I Croinicoiḃ 23 - An Bíobla Naoṁṫa 1817 (Bedell)

Caibidil XXIII. Solaṁ orduiġte na ríġ. 2 Uiḃir agus oifig na Nleḃiteaċ.

¹ Ann sin a núair do ḃi Dáiḃi áosta agus lán do láeṫiḃ, do rinne sé ríġ dá ṁac Solaṁ ós cionn Israel.

² ¶ Agus do ċruinniġ sé prionnsaḋa Israel uile a ccionn a ċéile, maille ris na sagartaiḃ agus ris na Leḃítiḃ.

³ Anois do háirṁeaḋ na Leḃítiġ ó aóis ṫríoċad blíaḋan agus ós a ċionn: agus ba í a nuiḃir do réir a cceann, duine ar ḋuine, tríoċad agus oċd mile.

⁴ Do ḃí, díoḃ sin ceiṫre ṁile fiṫċiod re haġaiḋ oibre ṫiġe an TIĠEARNA da cur ar a haġaiḋ; agus sé ṁíle na noifigeaċaiḃ agus na mbreiṫeaṁnuiḃ:

⁵ Os a ċionn sin do ḃádar ceiṫre ṁíle na ndoirseóiriḃ; agus ceiṫre ṁíle re molaḋ an TIĠEARNA ris na haḋḃaġaiḃ ciúil do rinne misi, ar sa Dáiḃi do ṁolaḋ Dé.

⁶ Agus do roinn Dáiḃi íad na sealuiḃ idir ṁacaiḃ Léḃi, dar ḃainm, Gerson, Cohat, agus Merári.

⁷ ¶ Do na Gersoniteaċaiḃ, Laadan, agus Símei.

⁸ Mic Laadan; Iehiel a cceann, agus Setam, agus Ioel, tríur.

⁹ Mic Ṡímei; Selomit, agus Hasiel, agus Haran, tríur. Dob íadso cinn aiṫreaċ Laadan.

¹⁰ Agus mic Ṡimei; Iahat, Sina, agus Ieus, agus Beriah. Dob íad an ceaṫrarso míc Ṡimei.

¹¹ Agus dob é Iahat an ceann, agus Sisa an dara: aċ ní raiḃ mórán mac ag Ieus nó ag Beriah; uime sin do ḃádar a néanáireaṁ aṁáin, do réir ṫiġe a naiṫreaḋ.

¹² ¶ Mic Ċohat; Amram, Issar, Hebron, agus Ussiel, ceaṫrar.

¹³ Mic Amram; Aáron agus Maóise: agus do dealuiġeaḋ Aáron, do ḃeannuġaḋ na neiṫionn ro náoṁṫa, é fein agus a ṁic go bráṫ, do losgaḋ túise as coinne an TIĠEARNA, do ḟriṫeolaṁ ḋó, agus do ḃeannuġaḋ iona ainm go bráṫ.

¹⁴ Anois Maóise óglaċ Dé, do hainmniġeaḋ a ṁic a ttaoiḃ Léḃi.

¹⁵ Dób iadso mic Ṁaóise, Gersom, agus Elieser.

¹⁶ Do ṁacaiḃ Gersom, do bé Sebuel an ceann.

¹⁷ Agus dob íad mic Elieser Rehabiah an ceann. Agus ní raiḃ aon ṁac oile ag Elieser; aċd do buḋ ro iomḋa mic Rehabiah.

¹⁸ Do ṁacaiḃ Issar; Selomit an ceann.

¹⁹ Do ṁacaiḃ Hebron; Ieriah an céad, Amariah an dara, Iehasiel an treas, agus Iecameam an ceaṫraṁaḋ.

²⁰ Do ṁacaiḃ Ussiel; Miċah an céad, Iessiah an dara.

²¹ ¶ Mic Ṁerári; Mahli, agus Mussi. Mic Ṁahli; Eleasar, agus Cis.

²² Agus déug Eleásar, agus ní raiḃ aon ṁac aige, aċd inġeana: agus ṫugadar a ndearḃráiṫre mic Ċis íad.

²³ Mic Ṁussi; Mahli, agus Eder, agus Ierimot, triur.

²⁴ ¶ Dob íadso mic Léḃi do réir ṫiġe a naiṫreaḋ; uaċdaráin na naiṫreaḋ, mar do háirṁeaḋ íad le úiḃir a nanmann do reir a cceann, do rinne obair ṡeirḃíse ṫiġe an TIĠEARNA ó aóis ḟiṫċid blíaḋan agus ós a ċionn.

²⁵ Oír a duḃairt Dáiḃi, Ṫug an TIĠEARNA Día Israel suáiṁneas dá ṗobal, go maḋ héider léo coṁnuiġe ann Ierusalem go bráṫ;

²⁶ Agus fós do na Leḃítiḃ: ní iomċoruid síad feasda an tabernacuil, ná soiṫiġe ar biṫ dá mbeanann ris ċum a ṡeirḃíse.

²⁷ Oír le bríaṫraiḃ deiġionaċa Ḋáiḃi do háirṁeaḋ na Leḃítiġ ó ḟiṫċid blíaḋuin daóis agus ós a ċionn:

²⁸ Do ḃríġ gur ḃí a noifig feiṫioṁ ar ċloinn Aáron ar son ṡeirḃíse ṫiġe an TIĠEARNA, annsna cúirtiḃ, agus annsna seómraḋuiḃ, agus a niomġlanaḋ a nuile neiṫe náomṫa, agus oibre ṡerḃíse ṫiġe Dé;

²⁹ Eaḋon a naráin taisbéanta, agus an ṗlúir ḟínealta do nofráil ḃíḋ, agus ḃairġiona gan loiḃín, agus an neiṫe do níṫí ann sa noiġean, agus an neiṫe friṫeailte, agus a nuile ṡórt miosúr agus méud;

³⁰ Agus do ṡeasaṁ gaċ éanṁaidin do ṫaḃairt buiḋeaċuis agus molaḋ don TIĠEARNA, agus mar an ccéadna gaċ tráṫnóna;

³¹ Agus do íoḋbuirt gaċ éanofrála loisge don TIĠEARNA annsna láeṫiḃ saóire, annsna raéiḃ núaḋa, agus annsna féustuiġiḃ cinnte, a nuiḃir, do reir mar do hórduiġeaḋ ḋóiḃ, a ccoṁnuiġ a laṫair an TIĠEARNA:

³² Agus go coiṁéadaidís cúram ṫabernacuil an ċoṁċruinniġ, agus cúram na háite náoṁṫa, agus cúram ċloinne Aáron a ndearḃráiṫre, a serḃís ṫiġe an TIĠEARNA.