I Samuel 3 - An Bíobla Naoṁṫa 1817 (Bedell)

Caibidil III. Ġoir an TIĠEARNA Samuel ceiṫre úaire. 18 Dinnis é do Eli gaċ ar laḃair an anaġaiḋ a ṫiġc.

¹ Agus do ḃí an leanaṁ Samuel ag míniostralaċd don TIĠEARNA a laṫair Eli. Agus bá mórluáiġ bríaṫar an TIĠEARNA ansna laéṫiḃ sin; ní raiḃ fios ós áird ann.

² Agus tarla fa nám sin, a nuáir do ḃí Eli na luiġe síos ann a áit féin, agus ar ṫosuiġeadar a ṡúile air ḃeiṫ dall, naċ ar léir ḋó;

³ Agus suil do ċuáiḋ lampa Dé as a tteampall an TIĠEARNA, mar a raiḃ áirc Dé, agus Samuel ar luiḋe síos;

⁴ Gur ġoir an TIĠEARNA A Ṡamuel: agus gur ḟreagair seision, Atáim annso.

⁵ Agus do riṫ sé ċum Elí, agus a duḃairt, Atáim annso; óir do ġoir tú orum. Agus a duḃairt seision, Níor ġoir mé ort; luiġ sios a rís. Agus do imṫiġ sé agus do luiġ sé sios.

⁶ Agus do ġoir an TIĠEARNA a ris, A Ṡamuel. Agus déiriġ Samuel agus do ċuáiḋ sé go Héli, agus a duḃairt sé, Atáimsi annso; óir do ġoir tú orum. Agus do ḟreagair seision, Agus a duḃairt, Níor ġoir misi ort, a ṁic; lúiġ síos a rís.

⁷ Anois ní raiḃ fios an TIĠEARNA fós ag Samuel, agus ni mó do foillsiġioḋ briaṫar an TIĠEARNA ḋó fós.

⁸ Agus do ġoir an TIĠEARNA Samuél a rís an treas uáir. Agus do éiriġ seision agus do ċuaíḋ go Héli, agus a duḃairt, Atáim annso; óir do ġoir tú orm. Agus do ṫuig Eli gur ḃé an TIĠEARNA do ġoir an leanaṁ.

⁹ Uimesin a duḃairt Eli re Samuel, Imṫiġ, luiġ síos: agus go maḋ aṁlaiḋ ḃiás, má ġoirionn sé ort, go naibeora tusa, Laḃair, a ṪIĠEARNA; óir do ċluin do ṡeirḃiseaċ. Marsin do imṫiġ Samuel agus do luiġ siós iona ionad fein.

¹⁰ Agus ṫáinic an TIĠEARNA, agus do ṡeas, agus do ġoir mar na húairiḃ oile, A Ṡamuel, a Ṡamuel. Ann sin do ḟreagair Samuel, Laḃair; oír cluiniḋ do ṡeirḃiseaċ ṫú.

¹¹ ¶ Agus a duḃairt an TIĠEARNA ré Samuel, Féaċ, do ḋéana misi ní a Nisrael, fá mbéid ḋá ċlúais gaċ aóin dá gcluinfiḋ é, ag foġard.

¹² Annsa ló sin críoċnoċuiḋ mé a naġaiḋ Eli, a nuile ní dar láḃair mé a ttaoḃ a ṫiġe: a núair ṫoíseoċus mé, déana mé críoċnuġaḋ mar an gcéadna.

¹³ Oír dinnis mé ḋó go mbéaruinn breaṫ ar a ṫiġ go bráṫ ar son a nuilc as aiṫniḋ ḋó feín; do ḃriġ go ndearnadar a ṁic íad féin malluiġ, agus nar ṫoirmisg seision íad.

¹⁴ Uime sin ṫug mé mionna do ṫiġ Eli, naċ glanfuiḋe éaigceart tiġ Eli lé híoḋbáirt no lé hofráil gó bráṫ.

¹⁵ ¶ Agus do luiġ Samuel go maidin, agus dfoscuíl doirsi ṫiġe an TIĠEARNA. Agus do ḃí eagla ar Ṡamuel an nfis dfoillsiuġaḋ do Eli.

¹⁶ Annsin do ġoir Eli Samuel, agus a duḃairt, A Ṡamuel, a ṁic. Agus do ḟreagair seision, Atáim annso.

¹⁷ Agus a duḃairt sé, Cred é an ní sin a duḃairt an TIĠEARNA riot? Guiḋim ṫú ná ceil orum é: go ndéarna Día marsin riotsa, agus tuilleaṁ fós, má ċéilionn tú éinní orum do na huile neiṫiḃ a duḃairt sé riot.

¹⁸ Agus dínnis Samuel dó gaċ uile ní, agus níor ċeil éinní air. Agus a duḃairt seision, Sé an TIĠEARNA é: déanaḋ sé an ní is áill leis feín.

¹⁹ ¶ Agus dfás Samuel, agus ḃí an TIĠEARNA maille leis, agus níor leig aonḟocal dá ċoṁráḋ tuitim ċum na talṁan.

²⁰ Agus do ḃí a ḟios ag cloinn Israel ó Ḋan go Beerséba gur hórduiġeaḋ Samuel do ḃeiṫ na ḟáiġdon TIĠEARNA.

²¹ Agus do ḟoillsiġ an TIĠEARNA é féin a rís a Siloh: óir dó ḟoillsiġ an TIĠEARNA é féin do Ṡamuel a Síloh lé breiṫir an TIĠEARNA.