Isaiah 60 - An Bíobla Naoṁṫa 1817 (Bedell)

Caibidil LX. Ata Críosd ná ṡolas da ḋaoiniḃ uile, 15 ag taḃairt ṁóir‐ḃeannaċda ḋóiḃ tar éis fulang.

¹ Eiriġ, déalruiġ; óir ṫáinic do ṡolus, agus déiriġ glóir an TIĠEARNA ort.

² Oír, féuċ, foileoċuiḋ an dorċadus an talaṁ, agus dorċadas tiuġ an pobal: aċt éireoċuiḋ an TIĠEARNA ortsa, agus do ċífiġear a ġlóir ort.

³ Agus tiucfuiḋ na geintiḋe ċum do ṡoluis, agus ríġṫe ċum soillsi héirġe.

⁴ Tóig súas do ṡúile timċioll fa ccuáirt, agus faic: cruinniġid síad íad féin a ccionn a ċéile, tigid síad ċugadsa: tiucfaid do ṁic ó himċéin, agus oilfiġear hinġeana red ṫáoḃ.

⁵ Annsin do ċífe tú, agus líonfuiḋear ṫú, agus eagloċuid do ċroiḋe, agus fairseongṫar é; do ḃríġ go ḃfilifiġear ċugadsa iomadaṁlaċd na fairge, go ttiucfaiḋ neart na ngeinteaḋ ċugad.

⁶ Foileoċuiḋ iomadaṁlaċd na ccáṁall ṫú, dromedari Ṁídian agus Eṗah; ttiucfuid síad uile ó Ṡéba: do ḃéaruid ór léo agus túis; agus foillseoċuid amaċ molta an TIĠEARNA.

⁷ Cruinneoċṫar tréuda Cedar uile mar áon ċugadsa, foiġeonuid reiṫeaḋ Nebaiot ḋuit: tiucfuid súas maille ré mo ḋeaġṫoilsi ar maltóir, agus glóirfiodsa tiġ mo ġlóire.

⁸ Cía híad so eitiollus mar néull, agus mar ċoluma ċum a ḃfuinneóg?

⁹ Go deiṁin feiṫṁid na hoiléain riomsa, agus loingios Ṫarsis ar ttús, agus do ḃéuruid do ṁicsi ó himċéin, a nór agus a nairgiod léo, go hainm an TIĠEARNA do Ḋía, agus go Háon Naoṁṫa Israel, do ḃríġ gur ġlóruiġ sé ṫusa.

¹⁰ Agus cuirfid mic na ccoiṁiḋṫeaċ do ḃallaḋa súas, agus foiġeonuid a riġṫe ḋuitsi: óir do ḃuáil misi ann mfeirg ṫú, aċt an mo ḋéaġṫoil do rinne mé trócaire ort.

¹¹ Uimesin béid do ġeataḋa foscuilte do ġnáṫ; ní druidfiḋear íad a ló nó a noiḋċe, ċum go ttuga daóine ċugad neart na ngeinteaḋ, agus go ttugṫar a ríġṫe.

¹² Oír an cineaḋ nó an rioġaċt naċ ḃfoiġeonuiḋ ḋuit sgriosfuiġear é; fáiseaċṫar fós; na cineadaċa sin uile.

¹³ Tiucfa glóir Lebanon ċugad, an crann giuṁais, an crann pine, agus an bocsa a néinḟeaċd, do sgíaṁuġaḋ aite mo ṡanctóra; agus do ḋéana mé áit mo ċos glórṁar.

¹⁴ Tiucfuiḋ fós mic na ndaoine do ġortuiġ ṫú do ċláonaḋ ḋuit; agus a nuile ḋuine do ṫarcuisniġ ṫú cromfuiḋ síad síos ag bonnuiḃ do ċos; agus goirfid Caṫair an TIĠEARNA ḋíot, Sion Aóin Náoṁṫa Israel.

¹⁵ ¶ A náit ar tréigeaḋ agus ar fúaṫuiġeaḋ ṫú, iondus nár ġaḃ áonduine ṫríod, do ḋéana mé oirḋearcus síoṫḃúan díot, gáirdeoċus morán ginealaċ.

¹⁶ Díulfuiḋ tú fós bainne na ngeinteaḋ, agus díulfa tú cíċe na ríoġ: agus biáiḋ a ḟios agad gur misi an TIĠEARNA do Ṡlánaiġṫeóir agus Ṫfúascaltóir, áon cuṁaċdaċ Iácob.

¹⁷ Ar son práis do ḃéara mé ór liom, agus ar son íaruinn do ḃéara mé airgiod, agus ar son connaiḋ prás, agus ar son cloċíarrann: do ḋéanad fós síoṫċain dot leaṫtrom, agus dot ḋaoirċíos fíréuntaċd.

¹⁸ Ní cluinfiġear foiréigion ann do ṫír ní sa ṁó, fásuġaḋ nó aiḋṁilleaḋ táoḃ a stiġ dot ṫéorannuiḃ; aċt goirfiḋ tú dot ḃallaḋuiḃ Slánuġaḋ, agus dot ġeataḋuiḃ Molaḋ.

¹⁹ Ní buḋ hé an ġrían feasda do ṡolus annsa ló; agus ní hi an ġealaċ ḃéuras solus mar loinnir ḋuit: aċt isé an TIĠEARNA ḃus solus síorruiḋe ḋuit, agus do Ḋía do ġlóir.

²⁰ Ní raċuiḋ do ġrían faói ní as mó; agus ní ṡeaċona do ġealaċ í féin: óir isé an TIĠEARNA ḃus solus síoṫḃúan duit, agus críoċnoċṫar láeṫe do ġuḃa.

²¹ Béid fós huile ḋaóine fíréunta: geaḃuid oiġreaċd na dúiṫċe go bráṫ, géug mo ṗlannduiġṫesi, ohair mo láṁ, ċor go nglóruiġṫear mé.

²² Biáiḋ an beag na ṁíle, agus an fann na ċineaḋ ṁór: misi an TIĠEARNA deiṫfreóċad sin ion am.