I Rioġ 10 - An Bíobla Naoṁṫa 1817 (Bedell)

Caibidil X. Táinic bainrioġan Ṡeba, do ċúr ceastanna ar Ṡolaiṁ.

¹ Agus a núair do ċúalaiḋ bainríoġan Ṡéba clú Ṡoluiṁ fá anma an TIĠEARNA, ṫáinic sí dá ḋearḃaḋ le ceastuiḃ cruaiḋe.

² Agus ṫáinic sí go Hierusalem ré cuideaċduin roṁóir, maille re cáṁalluiḃ diomċuir spíosraiḋ, agus iomarcaiġ óir, agus cloċa uáisle: agus a nuáir ṫáinic sí mar a raiḃ Soláṁ, do ċoṁráiḋ si ris fá gaċ éinni dá raiḃ ann a croiḋe.

³ Agus dinnis Solaṁ ḋi a ceastanna uile: ní raiḃ éainni díam hair air an ríġ, naċ ar innis sé ḋi.

⁴ ¶ Agus a nuáir do ċonnairc bainríoġan Ṡéba críonnaċd Ṡoluiṁ uile, agus an tiġ do ṫóg sé,

⁵ Agus biáḋ a ḃuird, agus suiḋe a ṡerḃíseaċ, agus miniostralaċd a luċd friṫeoilte, agus a néuduiġe, agus fós a ġiolluiġe cupáin, agus a ḋul súas mar a ttíaġ súas go tiġ an TIĠEARNA; ní raiḃ nios mó do spioruid inte.

⁶ Agus a duḃairt sí ris an ríġ, As fíor a naiṫris do ċuala misi am ḋuiṫċe féin ar do ġníoṁuiḃsi agus ar do ċríonnaċd.

⁷ Giḋeaḋ níor ċreid mé na bríaṫra, nó go ttáinic mé, agus go ḃfacuiḋ mo ṡúile íad: agus, féuċ, níor hinnseaḋ a leaṫ ḋaṁ: do ṡáruiġ do ċríonnaċd agus do ṡonus an túarusgḃáil do ċúala mé.

⁸ Is sona atáid do ḋaóine, sona atáid so do ṡerḃísiġ, noċ ṡeasas a ccoṁnuiġe ad laṫair, agus ċluinneas do ċríonnaċd.

⁹ Go maḋ beannuiġ do ṪIĠEARNA Día, fuáir dúil ionnad, dot ṡuiġiuġaḋ a ccaṫaóir ríoġa Israel: do ḃríġ gur ġráḋuiġ an TIĠEARNA Israel go bráṫ, as uime sin do rinne sé ríġ ḋiotsa, do ḋéanaṁ breiṫeaṁnuis agus ceirt.

¹⁰ ¶ Agus ṫug sí don ríġ céud agus fiṫċe tallann óir, agus roṁórán spíosraḋ, agus cloċ úasal: ní ṫainic a ríaṁ na ḋiáiġ nios mó do ṡaiḋḃrios spíosraḋ ná íad so ṫug bainríoġan Ṡéba don ríġ Solaṁ.

¹¹ Agus coḃlaċ Híram mar an gcéadna, noċ ṫug ór ó Oṗir, ṫugadar leó ó Oṗir ro ṁórán crann Almug, agus cloċ úasal.

¹² Agus do rinne an ríġ do na crannuiḃ Almug piléir do ṫiġ an TIĠEARNA, agus do ṫiġ an ríġ, cláirseaċa mar an gcéadna agus aḋḃa ċíuil don luċd ceóil: ní ṫainic a leiṫéid sin do ċrannuiḃ Almug, ní mó do ċonncus íad gus a niuġ.

¹³ Agus ṫug an ríġ Solaṁ do ḃaínríoġain Ṡéba a míana uile, giḋ bé ar biṫ ní díarr sí, táoḃ amuiġ ḋá ttug an ríġ Solaṁ ḋi dá ṫioḋlaiciḃ ríoġaṁla féin. Marsin dfill sí, agus do ċuáiḋ dá tír féin, í féin agus a muinntir.

¹⁴ ¶ Anois do bé cóṁṫrom a nóir ṫáinic ċum Soluiṁ a néainḃlíaḋuin sé ċéud trí fiṫċid agus sé tallanna óir.

¹⁵ Taoḃ amuiġ dá ḃfuáir sé ó na ceannuiġiḃ, agus ó ṫurusaiḃ ceannuiġeaḋ na spíosraḋ, agus ó ríġṫiḃ na Harábia uile, agus ó úaċdaránuiḃ na tíre.

¹⁶ ¶ Agus do rinne an ríġ Solaṁ ḋá ċéud sgíaṫ dór ḃúailte: sé ċéud secel óir do ċuáiḋ ċum gaċ éain scéiṫe.

¹⁷ Agus do rinne sé trí ċéud láiṁsciaṫ dór ḃuailte; do ċuáiḋ trí ṗunta óir ċum gaċ éainscéiṫe: agus do ċuir an ríġ íad a ttiġ na foraóise a Lebanon.

¹⁸ ¶ Mar an gcéadna do rinne an ríġ caṫaóir ṁór ríoġa do ebur, agus dfoluiġ í uile re hór fíorġlan.

¹⁹ Do ḃádar sé ċoiscéim ag an gcaṫaóir, agus mullaċ na caṫaóire cruinn taoḃ ṡíar: agus do ḃádar fulaing ar gaċ taóiḃ do nionad suiḋe, agus ḋá leoṁan na seasaṁ re taóiḃ na ḃfulang.

²⁰ Agus do ṡeas ḋá leoṁan déug annsin ar a ttaóiḃse agus ar an ttáoiḃ oile ar na sé ċoiscéim: ní déarnaḋ a leiṫéid a néainrioġaċd.

²¹ ¶ Agus do ḃádar soiṫiġe óil ṫiġe Ṡoluiṁ uile dór, agus soiṫiġe tiġe ḟoraóise Lebanon do ḃádar uile dór ḟiorġlan; níor ḃairgead éantsoiṫeaċ ḋíoḃ: ní raiḃ meas air a láeṫiḃ Ṡoluíṁ.

²² Oír do ḃí ag an ríġ ar fairge coḃlaċ Ṫarsis maille re coḃlaċ Híram: éanuáir annsna trí blíaḋnaiḃ do ṫigeaḋ coḃlaċ Ṫarsis, ag taḃairt óir, agus airgid, agus ḟíacal Eleṗant, agus Appaḋ, agus ṗéacóg.

²³ Marsin do ṡáruiġ an ríġ Solaṁ riġṫe an doṁuin uile á saiḋḃrios agus a neagna.

²⁴ ¶ Agus do ḃí an sáoġal uile ag íarruiḋ teaċd go Soluṁ, déisteaċd ré na eagna, noċ do ċuir Día iona ċroiḋe.

²⁵ Agus ṫugadar léo gaċ áon aca a ḃronntanus, soiṫiġe airgid, agus soiṫiġe óir, agus culaiḋeaċa, agus arm, agus spíosraḋ, eiċ, agus múilliġ, suim áiriġ gaċa blíaḋna.

²⁶ ¶ Agus do ċruinniġ Solaṁ a gceann a ċeile carbuid agus marcslúaġ: agus do ḃí aige míle agus ceiṫre ċéud carbad, agus ḋá ṁile ḋéug marcaċ, noċ do ċuir sé annsna caiṫreaċaiḃ ċum na ccarbad, agus ag an ríġ ann Ierusalem.

²⁷ ¶ Ṫug an ríġ airgiod do ḃeiṫ ann Ierusalem aṁuil cloċa: agus ṫug cedar do ḃeiṫ ann aṁuil crann sicamor noċ atá ánnsa ġleann, air líonṁaireaċd.

²⁸ ¶ Agus do ṫigeaḋ ċum Soluiṁ eiċ as an Négipt, agus snáṫ lín: do ġlacaidís ceannuiġṫe an riġ an snáṫ lín ar ṡuim áiriġ.

²⁹ Agus do ċuáiḋ carbad súas agus ṫáinic as an Négipt ar ċeann sé ċéad secel airgid, agus eiċ ar ceann ċéud agus cáogad: agus mairsin do ríoġuiḃ na Hititeaċ uile, agus do ríoġuiḃ na Síria, agus do ḃeireaḋ síadsan amaċ íad le na láiṁ.