I Rioġ 4 - An Bíobla Naoṁṫa 1817 (Bedell)

Caibidil IV. Greaġnacus, 20 riaġluġaḋ, 29 agus gliocas Ṡolaiṁ.

¹ Mar sin do ḃí an ríġ Solaṁ na ríġ ós cionn Israel uile.

² Agus a síad so na prionnsaḋa do ḃí aige; Asariah mac Sádoc an sagart,

³ Elihereṗ agus Ahiah, mic Ṡisa, na scriḃnéoruiḃ; Iehosaṗat mac Ahilud, na ṡeanċuiġ.

⁴ Agus Benaiah mac Iehoiada ós cionn an tslóiġ: agus dob íad Sádoc agus Abiatar na sagairt:

⁵ Agus Asariah mac Nátán ós cionn na noifigeaċ: agus bá he Sabud mac Nátain prioṁ‐oifigeaċ, cara an ríġ:

⁶ Agus do ḃí Ahisar ós cionn an teaġluiġ: agus Adoniram mac Abda ós cionn a náirdċíosa.

⁷ ¶ Agus do ḃádar ḋá ḟear ḋéug doifigeaċaiḃ ag Solaṁ ós cionn Israel uile, noċ do ṡoláraḋ beaṫaḋ don ríġ agus dá ṫeaġlaċ: do níoḋ gaċ áon aca ullṁuġaḋ ann a ṁí féin san mbliaḋuin.

⁸ Agus a síad so a nanmanna: Mac Hur, a slíaḃ Eṗraim:

⁹ Mac Decar, ann Macas, agus ann Saalbim, agus a Mbet‐semes, agus a Nelon‐bet‐hanan:

¹⁰ Mac Hesed, ann Arubot; is ris do ḃcan Soċoh, agus dúiṫċe Héṗer uile:

¹¹ Mac Abinadab, a ttír Dor uile; agá raiḃ Taṗat inġean Ṡoluiṁ na mnaói.

¹² Baana mac Ahilud; as ris do ḃean Taanaċ agus Megiddo, agus Betsean uile, noċ atá láiṁ re Sartana taóiḃ ṡíos do Iesreel, ó Ḃet‐sean go Habelmeholah, go nuige táoḃ ṫall do Iocneam:

¹³ Mac Ġéber, ann Ramot‐Gílead; ba leis bailte Iair mic Manasseh, noċ até a Ngilead; ba leis mar an gcéadna tír Argob, noċ atá ann Básan, trí fiṫċid caṫair ṁór go mballaḋuiḃ agus mbarraḋuiḃ práis.

¹⁴ Aċinadab mac Iddo is aige do ḃí Mahanaim:

¹⁵ Ahimaas do ḃí ann Naṗtali; a sé ṫug mar an gcéadna Basmat inġean Ṡoluiṁ na mnaói.

¹⁶ Baanah mac Ċúsai do ḃí ann Aser agus ann Alot:

¹⁷ Iehosaṗat mac Paruah, ann Issaċar:

¹⁸ Simei ṁac Elah, ann Beniamin:

¹⁹ Geber ṁac Uri do ḃí a ttír Ġílead, a ttír Ṡihon ríġ na Namoriteaċ, agus Og ríġ Básan; agus dob eision aṁaín oifigeaċ na tíre uile.

²⁰ ¶ Do ḃí Iúdah agus Israel liónṁar, mar an ngaineaṁ ḃíos láiṁ ris an ḃfairge ar líonṁaireaċd, ag iṫe agus ag ól, agus ag déanaṁ súgaiḋ.

²¹ Agus do ríaġluiḋ Solaṁ ós cionn a nuile rioġaċd ó naḃuinn go críċ na Ḃṗilistineaċ, agus go brúaċ na Hégipte: do ḃeirdís tioḋluicṫe leó, agus do rinneadar seirḃís do Ṡolaṁ ar feaḋ laéṫe a ḃeaṫa.

²² ¶ Agus do bé bíaḋ Ṡoluiṁ a neanló aṁáin tríoċad miosúr do ṗlúr ṁín, agus trí fiṫċid miosúr mine,

²³ Deiċ ndaiṁ ḃíata, agus fiṫċe daṁ don ninnḃear amuiġ, agus céad cáora, táoḃ amuiġ do ċáirrḟiaḋuiḃ, agus do ṗocaiḃ fionna, agus dfíaḋuiḃ rúaḋ, agus déunlaiṫiḃ bíata.

²⁴ Oír do ḃí tiġearnas aige ós cionn na tíre uile don táoiḃse don naḃuin, ó Ṫiṗsah air fad go Hassah, ós cionn na ríoġ uile don táoiḃse don naḃuinn: agus do ḃí sióṫċaín aige ann gaċ uile ṫaoḃ na ṫimċioll.

²⁵ Agus do ċoṁnuiḋ Iúdah agus Israel go socair, gaċ uile ḋuine fana ḟíneaṁuin agus fána ċrann fíge féin, ó Ḋan go Beerséba, an fad do ṁair Solaṁ.

²⁶ ¶ Agus do ḃí ag Solaṁ ḋa ḟiṫċiod míle mainnseár eaċ da ċarbadaiḃ, agus dá ṁíle ḋéug marcaċ.

²⁷ Agus dullṁaiġedís na hoifigiḋ sin bíaḋ do Ṡolaṁ an ríġ, agus a nuile ní dá ttigeaḋ go bórd an ríġ Solaṁ, gaċ áon aca ann a ṁí féin: ní ḃíoḋ éinní deasḃuiḋ orra.

²⁸ Do ḃeirdís mar sin eórna agus tuiġe da neaċaiḃ agus dá neaċaiḃ coiṁlionga go nuige a náit a mbídís na hoifigiḋ, gaċ éanduine do réir a úaluiġ féin.

²⁹ ¶ Agus ṫug Día gliocus agus tuigsi do Ṡolaṁ go hanṁór, agus fairsinge ċroiḋe, aṁuil mar ḃíos an gainioṁ atá ar ṫraíġ na fairge.

³⁰ Agus do ṡáruiġ gliocus Ṡoluiṁ críonnaċd ċloinne a noirṫir uile, agus gliocus na Hégipte uile.

³¹ Oír ba glioca é ná dáoine an doṁuin uile; ná Etan an Tesrahíteaċ, agus Héman, agus Ċalcol, agus Darda, clann Ṁahol: agus do ḃí a iomráḋ annsa nuile ċríċ air gaċ éantáoiḃ.

³² Agus do laḃair sé trí ṁíle seanḟocal, agus a ḋánta do ḃádar mile agus a cúig.

³³ Agus do laḃair se ar ċrannuiḃ, ón ċrann céadair atá a Lebanon go nuige an nisoíp ḟásas amaċ as an mballa: do laḃair sé mar an gcéadna ar ainṁintiḃ, agus air eunlaiṫe, agus air ċréatúiriḃ snáṁaċáin, agus air íascaiḃ.

³⁴ Agus tangadar do nuile ḋroing déisteaċd ré gliocus Ṡoluiṁ, ó ríoġaiḃ an doṁuin uile, do ċúala teaċd tar a eagna.