I Samuel 16 - An Bíobla Naoṁṫa 1817 (Bedell)

Caibidil XVI. Ata Daiḃiḋ sunnraiġṫe ċum ḃeiṫ ná rí. 19 Tugaḋ ċum Sauil é, agus le clairseaċ do ṡeinm, dfuaduíġ sé uaḋ an droċspiorad.

¹ Agus a duḃairt an TIĠEARNA re Samuel, Gá fad ḃías tú ag dó ḃrón tre Ṡaul, ó ċuir misi ar gcúl é ó ḃeiṫ na ríġ ós cionn Israel? líon haḋarc dola, agus imṫiġ, cuirfiḋ misi ṫú ċum Iesse an Betlehemíteaċ: do ṫoġ mé ríġ ḋaṁ féin a measc a ṁac.

² Agus a duḃairt Samuel, Cionnus ḟéaduimsi dul ann? má ċlum Saul é, muirfiḋ sé mé. Agus a duḃairt an TIĠEARNA, Beir colpaċ leaċd, agus abair, Ṫáinic mé do ḋéanaṁ íoḋbarṫa don TIĠEARNA.

³ Agus goir Iesse ċum na híoḋbarṫa, agus taisbéanfuiḋ misi ḋuit créd ḋéanas tú, agus ungfaiḋ tú ḋaṁsa an té ainmneoċus mé ḋúit.

⁴ Agus do rinne Samuel gaċ ní da nduḃairt an TIĠEARNA, agus ṫáinic se go Betlehem. Agus do ċrioṫnuiġeadar sinnsir an ḃaile re na ṫeaċd, agus a duḃradar, An go síoṫċánta ṫig tusa?

⁵ Agus a duḃairt seision, Is go síoṫċánta: ṫáinic mé dioḋbairt don TIĠEARNA: náoṁuiḋ siḃ féin, agus tigiḋ liom ċum na híoḋbarṫa. Agus do náoṁuiġ sé Iesse agus a ṁic, agus do ġoir íad ċum na híoḋbarṫa.

⁶ ¶ Agus tárla, a nuáir ṫangadar, gur ḟeaċ sé ar Eliab, agus a duḃairt, Is deiṁin go ḃfuil ungṫaċ an TIĠEARNA a laṫair.

⁷ Agus a duḃairt an TIĠEARNA re Samuel, Ná féaċ ar a ġnúis, no ar áirde a ṗearsann; do ċionn gur ḋíult misi é: óir ní ḟaiceann an TIĠEARNA mar do ċí duine; óir do ċí an duine an ní ḃías a ḃfiaġnuise a ṡúl, aċd do ċí an TIĠEARNA an croiḋe.

⁸ Ann sin do ġoir Iesse Abinadab, agus ṫug air gahháil ṫáiris a laṫair Ṡamuel. Agus a duḃairt sé, Ní hé so fós do ṫoġ an TIĠEARNA.

⁹ Ann sin ṫug Iesse ar Ṡammah gaḃáil ṫairis. Agus a duḃairt seision, Ni hé so fós do ṫoġ an TIĠEARNA.

¹⁰ A rís, ṫug Iesse air ṁóirṡeisear dá ṁacaiḃ gaḃáil ṫar Ṡamuil. Agus a duḃairt Samuel re Iesse, Níor ṫoġ an TIĠEARNA íadso.

¹¹ ¶ Agus a duḃaírt Samuel re Iesse, An ḃfuilid do ċlann uile annso? Agus do ḟreagair seision, Atá fós an mac as óige gan a ḃeiṫ ann, agus, féuċ, atá sé ag coiṁéad na gcáoraċ. Agus a duḃairt Samuel ré Iesse, Cuir fios air agus taḃair leaċd é: óir ní ṡuiġfeam síos nó go ttí sé annso.

¹² Agus do ċuir sé fios air, agus ṫug a steaċ é. Bá dearg, agus scíaṁaċ a ndeilḃ é, maille re bréaḋaċd súl. Agus a duḃairt an TIĠEARNA, Eíriġ agus ungaiḋ é: óir as e so eision.

¹³ Ann sin do ġlac Samuel a naḋarc ola, agus do ungaiḋ eision a lár a ḋearḃráiṫreaċ: agus ṫainic spiorad an TIĠEARNA ar Ḋáiḃi ón lósin amaċ. Ann sin déiriġ Samuel súas, agus do ċúaiḋ go ramah.

¹⁴ ¶ Aċ do ċúaiḋ spiorad an TIĠEARNA ó Ṡaul, agus do ḃuáiḋir droiċspiorad ón TTIĠEARNA é.

¹⁵ Agus a duḃradar muinntir Ṡauil ris, Feuċ anois, atá droíċspiorad ó Ḋía dot ċuáiḋreaḋ.

¹⁶ Abraḋ ar TTIĠEARNA anois re na ṡerḃíseaċaiḃ, atá ḋa laṫair, duine íarruiḋ, noċ ṡeinnios go gasda ar ċláirsiġ: agus is aṁluiḋ ḃías, a nuair ṫiocfas an droiċspiorad ó Ḋía ort, go seinnfiḋ seision le na láiṁ, agus go mbía tusa go maiṫ.

¹⁷ Agus a duḃairt Saul re na ṡeirḃíseaċaiḃ, Faġaiḋ ḋaṁ anois duine ḟéadas seinm go maiṫ, agus tugaiḋ ċugam é.

¹⁸ Ann sin do ḟreagair aon do na serḃíseaċaiḃ, agus a duḃáirt, Féuċ, do ċonnairc misi mac do Iesse an Betlehemíteaċ, noċ atá eólaċ a seinm, agus na ḋuine ro láidir ġaisgeaṁuil, agus na ḟear cogaiḋ, agus glic a ccúisiḃ, agus na ḟear sgíaṁaċ, agus atá an TIĠEARNA maille rís.

¹⁹ Uime sin do ċuir Saul teaċda go Iesse, agus a duḃairt, Cuir ċugam Dáiḃi do ṁac, noċ áta ag an tréad.

²⁰ Agus do ġlac Iesse assal fá úalaċ aráin, agus buidéul fíona, agus meannán, agus do ċuir le na ṁac Dáiḃi íad ċum Sauil.

²¹ Agus ṫáinic Daiḃi go Saul, agus do ṡeás dá laṫair: agus do ḃí gráḋ mór aige air; agus do ḃí na ḟear iomċarṫa a airm aige.

²² Agus do ċuir Saul fios ċum Iesse, ga ráḋ, Guiḋim ṫá, léig do Ḋáiḃi seasaṁ am laṫairsi; óir fuáir se faḃar am raḋarc.

²³ Agus tárla, a nuáir ṫáinic an droiċspiorad ó Ḋía ar Ṡaul, gur ġlac Dáiḃi cláirseaċ, agus gur ṡeinn le na láiṁ: ionndus go ḃfúair Saul caḃair, agus go raiḃ go maiṫ, agus dimṫiġ an droiċspiorad úaḋ.