I Croinicoiḃ 22 - An Bíobla Naoṁṫa 1817 (Bedell)

Caibidil XXII. Do ċuir Daiḃi úalaċ ar Ṡolaṁ. 17 Agus ar ṗrionnsaḋaiḃ Israel, ataoḃ an teampaill.

¹ Annsin a duḃairt Dáiḃi, Sé so tiġ an TIĠEARNA Dé, agus sí so altóir ofráh loisge Israel.

² Agus do aiṫin Dáiḃi na coiṁiṫiġ do ċruinniuġaḋ a ḃfoċair a ċéile noċ do ḃi a ttir Israél; agus do ċuir sé saóir doibriuġaḋ ċloċ snoiġte do ḋéanaṁ tiġe Dé.

³ Agus do ṡolaṫair Dáiḃi iomarcuiḋ íaruirn ċum táirngeaḋ ḋoirseaċ na ngéataḋ, agus ċum na ndlúṫaḋ; agus iomad práis gan ċoṁṫromuġaḋ;

⁴ Mar an ccéadna iomarcuiḋ crann cédair óir ṫugadar na Sidoníanuiġ agus muinntr Tíor iomarcuiḋ crann cédar ċum Ḋáiḃi.

⁵ Agus a duḃairt Dáiḃi, Atá mó ṁac Solaṁ óg máoṫ, agus an tiġ ċaiṫfiġṫear do ḋéanaṁ don TIĠEARNA s éigin a ḃeiṫ roṁórḋálaċ, do ċlú agus do ġloir ar feaḋ a nuile ċríoċ: ar a naḋḃarsin do ḋeána misi anois ullṁuġaḋ na ċoinne. Marsin do ġléus go ro acfuinneaċ roiṁe a ḃás.

⁶ ¶ Annsin do ġoir sé air a ṁac Solaṁ, agus do ċuir dúalaċ air tiġ do ḋéanaṁ don TIĠEARNA Dia Israel.

⁷ Agus a duḃairt Dáiḃi ré Solaṁ, A ṁic, ar son mo ċoda féin, do ḃi ann mintinn tiġ do ḋéanaṁ dainm mo ṪIĠEARNA Dé:

⁸ Aċt ṫainic bríaṫar an TIĠEARNA ċugam, ġa ráḋ, Do ḋóirt tú iomad fola, agus do rinne tú cogṫa móra: ní ḋeana tú tiġ dom ainmsi, do ḃríġ gur ḋoirt tú iomad fola air an ttalaṁ ann mo raḋarc.

⁹ Feuċ, béarṫar mac ḋuit, noċ ḃías na ḋuine ṡuáiṁneaċ; agus do ḃéara misi suáiṁneas dó ó na naiṁdiḃ uile ann gaċ aon taoḃ ḋe: óir isé ḃus ainm ḋó Solaṁ, agus do ḃéara mé síoṫċáin agus súaiṁneas Dísrael re na linn.

¹⁰ Do ḋéana sé tiġ dom ainmsi; agus biáiḋ sé na ṁac agamsa, agus misi am aṫair aigesien, agus damgneaċuiḋ mé caṫaóir a rioġaċda ós cionn Israel go bráṫ.

¹¹ Anoís, a ṁic, go raiḃ an TIĠEARNA maille leat; agus téiġ air haġaiḋ, agus cuir tiġ do ṪIĠEARNA Dé súas, mar do laḃair sé dot ṫaóiḃ.

¹² Aṁáin go ttuga an TIĠEARNA eagna agus tuigsi ḋuit, agus go ttuga duit eúram a ttaoiḃ Israel, lé ccoiṁéadfa tú dlíġeaḋ do ṪIĠEARNA Dé.

¹³ Ann sin éireoċuiḋ sonus duit, má ṫúgann tú aire do ċoiṁlíonaḋ na reaċda agus na mbreiṫeaṁnus noċ do ċuir an TIĠEARNA dualaċ ar Ṁaoise a ttaoḃ Israel: bí láidir, agus bíoḋ meisneaċ ṁaiṫ agad; na himeagluiḋ, agus na húaṁnuiġṫear ṫú.

¹⁴ Anois, féuċ, ann mo ṫrioblóid do ġléus misi a coinne ṫiġe an TIĠEARNA céud míle tallann óir, agus míle míle tallann airgid; agus do ṗrás agus díarann gan áireaṁ; (óir atá sé ro líonṁar): do ġléus mé mar an ccéadna aḋmad agus cloċa; agus féuduiġ tusa cur na cceann.

¹⁵ Tuilleaṁ oile atáid luċd oibre agad go hiomadaṁuil, snoiġeadóiriġ agus saóir ċloċ agus ċrainn, agus íad uile glic ċum gaċ éantsórt oibre.

¹⁶ An tór, agus an tairgiod, agus an prás, agus an tiarán, ni heidir a náireaṁ. Eiriġ súas, agus déana roṁad, agus go raiḃ an TIĠEARNA maille leat.

¹⁷ ¶ Do aiṫin Dáiḃi mar an ccéadna do ṗrionnsaḋuiḃ Israel uile cuidiuġaḋ lé na ṁac Solaṁ, ġa ráḋ,

¹⁸ Naċ ḃfuil ḃur TTIĠEARNA Día maille riḃ? agus naċ ttug sé suáiṁneas daóiḃ ar gaċ táoḃ? oír ṫug sé dúṫċusaiġ na tíre am láiṁse; agus do gaḃaḋ an dúiṫċe a laṫair an TIĠEARNA, agus a laṫair an ṗobail.

¹⁹ Anois socruiġiḋ ḃur ccroiḋṫe agus ḃur nanam díarruiḋ ḃur TTIĠEARNA Dé; éirgiḋ ar a naḋḃarsin, agus ullṁuiġiḋ sanctoir an TIĠEARNA Dé, do ṫaḃairt aírce ċunnarṫa an TIĠEARNA, agus ṡoiṫeaċ náoṁṫa Dé, don tiġ do ḋéantar dainm an TIĠEARNA.