I Rioġ 22 - An Bíobla Naoṁṫa 1817 (Bedell)

Caibidil XXII. Ahab tré impiḋe na bfáġa mealltaċ, do ċúaiḋ se amaċ, agus do ṫuit sé san ċaṫ. 41 Deaġ rioġaḋ Iehosaṗat.

¹ Agus dfanadar trí blíaḋna ganċogaḋ idir Ṡíria agus Israel.

² Agus tárla a ccionn an treas bliaḋan, go táinic Iehosaṗat ríġ Iúdah sios go ríġ Israel.

³ Agus a duḃairt ríġ Israel ré na ṁuinntir, Naċ ḃfuil a ḟios aguiḃsi gur linne Rámot an Gílead, agus sinn ar ttáṁ marso, gan a búain amaċ as láiṁ ríġ na Síria?

⁴ Agus a duḃairt sé re Iehosaṗat, An raċa tusa liomsa a ccaṫ go Rámotġílead? Agus a duḃairt Iehosaṗat re ríġ Israel, Atáimsi mar atá tusa, mo ṁuinntir mar do ṁuinntir, meiċ mar heaċruiḋ.

⁵ ¶ Agus a duḃairt Iehosaṗat re ríġ Israel, Guiḋim ṫú, fíafruiġ, bríaṫar an TIĠEARNA a niuġ.

⁶ Ann sin do ċruinniġ ríġ Israel na fáiġe a gcionn a ċéile, timċioll ċeiṫre ċéud fear, agus a duḃairt riu, An raċa mé a naġaiḋ Rámot‐ġílead do ċur caṫa, nó an léigfiḋ me ḋo? Agus a duḃradarsan, Imṫiġ súas; óir toirḃeora an TIĠEARNA a láiṁ an ríġ í.

⁷ ¶ Agus a duḃairt Iehosaṗat, Naċ ḃfuil fáiġ leis an TTIĠEARNA annso taoḃ amuiġ ḋioḃso, go ḃfíafruiġmis de?

⁸ Agus a duḃairt ríġ Israel re Iehosaṗat, Atá fós éanduine aṁáin, Micaiah ṁac Imlah, tre a ḃféudam fíafriuġaḋ don TIĠEARNA: aċt atá fúaṫ agumsa air; óir ní ṫairġirionn maiṫ ḋaṁ, aċ olc. Agus a duḃairt Iehosaṗat, Ná habraḋ an ríġ sin.

⁹ Ann sin do ġoir ríġ Israel oifigeaċ, agus a duḃairt, Deiṫfriġ annso Micaiah ṁac Imlah.

¹⁰ Agus do ṡuiġ ríġ Israel agus Iehosaṗat ríġ Iúdah gaċ aon na ċaṫaoir ríoġa, ar ccur a róbaḋa umpa, a nionad ḟolaṁ a ndul a steaċ ġeata Ṡamária; agus na faíḋe uile ag fáiḋedóireaċd da laṫair,

¹¹ Agus do rinne Sedeciah mac Ċenaanah aḋarca íaruinn dó feín: agus a duḃairt, Is marso a deir an TIĠEARNA, Leó so ċnagfus tú na Sírianuíġ, nó go sgriosfa tú íad.

¹² Agus do ṫairġireadar na fáiḋe uile marsin, ġa ráḋ, Eiriġ súas go Rámot‐ġilead, agus go néirġe leaċd: óir do ḃéara an TIĠEARNA a láiṁ an ríġ í.

¹³ Agus an teaċdaire do ċuáiḋ do ġairm Ṁicaiah do laḃair sé ris, ga ráḋ, Feúċ a nois, fóillsiġid bríaṫra na ḃfáġ ní maiṫ don ríġ le héinḃéul: guiḋim ṫú, bioḋ ṫfocalsa mar ḟocal duine aca, agus laḃair an ní is maiṫ

¹⁴ Agus a duḃairt Micaiah, Mar ṁairios an TIĠEARNA, giḋ bé déaras an TIĠEARNA riomsa, isé sin laiḃéorad.

¹⁵ ¶ Marsin ṫaínic sé ċum an ríġ. Agus a duḃairt an ríġ ris, A Ṁicaiah, an raċam a naġaiḋ Rámot‐ġílead do ċaṫuġaḋ, nó an léigfeam ḋi? Agus do ḟreagair sesion é, Imṫiġ, agus beir buáiḋ: óir do ḃéara an TIĠEARNA í a láiṁ an ríġ.

¹⁶ Agus a duḃairt an ríġ ris, Ca ṁéid úair ṁinneoċus mé ṫú naċ inneosa tú éinni ḋaṁ aċt an ní ḃías fírinneaċ a nainm an TIĠEARNA?

¹⁷ Agus a duḃairt seision, Do ċonnairc mé Israel uile spreiḋte ar na cnocaiḃ, mar ċáorċuiḃ ag naċ bíaḋ áoḋuire: agus a duḃairt an TIĠEARNA, Ní ḃfuil maiġistir orra so: filledís gaċ aon aca ḋa ṫiġ a síoṫċáin.

¹⁸ Agus a duḃairt ríġ Israel re Iehosaṗat, Naċ ar innis mé ḋuit naċ déanaḋ sé fáistine ar biṫ ṁaiṫ dom ṫáoḃsa, aċd olc?

¹⁹ Agus a duḃairt seision, Eistse ar a naḋḃarsin bríaṫar an TIĠEARNA: do ċonnairc mé an TIĠEARNA na ṡuiḋe iona ċaṫaoir, agus slóiġ ḟlaiṫeaṁnuis uile na seasaṁ na ḟoċair ar a laiṁ ḋeis agus air a láiṁ ċlé:

²⁰ Agus a duḃairt an TIĠEARNA, Cía ḃéaras ar Ahab dul súas lé ttuitfeaḋ sé a Rámot‐gílead? Agus a duḃairt áon marso, agus áon mar súd.

²¹ Agus ṫáinic spiorad amaċ, agus do ṡeas a ḃfíaḋnuise an TIĠEARNA, agus a duḃairt, Do ḃéara misi air é.

²² Agus a duḃairt an TIĠEARNA ris, Cía leis? Agus a duḃairt seision, Raċa mé amaċ, agus biáiḋ mé am spiorad ḃréagaċ a mbéul a ḟáġ uile. Agus a duḃairt seísion, Cuirfiḋ tú impiḋe air, agus fós buáiḋeoċuiḋ tú: éiriġ amaċ, agus déana sin.

²³ Anois uimesin, féuċ, do ċuir an TIĠEARNA spiorad bréagaċ a mbéul na ḃfáġsa agadsa uile, agus do laḃair an TIĠEARNA olc dot ṫaóiḃ.

²⁴ ¶ Aċd ṫáinic Sedeciah mac Ċenaanah a ḃfogus, agus do ḃuáil sé Micaiah ar an leaċin, agus a duḃairt, Cía an tsliġe ar ġaḃ Spiorad an TIĠEARNA uáimse do laḃairt riotsa?

²⁵ Agus a duḃairt Micaiah, Féuċ, do ċífe tú sin annsa ló, a raċa tú a seomra a ḃfad a steaċ dot ḟolaċ féin.

²⁶ Agus a duḃairt ríġ Israel, Glacaiḋ Micaiah, agus beiríġ liḃ é air a ais go Hámon úaċtarán na caiṫreaċ, agus go Ioas mac an ríġ;

²⁷ Agus abruiḋ, Is mar so a deir an ríġ, cuir an fearso a bpriosun, agus beaṫuiġ é lé harán an doilġis agus lé huisge an doláis, nó go ttige misi a síoṫċáin.

²⁸ Agus a duḃairt Micaiah, Má ṫig tú ar éanċor a síoṫċain, níor laḃair an TIĠEARNA ṫríomsa. Agus a duḃairt seision, Eistiġe, a ṗobal, gaċ eile ḋaoíḃ.

²⁹ ¶ Marsin do ċúaiḋ ríġ Israel agus Iehosaṗat ríġ Iúdah súas go Ramot‐ġílead.

³⁰ Agus a duḃairt ríġ Israel re Iehosaṗat, Cuirfiḋ misi mé féin a naṫarraċ croṫa, agus raċad san ċaṫ; aċd cuirsi do róbaḋa ort. Agus dfoluiġ ríġ Israel é féin, agus do ċuáiḋ san ċaṫ.

³¹ ¶ Aċt do aiṫin ríġ na Síria da ḋá ċaiptin déug agus fiṫċe, agá raiḃ ríaġlaḋ ós cionn a ċarbad, ġa ráḋ, Ná troidiġ re neaċ beag nó mor, aċt a ṁáin ré riġ Israel.

³² Agus tárla, an tan do ċoncadar caiptíniġ na ccarbad Iehosaṗat, go nduḃradar, Go deiṁin isé súd riġ Israel. Agus dfilleadar a leaṫtaoḃ do ṫroid ris: agus do ġoir Iehosaṗat na coṁairc.

³³ Agus tárla, a nuáir do aiṫniġeadar caiptíniġ na ccarbad nár ḃé ríġ Israel é, gur ḟilleadar ar a nais óna ṫórniġeaċd.

³⁴ ¶ Agus do ṫarruing duine eígin boġa go teagṁuiseaċ, agus do ḃuáil sé ríġ Israel eidir altuiḃ an scabail: uimesin a duḃairt sé ré na ċóisteóir, Iompóiġ do láṁ, agus beir amaċ as a tslúaġ me; óir atáim loitiḋ.

³⁵ Agus do ṁéuduiġ an caṫ an lá sin: agus do congṁaḋ an ríġ súas iona ċarbad a naġaiḋ na Sírianaċ, agus fúair sé bás tráṫnóna: agus do riṫ a nfuil as an ccneiḋ amaċ go lár an ċarbuid.

³⁶ Agus tugaḋ fúagra ar feaḋ an tsloiġ timċioll ḋul faoi na gréine, ġa ráḋ, Imṫiġeaḋ gaċ uile ḋuine ḋá ċaṫruiġ, agus gaċ uile ḋuine ḋá ṫír feín.

³⁷ Marsin déug an ríġ, agus tugaḋ é go Samária; agus do aḋlaiceadar an ríġ a Samária.

³⁸ Agus do niġ duine an carbad a loċán Ṡamária; agus do liġeadar na madruiġ a ḟuil súas; agus do niġeadar a eídeaḋ; do réir ḃréiṫre an TIĠEARNA noċ do laḃair sé.

³⁹ ¶ Anois an ċuid oile do ġníoṁuiḃ Ahab, agus a nuile ní dá ndearna sé, agus an tiġ do rinne sé do ioṁóg, agus na huile ċaiṫreaċa dar ċuir sé súas, naċ ḃfuilid siád scríoḃṫa a leaḃar croinice ríoġ Israel?

⁴⁰ Mar sin do ċoduil Ahab a ḃfoċair a aiṫreaḋ; agus do ríoġaḋ Ahasiah a ṁac na aít.

⁴¹ ¶ Agus do ṫosuiġ Iehosaṗat mac Asa a rioġaċd ós cionn Iúdah annsa cceaṫraṁaḋ blíaḋan do Ahab ríġ Israel.

⁴² Do ḃí Iehosaṗat cúig ḃlíaḋna air ṫríoċad dáois a núair do ṫosuiġ sé a ríġe; agus do ḃí na ríġ cúig ḃlíaḋna fiṫċiod ann Ierusalem. Agus do bé ainm a ṁaṫar Asuba inġean Ṡilli.

⁴³ Agus do ṡiuḃail sé a sliġṫiḃ Asa a aṫar; níor ḟill sé do leaṫtaoiḃ uaḋ, ag déanaṁ an neiṫe fa ċeart a raḋarc an TIĠEARNA: giḋeaḋ niór cuireaḋ na háite árda ar ccúl; óir do íoḋbraidís an pobal agus do loisgedís fós túis annsna háitiḃ árda.

⁴⁴ Agus do rinne Iehosaṗat síoṫċain ré ríġ Israel.

⁴⁵ ¶ Anois an ċuid oile do ġníoṁúiḃ Iehosaṗat, agus na cuṁaċda do ṫaisbéin se, agus cionnus do rinne sé cogaḋ, naċ ḃfuilid scríoḃṫa a leaḃar croinice ríoġ Iúdah?

⁴⁶ Agus ar ṁair do na Sodomítiḃ, noċ dfan a laéṫiḃ a aṫar Asa, do ċuir sé as a tír íad.

⁴⁷ Ni raiḃ ansin ríġ ar biṫ ann Edom: fear ionaid ríġ do ḃí na ríġ.

⁴⁸ Do rinne Iehosaṗat luingios do Ṫarsis do ḋul go Hóṗir ar ċeann óir: aċd níor imṫiġeadar; óir do ḃriseaḋ na lunga ag Hésion‐géber.

⁴⁹ Annsin a duḃairt Ahasiah mac Ahab re Iehosaṗat, Léig do mo ṡeirḃíseaċaiḃse dul le do ṁuinntir annsna longaiḃ. Aċd níor ḃáill lé Iehosaṗat sin.

⁵⁰ ¶ Agus do ċoduil Iehosaṗat agá aiṫriḃ, agus do haḋlaiceaḋ a ḃfoċar a aiṫreaḋ é a ccaṫraiġ Ḋáiḃí a aṫar: agus do ríoġaiḋ Iehoram a ṁac ná áit.

⁵¹ ¶ Do ṫosuiġ Ahasia mac Ahab riaġlaḋ ós cionn Israel a Samária an seaċdṁaḋ blíaḋan deúg do Iehosaṗat ríġ Iúdah, agus do ḃí na ríġ ḋa ḃlíaḋuin air Israel.

⁵² Agus do rinne sé olc a raḋarc an TIĠEARNA, agus do ṡiuḃuil a sliġe a aṫar, agus a sliġe a ṁaṫár, agus a sliġe Ieroboam ṁic Nébat, noċ ṫug ar Israel peacuġaḋ.

⁵³ Oír do rinne sé serḃís do Ḃáal, agus do onóruiġ sé é, agus do ḃrostaiġ sé an TIĠEARNA Día Israel ċum feirge, do reír a nuile ní dá ndeárnuiġ a aṫair.