Isaiah 41 - An Bíobla Naoṁṫa 1817 (Bedell)

Caibidil XLI. Bioḋ gur beag tréud Israel, 10 neartoċuiḋ Día íad.

¹ Toċduiġiḋ dom laṫairsi, siḃsi a oiléana; agus aṫnúaḋaidís na daoine a neart: tigdís a ccoṁḟogus; laḃraidís annsin: tigeam a bfogus a naóinḟeaċd ċum breiṫeaṁnuis.

² Cia ṫóg súas an fíréan ó noirṫear? do ġoir ċum a ċoise é, ṫug na cineaḋaċa dá laṫair, agus ṫug air ríaġlaḋ ós cionn ríġṫe? ṫug sé íad aṁuil luáiṫreaḋ ḋa ċloiḋeaṁ, agus mar ċonnlaċ teilgṫe, ḋa ḃoġa.

³ Do lean sé íad, agus dimṫiġ sé slán; eaḋon annsa tsliġe ann nar ṡiuḃuil sé le na ċosaiḃ.

⁴ Cía doibriġ agus do rinne é, ag gairm sleaċdan o ṫosaċ? misi an TIĠEARNA, céadna, agus leis a ndeiġionaċ; is misi é.

⁵ Do ċoncadar na hoileáin sin, agus degluiġeadar ris; do ḃádar corra an doṁain eaglaċ, do ṫairngiodar a ngar, agus ṫangadar.

⁶ Do ċuidiġ gaċ áon aca le na ċoṁarsoin; agus a duḃairt gaċ aon aca re na ḋearḃraṫair, Bí meisneaṁuil.

⁷ Marsin ṫug an sáor meisneaċ do ċéard a nóir, agus an té ṁíniġios leis a nórd don té ḃuáileas a ninneóin, ġa ráḋ, Atá sé réiḋ ċum táṫuiġe: agus do ḋaingniḋ sé é lé tairngiḃ, iondus naċ ccoirreoċṫaói é.

⁸ Aċt is tusa, a Israel, mo ṡearḃḟoġantuiġe, Iácob noċ do ṫoġ mé, síol Abraham mo ċara.

⁹ Ṫusa noċ ṫug mé ó ċorruiḃ na talṁan, agus do ġoir mé ṫú ó na daoiniḃ oirḋearca, agus a duḃairt riot, Is tú mo ṡeirḃíseaċ; do ṫoġ mé ṫú, agus níor ṫeilg mé seaċad ṫú.

¹⁰ ¶ Ná bíoḋ eagla ort; óir atáimsi maille riot: ná bí laigḃríġeaċ: óir is misi do Ḋía: neirteoċuiḋ mé ṫú: fós, cuideoċa mé leaċd; fós, cuinneoċa mé súas ṫú le láiṁ ḋeis mo ċeirt.

¹¹ Féuċ, náireoċa agus claoiḋfiġear íad uile noċ do las ad aġaiḋ: béid síad aṁuil neṁní; agus díoġḃáiḋfiḋ an ṁéid ṫroídfios riot.

¹² Iárfa tú íad, agus ní ḃfuiġe tú íad, eaḋon an drong do ċeannairg riot: biáiḋ an luċt do ċogaiḋ ad aġaiḋ aṁuil neṁní, agus mar ní gan ḟéiḋm.

¹³ Oír misi an TIĠEARNA do Ḋía ċoinneoċus do láṁ ḋeas, ġá ráḋ riot, Ná himeagluiḋ; cuideoċuiḋ mé leaċd.

¹⁴ Ná heagluiḋ, ṫusa a ċnuiṁ Iácob, agus siḃsi a ṗobal Israel; cuideoċuiḋ mé liḃsi, a deir an TIĠEARNA, agus do ṡlánaiġṫeóir, Aon Náoṁṫa Israel.

¹⁵ Féuċ, do ḋéana mé ḋíot núaḋionstrument ḃuáiltegeur agá mbéid fíacla: buáilfe tú na sléiḃte, agus buáilfe tú go mion íad, agus do ḋéana tú na cnoic aṁuil cáiṫ.

¹⁶ Cáiṫfiḋ tú íad, béaruiḋ an ġaoṫ lé íad, agus cráoḃsgaóilfe an ġáoṫ ġuáirdeáin íad: agus gáirdeoċuiḋ tusa annsa TIĠEARNA, agus do ḋéana tú gloir a Náon Náoṁṫa Israel,

¹⁷ A nuáir íarrfuid na boiċt agus na ríaċdanuiġ uisge, agus naċ bía sin ann, agus go ḃfailleoċuiḋ a tteanga lé tart, cluinfiḋ misi an TIĠEARNA íad, misi Día Israel ní ṫréigfe mé íad.

¹⁸ Oisceoluiḋ mé aiḃne a náitiḃ arda, agus toibreaċa a lár na ngleann: do ḋéana mé loċán uisge do nfásaċ, agus tiobruide fíoruisge do nfearann ṫirim.

¹⁹ Plainndeoċa mé na Séadair annsa ḃfásaċ, an crann Sittah, agus an mirtle, agus an crann ola; cuirfe mé annsa díoṫraṁ an crann giuṁais, agus an pínan, agus an crann bocsa a naóinḟeaċd:

²⁰ Iondus go ḃfaicfid, agus go naiṫeonuid, agus go measfuid, agus go dtuicfid a naóinḟeaċd, gur bí láṁ an TIĠEARNA do rínne so, agus gur bé Aon Náoṁṫa Israel do ċruṫaiġ é.

²¹ ¶ Taḃruiḋ ḃur ccúis a laṫair, ar san TIĠEARNA; tugaiḋ a laṫair ḃur ḃfáḋ neartṁarṫa, ar sa Ríġ Iácob.

²² Tigedís, agus foillsiġedís ḋúinn cred ṫeigeoṁus ann: táisbeanaidís na céaidneiṫe, cred íad féin, ċor go measfuim íad, agus go mbía fios a ccríċedeiġionuiġe aguinn; nó foillsiġedís dúinn na neiṫe atá ag teaċd.

²³ Taisbeanuiḋ na neiṫe atá ag teaċd na ḋiáiġ so, agus biáiḋ a ḟios aguinn gur dée siḃ: déanaiḋ fós maiṫ, nó déanaiḋ olc, marsin úaṁnuiġeam, agus ċífeam a naóinḟeaċd.

²⁴ Féuċuiḋ, ní ḃfuil ionnuiḃ aċt neiṁní, agus ḃur nobair gan táḃaċd: is aḋfúaṫṁar an té ṫoġas siḃ.

²⁵ Do ṫog misi áon súas as an ttuáisceart, agus tiucfa sé: ó éirġe gréine ġoirfios sé air mainmsi: agus tiocfa sé air ṗrionnsaḋuiḃ aṁuil ar ṁoirtéur, agus aṁuil ṡaltras fear déanta na bpotaḋ an ċríaiḋ.

²⁶ Cía ṡoillsiġ ó ṫosaċ, ċor go mbía a ḟios aguinne? agus roiṁe a naimsir, ċor go naibéoraidís, Atá sé fíréunta? aseaḋ, ní ḃfuil aon ṫaisbeanas, ní ḃfuil fós, áon ṡoillsiġios, fós, ní ḃfuil áon éistios ḃur mbríaṫra.

²⁷ Déara an céidḟear re Sion, Féuċ, féuċ íad, agus do ḃéara misi do Ierusalem áon noċ do ḃéuras scéula maiṫe léis.

²⁸ Oír dféuċ misi, agus ní raiḃ duine ar biṫ iona measc; agus ní raiḃ coṁairleaċ ar biṫ, noċ, a núair do ḟíafruiġ mé ḋiofa, do ḟreagraḋ focal.

²⁹ Féuċ, atáid síad uile na ndíoṁaóineas; is neiṁní a noibreaċa: is gáoṫ agus is eadarḃuáis a níoṁáiġe leaġṫa.