Isaiah 5 - An Bíobla Naoṁṫa 1817 (Bedell)

Caibidil V. Dúan Isaiah ataoḃ na fineaṁna spioradalta.

¹ Canfad a nois dom ḟíorġraḋaċ caintic mo ġráḋ a ttáoḃ aḟíneaṁna. Atá fineaṁuin ag mo ġráḋ a ccnoc ro ṫóirṫeaċ:

² Agus do ċuṁdaiġ sé í, agus do ċruinniġ sé na cloċa aiste amaċ, agus do ṗlannduiġ sé í le toġa na fíneaṁna, agus do rinne tor iona lár, agus mar an ccéadna do rinne umar ḃrúiġte fíona innte: agus do ḃí súil aige go ttinḃraḋ sí cáora úaiṫe, agus ṫug sí uáiṫ cáora fíaḋáin.

³ Agus anois, a áitreaḃṫaċa Ierusalem, agus a ḋaoine Iúdah, guiḋim siḃ, déanaiḋ breiṫeaṁnus, eadrum féin agus mfíneaṁuin.

⁴ Créd dob ḟéidir do ḋéanaṁ ní as mó rem ḟíneaṁuin, ná mar do rinne mé an? air a naḋḃar sin, a nuáir do ṡaóil mé go ttiuḃraḋ sí cáora, cred fa ttug sí cáora fíaḋáin uáiṫe?

⁵ Agus anois tiomain: inneosa mé ḋuit cioḋ do ḋéan rem ḟíneaṁuin: bainfiḋ mé a fál uáiṫe, agus íostar súas í, agus brisfe mé síos a balla, agus sailteorṫar uirre:

⁶ Agus do ḋéana mé fásaċ ḋi: ní ḋeiseoċṫar, agus ní róṁarṫar í; aċt fásfaiḋ a níos drise agus dosáin: agus fós fuáigeora mé do na néulluiḃ go naċ ḃfearfuid fearṫuinn uirre.

⁷ Oír isé tiġ Israel fíneaṁuin ṪIĠEARNA na slóġ, agus fir Iúdah plannda a ṫola: agus do ḃí a ṡúil ré breiṫeaṁnus, aċd féuċ an leaṫtrom; re hionnracus, aċd féuċ an ċoṁairc.

⁸ ¶ A ṁairg don druing ċeanglas tiġ do ṫiġ, agus ċuirios maċaire a ccionn ṁaċaire, go naċ bí áit, ċor go suiġeoċṫaói ar leiṫ íad a lár na talṁan:

⁹ Ann mo ċlúasuiḃ a duḃairt TIĠEARNA na slóġ, go fírinneaċ béid móran tiġṫeaḋ na ḃfásaċ, tiġṫe móra agus bréaġa gan áitreaḃaċ.

¹⁰ Fós, do ḃéaruid deiċnacra fíneaṁna áoinṁiosúr aṁain, agus síol homer do ḃéara sé eṗah úaḋ.

¹¹ ¶ A ṁairg don luċt éirġios go moċ ar maidin, ċor go leanfaidís ar ḋiġ láidir; noċ ḟanus go hoiḋċe; nó go lasann an fíon a stiġ íad.

¹² Agus a mbí an ċláirseaċ, agus an ḃiól, agus an tiompán, agus an píob agus an fíon, ar a ḃféustuiḃ: aċ ní ṁeasuid oibreaċa an TIĠEARNA, agus ní ḟaicid oibriuġaḋ a láṁ.

¹³ Uimesin do ċúadár mo ḋáoine a mbruid, do ċionn naċ ḃfuil éolus ar bíṫ aca: agus ċúadar a ndaoine ónoraċa do ġorta, agus a slúaġ ar ttiurmuġaḋ lé tart.

¹⁴ Uime sin dfáirsingiḋ ifrionn i féin, agus dfoscuil a béul go roṁór: agus raċaiḋ a nglóirsion, agus a niomadaṁlaċd, agus a nainṁeas, agus an té lúaṫġáirios, síos ann.

¹⁵ Agus béarṫar an duine uirísiol sios, agus ísleoċṫar an duine cumasaċ, agus uiṁleoċṫar súile an duine áirdintinniġ:

¹⁶ Aċt áirdeoċṫar TIĠEARNA na slóġ a mbreiṫeaṁnus, agus Día atá náoṁṫa náoṁṫoċṫar é a nionnracus.

¹⁷ Annsin ḋéanuid na húain inġilt do réir a ccleaċdaiḋ, agus íosuid coiṁṫiġiḋ áite fásuiġ na náon méiṫ.

¹⁸ ¶ A ṁairg don druing ṫairngís an téigceart le córduiḃ an díoṁaóinios, agus an peacaḋ mar do ḃíaṫ le rópuiḃ cartaċ:

¹⁹ Noċ a deir, Déanaḋ sé deiṫnios, agus lúaṫuiġeaḋ ar a obair, ċor go ḃfaicfeam: agus tairngeaḋ coṁairle Aoin Náoṁṫa Israel a ccoṁḟogus, ċor go mbía a ḟios aguinn!

²⁰ ¶ A ṁairg don druing ġoireas don nolc maiṫ, agus don ṁaiṫ olc; agus ċuirios dorċadas ar son soluis, agus solus ar son dórċadais; agus ċuirios searḃus ar son millsi, agus millse ar son searḃuis!

²¹ A ṁairg don luċt ḃíos glic iona súiliḃ féin, agus críonna iona raḋarc féin!

²² A ṁairg don ṁuinntir ḃíos acfuinneaċ ar ól fíona, agus do na daóiniḃ neartṁara air diṫ láidir do ċumasg:

²³ Noċ ḟúagras an ciontaċ ceart áir ċeannaċ, agus ḃeirios ionnracus a nfíréin úaḋ!

²⁴ Uime sin mar loisgios an teine an connlaċ, agus mar loisgios an lasair an cáiṫleaċ, marsin ḃías a ḃfréuṁ mar loḃaḋ, agus raċaid a mbláṫa súas aṁuil luáiṫreaḋ: do ċionn gur ṫeilgiodar úaṫa dliġeaḋ TIĠEARNA na slóġ, agus gur ṫarcuisniġeadar bríaṫar Aóin Náoṁṫa Israel.

²⁵ Uimesin atá fearg an TIĠEARNA ar naġnaḋ a naġaiḋ a ṗobail, agus do ṡín sé a láṁ amaċ na naġaiḋ, agus do ḃuail sé íad: agus do ċrioṫnuiġeadar na cnuic, agus do ḃí a cconabluiḋe réubṫa annsna sráidiḃ. Ar a ṡon so uile níor iompoiġ sé a ḟearg ḋíoḃ, aċt atá a láṁ sínte amaċ a ccoṁnuiḋe.

²⁶ ¶ Agus tóigfiḋ sé brataċ súas do na cinneaḋaċaiḃ a nimċían, agus do ḋéana feadalaċ orra ó ḃrúaċ an doṁuin: agus, féuċ, tiucfuid maille re deiṫnios go tapuiḋ:

²⁷ Ní ḃía áonduine coirṫe, agus ní ḃfuiġe áonduine tuisleaḋ na measg; ní ṫáiṁnéullfuiḋ, agus ní ċoideoluiḋ sé; ní mó scaóilfiġear crios a ṡlíasad, agus ní brisfiġear íallaċ a ḃróg:

²⁸ Noċ ar géar a ṡoiġde, agus a ḃoġaiḋ uile tairngṫe, sáoilfiġear buinn a eaċ uile do ḃeiṫ na ccruáiḋċloiċ, agus a roiṫléan aṁuil gaóṫ ġuáirdeáin:

²⁹ Bíaiḋ a núallġul aṁuil leóṁan, nuállfuiḋ sé aṁuil leoṁánniḃ óga: núallfuiḋ fós, agus greamoċuiḋ air an ccreiċ, agus béaruiḋ leis slán é, agus ní ṡáorfuiḋ aóinneaċ é.

³⁰ Agus annsa lósin conġairfid na aġaiḋ aṁuil confaḋ na fairge: agus má ḟéuċann aon ar an ttír, féuċ dorċadas agus dóbron, agus dorċuiġṫear an solus sin annsna neaṁuiḃ.