Isaiah 34 - An Bíobla Naoṁṫa 1817 (Bedell)

Caibidil XXXIV. Diḃfearg Dé ar naiṁdiḃ na heagluise.

¹ Tigiḋ a ngar, a ċineaḋaċa, deisdeaċd; agus tugaiḋ aire, a ṗobal: cluineaḋ an talaṁ, agus gaċ a ḃfuil ann; an sáoġal, agus gaċ a ttig amaċ as.

² Oír atá díḃḟearg an TIĠEARNA ar na huile cineaḋaċaiḃ, agus a ṫeas féirge air a nuile ṡlúaġ: do scrios sé ṫríd amaċ íad, ṫug se do nárṁaċ íad.

³ Teilgfiġear fós a mairḃ amaċ, agus tiucfaiḋ a mbréuntas súas as a cconablaċaiḃ, agus leaġfuiġear na sléiḃte le na ḃfuil.

⁴ Agus cuirfiġear ó ċéile uile ṡlúaġ niṁe, agus crapfuiġear na flaiṫis a ccionn a ċéile aṁuil scrola: agus tuitfiḋ a slúaġ uile síos, mar ṫuitios an duille do nfineaṁuin, agus aṁuil fíge ṫuiteas don ċrann fíge.

⁵ Oír biáiḋ mo ċlóiḋioṁ ar na ḟoṫraġaḋ a ḃflaiṫeaṁnus: féuċ, tiucfuiḋ sé a núas ar Idumea, agus ar ṗobal mo ṁallaċd, ċum breiṫeaṁnuis.

⁶ Atá cloiḋioṁ an TIĠEARNA líonta dfuil, do rinneaḋ méuṫ lé méuṫus é, agus lé fuil úan agus ġaḃar, agus le geir ḋuḃán na reiṫeaḋ: óir atá íoḋbairt ag an TTIĠEARNA a Mbosrah, agus ár mór a ttír Idumea.

⁷ Agus tiucfaid na hunicorn léo a núas, agus na bulóga leis na tarḃuiḃ; agus fliuċfuiġear a ḃfearann lé fuil, agus do ḋeantar a luáiṫreaḋ méiṫ lé méuṫus.

⁸ Oír isé lá dioġaltais an TIĠEARNA é, agus blíaḋain na luáiḋeaċda ar son imreasuin Ṡíon.

⁹ Agus iompoċar a sroṫa sin a bpic, agus a luáiṫreaḋ a ruiḃ, agus a ḟearann ċum ḃeiṫ na ṗic loisgniġ.

¹⁰ Ní múċfuiġear a noiḋċe ná a ló é; raċaiḋ a ḋeataċ súas go bráṫ: ó ġinealaċ go ginealaċ biáiḋ sé aonrácanaċ; ní ġeaḃa duine ar biṫ ṫríd go saoġal na sáoġal.

¹¹ Aċt sealḃoċuiḋ an fíaċ mara agus an bunnán léanaḋ é; coiṁneoċuiḋ fós an tulċaḃcán agus an fíaċduḃ ann: agus sínfiḋ sé doruḃa a naiḋṁillte fair, agus cloċa na foilṁe.

¹² Goirfid síad a uáisle ċum na rioġaċda, aċt ní ḃiáiḋ áonduine ann sin, agus buḋ neiṁní a príonnsaḋa uile.

¹³ Agus tiucfuid droiġne tré na pálásaiḃ, neantóg agus dreasóga iona daingneaċaiḃ: agus biáiḋ sí na háitreaḃ dragún, agus na cúirt dulċaḃcánuiḃ.

¹⁴ Teigeoṁuid fós beaṫuiġ állta an díoṫraiṁ ré beaṫuiġiḃ állta a noiléin, agus goirfiḋ an sáitír a ċompánaċ; suáiṁneoċuiḋ fós an ċoirrscréaḋóg annsin, agus do ġeaḃa sí áit coṁnuiġe ḋi féin.

¹⁵ Is ann sin do ḋéana an tulċaḃcán mór a nead, agus luiḋfios, agus ġoirfios, agus ċruinneoċus fa na sgáṫ: annsin fós cruinneoċuid na ḃultuir, gaċ áon maille re na ċompanaċ.

¹⁶ ¶ Iarruiḋsi amaċ as leaḃar an TIĠEARNA, agus léiġiḋ: ní ḟailleoċuiḋ áon díoḃso, ní ḃiáiḋ easḃuiġ a ċompanuiġ ar áon díoḃ: óir daiṫin mo ḃéulsa é, agus do ċruinniḋ a spiorad íad.

¹⁷ Agus do ṫeilg sé crannċar ar a son, agus do roinn a láṁ eatorra é lé slaḃraḋ: sealḃoċuiḋ síad go bráṫ é, ó ġinealaċ go ginealaċ coṁnoċuid ann.