Jonah 1 - An Bíobla Naoṁṫa 1817 (Bedell)

Caibidil I. Ionah ag teiṫeaṁ, 4 do toirmioscaḋ le anfa, 11 agus do teilgeaḋ sa nfairge, é.

¹ Anois ṫáinic bríaṫar an TIĠEARNA ċum Iónah ṁic Amittai, ag ráḋ,

² Eiriġ, imṫiġ go Nineḃeh, an ċaṫair ṁór sin, agus déana coṁairc na haġaiḋ: óir ṫáinic a ccionta súas dom laṫairsi.

³ Aċt deiriġ Iónah súas do ṫeiṫeaṁ go Tarsis ó laṫair an TIĠEARNA, agus do ċuáiḋ sios go Ioppa; agus fuáir lóng ag dul go Tarsis: marsin do ḋíol sé ar son a ḃeirṫe ṫairis, agus do ċuáiḋ innte síos, do ḋul leó go Tarsis ó laṫair an TIĠEARNA.

⁴ ¶ Aċt do ċuir an TIĠEARNA gáoṫ ṁór amaċ air an ḃfáirge, agus do ḃí anfa ro ṁór air an ḃfairge, iondus gur ṡaóil an long ḃeiṫ briste.

⁵ Aunsin do ḃádar na máirnealuiġ eaglaċ, agus déiġ gaċ áon air a ḋía, agus do ṫeilgeadar a nearraḋ do ḃí san loing annsa ḃfairge, dá néadtromaḋ féin. Aċt do ċuáiḋ Iónah síos ar ṫáoḃuiḃ na luinge; agus do luiḋ, agus do ḃí sé na ċodlaḋ go trom.

⁶ Annsin ṫainic maiġistir na luinge ċuige, agus a duḃairt sé ris, Cred is cíall duitsi, a ċodaltaiġ? éiriġ, goir air do Ḋía, a ndóiġ go smuáinteoċaḋ Día oruinne, naċ báiḋtí sinn.

⁷ Agus a duḃairt gaċ áon aca re na ċompánaċ, Déanam, agus teilgiom crainn, ċor go naiṫeonam cia ar son a ttig an tolcso oruinn. Annsin do ṫeilgiodar na cráinn, agus do ṫuit an ċrannċar air Ionah.

⁸ Annsin a duḃradarsan ris, Innis dúinn, íarrinaod daṫċuinge ort, cía ar son a ttig an tolcso oruinn; Cred is ceird duit? agus cáit as a ttig tú? cía is tír ḋuit? agus cía na daóine dár díoḃ ṫú?

⁹ Agus a duḃairt seision ríu, Eaḃraḋaċ mé; agus atá eagla an TIĠEARNA, Día neiṁe orum, noċ do rinne a nfairge agus an talaṁ tirim.

¹⁰ Annsin do ḃádar na daóine eaglaċ go hanṁór, agus a duḃradar ris, Cred um a ndéarna tusa so? (óir do ṫuigiodar na daoine gur ṫeiṫ sé roiṁe ġnúis an TIĠEARNA, do ḃríġ gur innis sé féin dóiḃ é.)

¹¹ ¶ Annsin a duḃradar ris, Cred do ḋéanam riot, ċór go mbía a nfairge ciúin? (óir doibriġ a nfairge, agus do ḃí sí anfaḋaċ.)

¹² Agus a duḃairt seision ríu, Tógḃuiḋ súas mé, agus teilgiḋ amaċ san ḃfairge mé; mairsin biáiḋ a nfairge ciúin aguiḃ: óir atá a ḟios agum gurob air mo ṡon féin atá an tanfa mórso oruiḃ.

¹³ Ṫairis sin diomraṁadar na fir go láidir dá ṫaḃairt a ttír; aċt níor ḟéadádar; óir doibriġ a nfairge, agus do ḃí sí anfaḋaċ na naġaiḋ.

¹⁴ Uimesin déiġeadar air an TTIĠEARNA, agus a duḃradar, Iarrmaoid daṫċuinge ort, A ṪIĠEARNA, íarrmaoid ort, ná scriostar sinn ar son ḃeaṫa an té so, agus ná léig fuil neiṁċiontaċ oruinne: óir do rinne tusa, a ṪIĠEARNA, aṁuil fa toil leat féin.

¹⁵ Marsin do ṫógḃadar Iónah súas, agus do ṫeilgeadar amaċ san ḃfairge é: agus do scuir a nfairge do ċonfaḋ.

¹⁶ Annsin do ḃí eagla an TIĠEARNA go hiomarcaċ air na daóiniḃ, agus dofráladar íoḋbuirt don TIĠEARNA, agus ṫugadar móide.

¹⁷ Anois dórduiġ an TIĠEARNA íasg mór Iónah do ṡlugaḋ súas. Agus do ḃí Iónah a mḃroinn a néisg trí lá, agus trí hoiḋċe.