I Croinicoiḃ 16 - An Bíobla Naoṁṫa 1817 (Bedell)

Caibidil XVI. An airc ar na cur ina lóistin fein, 7 do ċanadar an 105 agus 69 psalm.

¹ Marsin ṫugadar leó aírc Dé, agus do ṡuiġeadar í a lar an lóistín do ċuir Dáiḃi na ṡeasaṁ ḋi: agus dofráladar ofráil loisge agus ofráil ṡióṫċána a ḃfiaḋnuisi Dé.

² Agus a núair do ċríoċnuiġ Dáiḃi íoḋbuirt na hofrála loisge agus na hofrála síoṫċana, do ḃeannuiġ se an pobal a nainm an TIĠEARNA.

³ Agus do roinn sé air gaċ éanduine Disrael, idir ḟear agus ṁnáoi, do gaċ áon aca bairġin araín, agus spoḋla maiṫ feóla, agus flaigín fíona.

⁴ ¶ Agus dórduiġ sé Leḃítiġ áiriġ do ṁiniostralaċd a laṫair airce an TIĠEARNA, agus do ċuiṁninġaḋ, agus do ṁolaḋ agus do ṫaḃairt buiḋeaċuis ris an TTIĠEARNA Día Israel:

⁵ Asaṗ an túaċdarán, agus na ḋiaiġ sin Saċariah, Ieiel, agus Semiramot, agus Iehiel, agus Mattitiah, agus Eliab, agus Benaiah, agus Obed‐edom: agus Ieiel maille le saltraċaiḃ agus le clairseaċaiḃ; aċd do níoḋ Asaṗ fuáim lé cimbaluiḃ;

⁶ Benaiah mar an ccéadna agus Iahasiel na sagairt maille re stocaiḃ a ccoṁnuiḋe as coinne airce ċunnarṫa an TIĠEARNA.

⁷ ¶ Annsin san ló sin feín do ṫug Dáiḃi an ċeáduair an salmsa do ṫaḃairt buiḋeaċuis ris an TTIĠEARNA, a láiṁ Asaṗ agus a ḋearḃráiṫreaċ.

⁸ Tugaiḋ buiḋeaċus don TIĠEARNA, goiriḋ ar a ainm, foillsiġiḋ a ġníoṁarṫa a measg an ṗobuil.

⁹ Cánuiḋ ḋó, cánuiḋ sailm ḋó, agus laḃruiḋ air a oibriġiḃ iongantaċa uile.

¹⁰ Déunuiḋ glóir iona ainm naóṁṫa: bíoḋ gáirdeaċus ar ċroiḋṫiḃ na ndáoine íarrus an TIĠEARNA.

¹¹ Iarruiḋ an TIĠEARNA agus a neart, iarruiḋ a ġnúis a ccoṁnuiḋe.

¹² Cuiṁniġiḋ a oibreaċa iongantaċa do rinne sé, a ionganta, agus breiṫeaṁnuis a ḃeil;

¹³ O a ṡlioċd Israel a ṡerḃísiġsion, a ċlann Iácob, a ḋaoiue toġṫa.

¹⁴ A sé so ar TTIĠEARNA Día; atáid a ḃreiṫeaṁnuis air feaḋ an doṁuin uile.

¹⁵ Biṫi cuiṁneaċ a ccoṁnuiḋe air a ċunnraḋ; an focal do aiṫin sé do ṁile ginealaċ;

¹⁶ Eaḋon air an ccunnraḋ do rinne sé re Hábraham, agus air a ṁionnuiḃ do Isaac;

¹⁷ Agus do ḋaingniġ se sin do Iacob mar ḋliġeaḋ, agus do Israel mar ċunnraḋ síorruiḋe,

¹⁸ Ḋá ráḋ, Is duitsi do ḃéara mé tír Ċanain, cuid ronna hoiġreaċda;

¹⁹ A núair naċ raḃadar aċd beagán, ro ḃeágán, agus na ccoiṁiġṫeaċaiḃ innte.

²⁰ Agus a núair do imṫiġeadar ó ṫír go tír, agus ó rioġaċd go daoiniḃ oile;

²¹ Níor ḟulaing sé déanduine éaccóir do ḋéanaṁ orra: ṫug sé fós, iomaiṫḃear do ríoġaiḃ ar a son,

²² Ġa ráḋ, Ná beanuiḋ rem ungṫaċaiḃ, agus ná déanuiḋ doċar ar biṫ dom ḟáiġiḃ.

²³ Canaḋ an doṁan uile, ċum an TIĠEARNA; foillsiġ amaċ ó ló go ló a ṡlánuġaḋ.

²⁴ Foillsiġ a ġlóir a measg na ngeinteaḋ; a oibreaċa iongantaċa a measg na nuile ċineaḋaċ.

²⁵ Oir is mór án TIĠEARNA, agus is mór é ré a ṁolaḋ: is roiṁe fós is coír eagla ḃeiṫ ós cionn a nuile ḋée.

²⁶ Oir is ioḋuil uile deé an ṗobail: aċd is é an TIĠEARNA do rinne na fiaiṫis.

²⁷ Atá glóir agus onóir dá laṫair; atá neart agus sólás iona ionad.

²⁸ Tugaiḋ don TIĠEARNA, a ċoṁġáolta an ṗobail, tugaiḋ don TIĠEARNA glóir agus neart.

²⁹ Tugaiḋ don TIĠEARNA an ġlóir is ceart dá ainm: tugaiḋ ofráil liḃ, agus tigiḋ iona ḟiaġnuise: aḋruiġ an TIĠEARNA a sgéiṁ náoṁṫaċda.

³⁰ Bíoḋ eagla, áir an ndoṁan uile dá laṫair: biáiḋ an talaṁ fós seasṁaċ, ionnus naċ ccorruiġṫear é.

³¹ Bíoḋ gáirdeaċus air na neaṁuiḃ, agus déanaḋ an talaṁ lúaṫġaír: agus abraḋ dáoine eidir na cineaḋaċaiḃ, Atá an TIĠEARNA a ríġe.

³² Búaireaḋ a nfairge, agus a hiomlaíne: lúaṫġáiridís na maċaireaḋa, agus a nuile ní dá ḃfuil ionta.

³³ Annsin canfuid croinn na coilleaḋ go hárd a ḃfíaḋnuise an TIĠEARNA, do ḃríġ go ttiucfa sé do ḋéanaṁ breiṫeaṁnus ar an ndoṁan.

³⁴ O tugaiḋ buiḋeaċus don TIĠEARNA; óir is maiṫ é; óir mairiḋ a ṫrócaire go síorruiḋe.

³⁵ Agus abruiḋ siḃsi, Sáor sinn, a Ḋé ar slánuiġṫe, agus cruinniġ a ḃfoċair a ċéile sinn, agus sáor sinn ar na geintiḃ, ionnus go ttiuḃram buiḋeaċus dot ainm naoṁṫa, agus go ndéanam glóir ann do ṁolaḋ.

³⁶ Go maḋ beannaiġ an TIĠEARNA Día Israel a sáoġal na sáoġal. Agus a duḃairt an pobal uile, Amen, agus do ṁoladar an TIĠEARNA.

³⁷ ¶ Annsin a laṫair airce ċunnarṫa an TIĠEARNA dfág sé Asaṗ agus a ḋearḃraiṫre, do ṁiniostralaċd as coinne na háirce a ccoṁnuiḋe, mar díarraḋ obair gaċ aon laé:

³⁸ Agus Obed‐edom agus a ndearḃráiṫre, oċdar agus trí fiṫċid; agus mar an gcéadna Obed‐edom ṁac Iedutun agus Hósah do ḃeiṫ na ndoirseóiriḃ:

³⁹ Agus Sádoc án sagart, agus a ḋearḃráiṫre na sagairt, ar aġaiḋ ṫabernacuil an TIĠEARNA annsa náit áird do ḃí an Gibeon.

⁴⁰ Do íoḋbairt ofrála loisge don TIĠEARNA air altóir na hofrála loisge a ccoṁnuiḋ maidin agus tráṫnóna, agus do ḋéanaṁ gaċ neiṫe dá ḃfuil scríoḃṫa a ndliġeaḋ an TIĠEARNA, noċ do aiṫin sé Disrael;

⁴¹ Agus Heman agus Iedutun maille leó, agus an ċuid oile do toġaḋ, noċ do foillsiuġaḋ le na nanmannuiḃ, do ṫaḃairt buiḋeaċuis don TIĠEARNA, do ḃríġ go mairionn a ṫrócaire go bráṫ;

⁴² Agus ag Héman agus Iedutun do ḃádar stuic agus cimbail don luċd do ḋéanaḋ fúaim, agus aḋḃaḋa ciuil Dé. Agus dob íad mic Iedutun na doirseóiriġ.

⁴³ Agus do imṫiġ an pobal uile gaċ áon dá ṫiġ féin: agus dfill Dáiḃi do ḃeannuġaḋ a ṫiġe féin.