Isaiah 54 - An Bíobla Naoṁṫa 1817 (Bedell)

Caibidil LIV. Gur bí eagluis na ncineaḋaċ fairsing, 4 socair, 11 scíaṁaċ, 15 seasṁaċ.

¹ Can, a aimrid, ṫusa naċ rug; bris amaċ a ccéol, agus fúagair ós áird, ṫusa naċ raiḃ re nioḋnuiḃ: óir is mó clann na haonránuiġ ná clann na mná pósta, a deir an TIĠEARNA.

² Fairsingiḋ áit do lóistín, agus leaṫnuiġedís cuirtíne háitreiḃṫe amaċ: ná coigil, fadaiġ do ċordaḋa, agus neartuiġ do ċuáilleaċ;

³ Oír brisfe tú amaċ ar an láiṁ ḋeis agus ar an cclé; agus géaḃa do ṡlioċd oiġreaċd na ngeinteaḋ, agus do ḋéanair na caiṫreaċa uaigneaċa áitiġṫe.

⁴ ¶ Ná heagluiḋ; óir ní ḃía náire ort: ní mo ċuirṫear as órduġaḋ ṫu; óir ní ċuirṫear ċum naire ṫú: óir dearmadfuiḋ tú náire hóige, agus ní ċuiṁneoċa tú masla do ḃaintreaḃaċus ní as mó.

⁵ Oír isé do Ċruṫaiġṫeóir ṫfear; TIĠEARNA na sloġ isé a ainm; agus do Ṡlánaiġṫeóir Aon Náoṁṫa Israel; Día na talṁan go hiomlán ġoirfiġear ḋe.

⁶ Oír do ġoir an TIĠEARNA ṫusa mar ṁnaói ar na tréigean agus duḃaċ a spioraid, agus mar ṁnaói óige, a nuáir do díultaḋ ṫú, a deir do Ḋía.

⁷ Do ṫréig misi ṫú a móment ḃig; aċd cruinneoċa mé ṫú lé grásuiḃ móra.

⁸ A mbeagán feirge dfoluiġ mé maġaiḋ uáit ar feaḋ mómeinte; aċt do ḋéanad trócaire ort lé cineal síorruiḋe, a deir an TIĠEARNA Ṫfúascaltóir.

⁹ Oír atá so mar uisgeaḋuiḃ Noah ḋaṁsa: óir mar do ṁionnuiḋ mé naċ raċaidís uisgeaḋa Noah ní as mó ar an ttalaṁ; marsin do ṁionnuiġ mé naċ béinn feargaċ riotsa, agus naċ maisleoċuinn ṫú.

¹⁰ Oír imeoċuid na sléiḃte, áṫroċar na cnoic; aċt ní imeoċuiḋ mo ċínealsa uáitsi, ní mo áṫroċṫar cunnraḋ mo ṡíoṫċána, a deir an TIĠEARNA do rinne trócaire ort.

¹¹ ¶ Oh ṫusa atá a naindise, ar do ṫeilgion ag a nanfa, agus gan ċoṁḟurtaċt, féuċ, suiġeoċa mé do ċloċa maille re daṫaiḃ ḃreáġa, agus leagfa mé do ḃunáite le saṗíoruiḃ.

¹² Agus do ḋéana mé ṫfuinneoga do agatuiḃ, agus do ġeataḋa do ċarbuccail, agus himle uile do ċloċuiḃ breáġa.

¹³ Agus múinfiġear do ċlann uile leis an TTIĠEARNA; agus buḋ mór síoṫċáin do ċloinne.

¹⁴ Daingneoċṫar a ḃfíréantaċt ṫú: biáḋ tú a ḃfad ó ḃrúġaḋ; óir ní ḃiáiḋ eagla ort: agus ó ċriṫeagala; óir ní ṫiucfa sé ad ġar.

¹⁵ ¶ Féuċ, go deiṁin cruinneoċuid síad a gcionn a ċéile, aċd ní líomsa: giḋ bé ċruinneoċus a gceann a ċéile ad aġaiḋ tuitfid síad ar do ṡonsa.

¹⁶ Féuċ, do ċruṫaiġ mé an gaḃa ṡéideas an gúal annsa teine, agus do ḃeir amaċ ball óirnéisi ċum a oibre; agus do ċruṫaiġ mé an millteóir daiḋṁilleaḋ.

¹⁷ Ní ḃéara arm ar biṫ dá ccuimeaċṫar buáiḋ ad aġaiḋsi; agus gaċ teanga dá néireoċuiḋ ad aġaiḋ daimneoċa tú í a mbreiṫeaṁnus. Así so oiġreaċd ṡeirḃíseaċ an TIĠEARNA, agus is uáimsi atá a ḃfíreantaċd, a deir an TIĠEARNA.