Isaiah 6 - An Bíobla Naoṁṫa 1817 (Bedell)

Caibidil VI. Prioṁ‐adṁail na seraṗiniġ ar náoṁṫaċd na Trionnoide.

¹ Annsa ḃlíaḋain a ḃfuáir ríġ Ussiah bás do ċonairc mé an TIĠEARNA na ṡuiġe a ccaṫaóir ríoġa, go hárd agus ar na ṫógḃáil súas, agus do líonadar a luċd leanaṁna an teampall.

² Os a ċionn ṡúas do ṡeasadar na seraṗiniġ: do ḃí sé scíaṫáin ar gaċ aon díoḃ; le cúpla dfoluiġ sé a aġaiḋ, agus lé cúpla dfoluiġ sé a ċosa, agus lé cúpla do eitil sé.

³ Agus do ġoir aon ar oile, agus a duḃradar, Is náoṁṫa, náoṁṫa, náoṁṫa, TIĠEARNA na slóġ: atá an talaṁ uile líonta da ġlóir.

⁴ Agus do ċorruiġeadar ursanna an doruis le guṫ an té do laḃair, agus do líonaḋ an tiġ le deatuiġ.

⁵ ¶ Annsin a duḃairt misi, A ṁairg ḋaṁsa! óir atáim millte; do ċionn gur duine do ḃéul neaṁġlan mé, agus go náitreaḃuim a measg daóine ḃéul neaṁġlan: óir do ċonncadar mo ṡúile an Ríġ, TIĠEARNA na slóġ.

⁶ Annsin do eitil aon do na seraṗiniḃ ċugam, agus sméaróid ḋearg iona láiṁ, noċ do ḃean sé leis a niolġaiḃ don naltóir.

⁷ Agus do ċuir sé air mo ḃéulsa é agus a duḃairt, Féuċ, do ḃeauso red ṗuisiniḃ; agus rugaḋ héaigceart uáit, agus do ġlanaḋ do ṗeacuiḋ.

⁸ ¶ Mar an ccéadna do ċúalaiḋ mé gúṫ an Tiġearna, ġa ráḋ, Cía ċuirfeas mé uaim, agus cía raċus air ar son? Annsin a duḃairt misi, Atáimse annso; cúir misi uáit.

⁹ Agus a dúḃairt seision, Eiriġ, agus innis don ṗobalsa, Eistiġ go deiṁin, aċd ná tuigiḋ; agus faiciḋ go dearḃṫa, aċt ná moṫuiġiḋ.

¹⁰ Déana croiḋe na ndaómesi méiṫ, agus déana a cclúasa trom, agus druid a súile; deagla go ḃfaicfidis le na súiliḃ, agus go ccluintidís lé na cclúasaiḃ, agus go ttuigfidís lé na ccroiḋe, agus go ḃfillfidís, agus go mbéidís slán.

¹¹ Annsin a dúḃairt misi, a ṪIĠEARNA, ga fad? Agus do ḟreagair seision, Nó go ḃfásuiġṫear na caiṫreaċa gan áitreaḃaċ, agus na tiġṫe gan fear, agus go mbía an talaṁ ṫríd amaċ na ḟásaċ.

¹² Agus go náṫruiġ an TIĠEARNA daóine a nimċían, agus go mbía tréigean mór a lár na críċe.

¹³ ¶ Giḋeaḋ biáiḋ deaċṁaḋ ann, agus fillfiḋ, agus íostar é: mar buḋ crann teile, agus daruiġ, a mbía a mbríġ ionnta, a nuáir ṫeilgid a nduille: marsin an siol náoṁṫa ḃus substaint dó sin.