Isaiah 40 - An Bíobla Naoṁṫa 1817 (Bedell)

Caibidil XL. Tairrgir air aimsir Ċríosd agus an tsoisgeil, 3 lé reaṁġairm Eoín ḃaiste.

¹ Meisniġiḋ siḃ, meisniġiḃ siḃ mo ṗobal, deir ḃur Ndía.

² Laḃruiḋ go meisneaṁuil ré Hierusalem, agus fúagruiḋ ḋi, gur críoċnuiġeaḋ a cogaḋ, gur maiṫeaḋ a héigceart: óir do ġlac sí as láiṁ an TIĠEARNA díol dúbalta ar son a huile peacaiḋ.

³ ¶ Guṫ an té ḟúagras ann sa ḃfásaċ, Gléasuiḋ sliġe an TIĠEARNA, déanaiḋ díreaċ annsa díoṫraṁ sliġe ṁór dar Ndía.

⁴ Airdeoċṫar gaċ uile ġleann, agus ísleoċṫar gaċ slíaḃ agus gaċ cnoc: agus do ḋéantar an cam díreaċ, agus na háite garḃa mín:

⁵ Agus foillseoċar glóir an TIĠEARNA, agus do ċífiḋ a nuile ḟeóil é a néainḟeaċd: óir béul an TIĠEARNA do laḃair é.

⁶ A duḃairt an guṫ, Fúaguir. Agus a duḃairt seision, Cred ḟuaigeoras mé? Is féur a nuile ḟeoil, agus atá a ṁaiṫ uile mar ḃláṫ an ṁaċaire:

⁷ Críonuiḋ an féur, searguiḋ an bláṫ: do ḃríġ go séidionn spiorad an TIĠEARNA air: go deiḃin is feur na daoine.

⁸ Críonuiḋ an féur, searguiḋ an bláṫ: aċd seasfuiḋ bríaṫar ar Ndé go bráṫ.

⁹ ¶ A Ṡíon noċ do ḃeir leaċd scéula maiṫe, éiriġ súas air a tslíaḃ árd; a Ierusalem, do ḃeir scéula maiṫe leaċd, tóg súas do ġuṫ maille re neart; tóg súas é, ná bíoḋ eagla ort; abair re caiṫreaċaiḃ Iúdah, Féuċaiḋ ḃur Ndía!

¹⁰ Féuċ, tiucfuiḋ an Tiġearna DIA lé láiṁ láidir, agus ríaġloċuiḋ a ríġ ar a ṡon: feuċ, atá a luáiḋeaċd maille ris, agus a obair roiṁe.

¹¹ Beaṫoċuiḋ sé a ṫréud aṁúil áoḋaiare: cruinneoċaiḋ se na huáin le na láiṁ, agus iomċoruiḋ sé iona uċt íad, agus tiomáinfiḋ go mín an ċuid iona mbí óig.

¹² ¶ Cía ṫoṁais na huisgeaḋa a cclár a ḋéarnainne, agus do ḋíriġ amaċ neaṁ lé réis, do ċruinniḋ luáiṫreaḋ na talṁan a miosur, agus do ċoṁṫromuiġ na sléiḃte a gcoṁṫrom, agus na cnoic a sgála?

¹³ Cía ḋíriġ Spiorad an TIĠEARNA, nó ar mbeiṫ na ċoṁairleaċ aige cía ṁúin é?

¹⁴ Cía ré a ndéarna sé coṁairle: agus cía ṫeagaisg é, agus do ṁúm é a ccasán an ḃreiṫeaṁnuis, agus do ṁúin éolus do, agus do ṫaisbem dó sliġe na tuigse?

¹⁵ Féuċ, atáid na cineadaċa aṁail bráon buicéid, agus atáid ar na meas aṁuil luáiṫreaḋ beag an scála: Féuċ, tógḃuiḋ sé súas na hoiléin mar ní ro ḃeag.

¹⁶ Agus ní lór Lebanon ré a losgaḋ, agus ní lór a ḃeaṫuiġ mar ofrail loisge.

¹⁷ Is neiṁní na cineaḋaċ uile dá laṫair: agus meastar leision íad ní sa luġa ná neiṁni, agus díoṁaoineas.

¹⁸ ¶ Marsin cía ré saiṁleoċuiḋe Día? no cía an ċosaṁlaċd ċuirfiḋe iona ċoiṁmeas?

¹⁹ Leaġaiḋ an fear oibre íoṁáiġ ġreanta, agus folċaiḋ céard a nóir í timċioll le hor, agus teilgiḋ sé slaḃraḋa airgid.

²⁰ An té boċtuiġṫear mar sin, ionnus naċ ḃfuil ofráil aige toġuiḋ sé crann naċ loḃann; íarruiḋ sé ċuige oibriġ glic dullṁuġaḋ íoṁáiġe greanta naċ ccorroċṫár.

²¹ Naċ fios daóiḃsi? naċ ccúalaḃair? naċ ar hinnseaḋ ḋíḃ ó ṫosaċ? naċ ar ṫuigeaḃair ó ḃunáitiḃ na talṁan?

²² An té ṡuiḋios ar roṫa na talṁan, agus atáid áitreaḃṫuiġ sin aṁuil dreoláin teasḃuiḋ; noċ leáṫnuiġios amaċ na neaṁa aṁuil cúirtín, agus ṡreaṫnuiġios amaċ íad aṁuil páilhúin do ḋéanaṁ coṁnuiġe:

²³ Noċ do ḃéir na prionnsaḋa a neiṁní; do ní sé breiṫeaṁuin na talṁan aṁuil díoṁaóineas.

²⁴ Fós, ní planndoċṫar íad: fos, ní siolċuirfiġear íad: fós, ní ġéaḃuiḋ a mbun fréuṁ annsa talaṁ: agus séidfiḋ sé fós orra mar an ccéadna, agus críonfuid, agus béaruiḋ an ġáoṫ ġuairdéain lé íad aṁuil connlaċ.

²⁵ Ar a naḋḃarsin, cía ré saiṁleoċṫáoi misi, nó cía re a mbíad cosṁail, a deir an Táon Naoṁṫa?

²⁶ ¶ Tógḃuiġ súas ḃur súile go hárd, agus féuċaiḋ cía do ċruṫaiḋ na neiṫesi, noċ do ḃeir a slóġ amaċ le háireaṁ: goiriḋ sé uile íad as a nanmannaiḃ le méud a ċuṁaċd, óir atá sé láidir a ccuṁaċdaiḃ; ní ḟailliġionn áon é.

²⁷ Cred fá nabair tusa, a Iácob, agus a laḃranu tú, a Israel, Atá mo ṡliġe a ḃfolaċ air an TTIĠEARNA, agus do ċuáiḋ mo ḃreiṫeaṁnus ṫairis óm Ḋía?

²⁸ Naċ raiḃ a ḟios agad? naċ ccúala tú, naċ lagaiḋṫear an Día siorruiḋe, an TIĠEARNA, Cruṫaiġṫeóir ṫéorann na talṁan, agus naċ ccuirṫior é? ní ḃfuil scrúdaġ ar biṫ air a ṫuigsin.

²⁹ Do ḃeir sé cuṁaċda do nanḃfann; agus don droing ag naċ bí neart méuduiġiḋ sé neart.

³⁰ Laigeoċṫar fós na hogánuiġ agus beid coirṫe, agus tuitfid na hóigḟir ṫríd amaċ:

³¹ Aċt an drong ḟeiṫios air an TTIĠEARNA aṫnúaḋuiġid síad a neart; éreoċuid súas le sciaṫánuiḃ aṁuil iolair; rioṫfaid siad, agus ní ḃéid coirṫe; agus siuḃoluid, agus ní ḃéid síad anḃfann.