear í, agus ar na ṁáraċ: agus má ṁairion fuiġioll go ttí an tréas lá, loiscfíġear annsa teiniḋ é.

⁷ Agus má hiṫtear ar aċor ar biṫ an treas lá é, is gráineaṁuil é; ní ġéuḃṫar é.

⁸ Ar a naḋḃarsin gaċ éanduine da níosuiḋ e biáiḋ a ṗeacaḋ ḋó, ar a náḋḃar gur ṫruáilliḋ sé ní náoṁṫa an TIĠEARNA: agus gearrfuíġear an tanam sin amaċ as lár a ṁuinntire.

⁹ ¶ Agus a nuair ḃeanfuiḋe fóġṁar ḃur ḃfearuinn, ní ḃeanfuiḋe coirnéil ḃur maċaire go híomlán, ní mó ċruinneoċus tú díoġluim ṫfóġṁuir.

¹⁰ Agus ní ḋioġlumfuiḋ tú ṫfíneaṁuin, ní mó ċruinneoċus tú gaċ éanċáor dot ḟíneaṁuin; fúigfe tú ag na boċduiḃ íad, agus ag an gcoiṁiġṫeaċ: misi an TIĠEARNA ḃur Ndía.

¹¹ ¶ Ní ġádfuiḋe, agus ní ḋéantáoi ní neiṁḟírinneaċ, ni mó do ḋéantáoi bréag ré ċeile.

¹² ¶ Agus ní ṫiuḃarṫáoi mainmse a mbréig, ní mó ṫruáilleoċus tú ainm do Ḋé: misi an TIĠEARNA.

¹³ ¶ Ní ṁéallfa tú do ċoṁarsa, ní mó ṡladfas tú é: ní ḟanfuiġe agad tuarasdal an té ḟoisteoċṫar ar feaḋ na hoiḋċe go maidin.

¹⁴ ¶ Ní ṁailleoċuiḋ tú an boḋar, agus ní ċuirfe tú ceaptuisliḋ roiṁe an ndall, aċd biáiḋ eagla do Ḋe ort: misi an TIĠEARNA.

¹⁵ ¶ Ní ḋéantáoi éacceart a mbreiṫeaṁas: ní ṁeasfuiḋ tú pearsa an ḃoiċd, agus ní onórfuiġ tu pearsa an ċuṁaċduiġ: a ḃfíreantaċd do ḋéana tú breiṫeaṁnus ar do ċoṁarsain.

¹⁶ ¶ Ní imeoċuiḋ tú síos agus súas aṁuil scéaluiġe a measg do ḋáoine: ní mó ṡeasfas tú a naġaiḋ ḟola do ċoṁarsann: misi an TIĠEARNA.

¹⁷ ¶ Ní ḟúaṫoċa tú do ḋearḃraṫair ann do ċroiḋe: aċd iomaiṫḃeora tú ar gaċ uile ċor do ċoṁarsa, agus ní ḟuileongṫa tú péacaḋ do ḃeiṫ air.

¹⁸ ¶ Ní ḋéana tú dioġaltas, ní ḃía mioscuis ar biṫ agad re cloinn do ḋáoine, aċd gráiḋeoċa tú do ċoṁarsa mar ṫú féin: misi an TIĠEARNA.

¹⁹ ¶ Coiṁéadfuiḋe mo statúídiġ. Ní léígfíḋe dá ḃur náirnéis gineaṁuin ré cineul éagsaṁuil: ní ċuirfe tú ṫfearann lé síol cumaisce: agus ní mó ċuirfeas tú éadaċ cumaisce, do líon agus doluinn iomad.

²⁰ ¶ Agus giḋ bé ar biṫ luiḋeas go colluiḋe lé mnáoi, ata na mnaoi ḋáoir, cunnarṫaċ ag fear, agus nar fúasglaḋ í, agus naċ ḃfuáír sáoirse; sciúrsfuiġear i; ni ċuirfiġear ċum bás íad, do ċionn naċ raiḃ sise sáor.

²¹ Agus do ḃéura seision ofráil ṡáruiġṫe ċum an TIĠEARNA, go dorus ṫabernacuil an ċoṁċruinniġṫe, reiṫ mar ofráil ṡáruiġte.

²² Agus do ḋéana an sagart síṫ ar a ṡon lé reiṫe na hofrála sáruiġṫe a laṫair an TIĠEARNA ar son an ṗéacaiḋ do rinne sé: agus maiṫfíġear ḋó an péacaḋ do rinne sé.

²³ ¶ Agus a nuáir ṫiucfuiḋe don tír, agus ċuirfiḋe gaċ uile ṡórt crann ċum beaṫa, annsin measfuiḋe a ṫoraḋ neiṁṫimċillġeárrṫa: trí bliaḋna ḃías neiṁṫimċillġeárrṫa aguiḃ: ni íostáoi ḋe.

²⁴ Aċd annsa ċeaṫraṁaḋ blíaḋ an biáiḋ a ṫoraḋ uile náoṁṫa do ṁoldaḋ an TIĠEARNA leó.

²⁵ Agus iostaoi an toraḋ an cúigeaḋ bliaḋan, ċor go ttuga sé biseaċ ḋáoiḃ: misi an TIĠEARNA ḃur Ndía.

²⁶ ¶ Ní íostáoi ni ar biṫ maille ris an ḃfuil: ní mo ġnaíṫeoċṫáoi geasadóireaċd, ní ċuirfíḋe beann ar aimsearuiḃ áiriġe.

²⁷ Ní ḃearrfuiḋe mulluiġe ḃur gceann, agus ní mó ṁillfeas tú coirnéul ṫféasoige.

²⁸ Ní ḋéantaoi gearraḋ ar biṫ ion ḃur ḃfeóil ar son na marḃ, nó coṁarṫa ar biṫ do ċlóġuġáḋ ionnuiḃ: misi an TIĠEARNA.

²⁹ ¶ Ní ofráilfe tú hinġean, dá ṫaḃairt uirre ḃeiṫ na stríapuiḋ; deagla go ttuitfeaḋ an dúṫaiḋ a stríapaċas, agus go tiucfaḋ ċum ḃeiṫ lán dulc.

³⁰ ¶ Coiṁéadfuiḋe mó ṡabboidiġ, agus onórfuiḋe mo ṡanctóir: misi an TIĠEARNA.

³¹ ¶ Ná bíoḋ suim aguiḃ annsa druing ga mbíḋ spioraid ṁuinntearḋa, agus ná hiarruiḋ luċd fáistine, da ḃur ndéanaṁ truáilliġ léo: misi an TIĠEARNA ḃur Ndia.

³² ¶ Eíreoċuiḋ tú súas roiṁe an cceann líaṫ, agus onórfuiġ tú aḋuiġ an tseanóra, agus biáiḋ eagla agad roiṁe Ḋía: misi an TIĠEARNA.

³³ ¶ Agus má ċoṁnuiġeann duine éanuáire aguiḃ ansa dúṫaiḋ, ni ġoirteoċṫáoi é.

³⁴ Aċd an coiṁiḋṫeaċ ċoṁnuiġeas ḃur ḃfoċair biáiḋ aṁuil duine ḃéarṫar ḃur measc, agus gráiḋeoċa siḃ é mar siḃ féin; óir do ḃaḃair féin ḃur ccoiṁiġṫiḃ a gcríċ na Hégipte: misi an TIĠEARNA ḃur Ndía.

³⁵ ¶ Ní ḋéantaoi éacceart a mbreiṫeaṁnus, a ttoṁas slaite, a gcoṁṫrom, nó a miosúireaċd.

³⁶ Scáluiḋe coṁṫroma, coṁṫruim ċoṁṫroma, eṗah coṁṫrom, hean ċoṁṫrom, ḃías aguiḃ: misi an TIĠEARNA ḃur Ndía, ṫug a maċ as críċ na Hégipte siḃ.

³⁷ Ar a naḋḃarsin coiṁdeoċṫáoi mo statúidiġ uile, agus mo ḃreiṫeaṁnuis uile, agus ḋéantáoi íad: misi an TIĠEARNA.