Isaiah 14 - An Bíobla Naoṁṫa 1817 (Bedell)

Caibidil XIV. Atá trocaire Dé a bfogus da ṗobal.

¹ Oir do ḋéana an TIĠEARNA trócaire ar Iácob, agus toiġfiḋ fós Israel, agus suiġeoċuiḋ íad iona ndúṫaiġ féin: agus ceangoltar an coiṁṫiḋeaċ ríu, agus druidfid síad re tiġ Iácob.

² Agus glacfuiḋ an pobal íad, agus do ḃéaraid dá náit íad: agus sealḃoċuiġ tiġ Israel íad a ndúṫaiġ an TIĠEARNA mar ṡeirḃíseaċa agus mar ċuṁala: agus géuḃuid na mbraiġdiḃ íad, aiga raḃadar san na mbraiġdiḃ; agus ríaġloċuid ós cionn luċd a mbrúiġte.

³ ¶ Agus tiucfa a ccríċ annsa lá a ttinḃra an TIĠEARNA socaṁal duit ód ḋoilġios, agus ód eagla, agus ód ḋaóirsine ċrúaiḋ ann ar tugaḋ ort seirḃís do ḋéanaṁ,

⁴ Go ttóigfe tú súas an seanḟocal so a naġaiḋ ríġ ná Babilóine, agus go naibeora tú, Cionnus do scuir an millteaċ! do scuir an ċaṫair órḋa!

⁵ Do ḃris an TIĠEARNA bata na cciontaċ, agus slat na núaċdarán.

⁶ An té do ḃuáil an pobal a ḃfeirg le buille búan, an té do ríaġluiḋ na cineaḋaċa a ndíḃḟeirg, atá sé ḋá inġreim, agus ní ḃacann éunduine.

⁷ Atá an talaṁ uile suáiṁneaċ, socair: brisid síad amaċ a ccantaireaċd.

⁸ Gáirdiġ fós, an crann giuṁuis ionnadso, agus cédair Lebánon, ġa ráḋ, O núair fár luiġ tú síos, ní ṫáinic aoinġéarrṫóir ar naġaiḋ.

⁹ Do corruiġeaḋ ifrionn ṡíos ar do ṡonsa, do ṫeagṁáil riot a nuáir ṫiucfas tú: dúisgiḋ sé súas na mairḃ ḋuitsi, eaḋon uile ċeann feaḋna an doṁain; do ṫóg sé súas as a ccaṫaóiriḃ ríoġa uile ríġṫe na ccineaḋaċ.

¹⁰ Laiḃeoruid síad uile agus a déaraid riotsa, Nar lagaḋ ṫusa fós mar inne? a ndéarnaḋ tusa cosṁuil rinne?

¹¹ Tugaḋ húaḃar síos gus a núaiġ, agus guṫ haḋḃaḋ: do leaṫnuiġeaḋ an ṗéist fúd, agus folċuid na péiste ṫú.

¹² Ciondus do ṫuit tusa a núas ó ḟlaiṫeaṁnus, a Lucifer, a ṁic na maidne! ciondus do gearraḋ síos go nuige an talaṁ ṫusa, noċ do laguiḋ na cineaḋaċa!

¹³ Oír a dúḃairt tú ann do ċroiḋe, Eireoċuiḋ mé súas go flaiṫeaṁnus, áirdeoċaiḋ mé mo ċaṫaoir ós cionn réulta Dé: suiġfiḋ mé fós ar ṡlíaḃ an ċoṁċruinniġṫe, ar ṫaoḃuiḃ an tuáisgeirt:

¹⁴ Eíreoċaiḋ mé súas ós cionn áirde na néull; biáiḋ mé cosṁuil ris an tí is Airde.

¹⁵ Giḋeaḋ béarṫar síos go hifrionn ṫú, go táoḃuiḃ an ṗuill.

¹⁶ An ṁuinntir ċífeas ṫú féuċfuid go géarċúiseaċ ort, agus measfuid ṫú ġa ráḋ, An ne so an té ṫug ar an dtalaṁ crioṫnuġaḋ, do ċroiṫ rioġaċda;

¹⁷ Do rinne an sáoġal aṁuil fásaċ, agus do ṁill a ċaiṫreaċa; nár ḟosguil tíġ a ṗríosúnaċ?

¹⁸ Ríġṫe na ccríoċ uile, luiġid uile, a nglóir, gaċ áon díoḃ ann a ṫiġ féin.

¹⁹ Aċt do teilgeaḋ ṫusa amaċ as a núaiġ aṁuil beangán aḋḟúaṫṁar, agus aṁuil éadaċ na droinge marḃṫar, sáite ṫríoṫa leis an ccloiḋioṁ, agus téid síos go cloċaiḃ an ṗuill; mar ċonablaċ air a saltairṫear fáoi ċosuiḃ.

²⁰ Ní ḃía tú ceangailte ríu a naḋlacaḋ, do ċionn gur scrios tú do ḋúṫaiġ, agus gur ṁarḃ tú do ḋaóine: ní ḃía slioċd na ndroiċġníoṁaċ clúiteaċ go bráṫ.

²¹ Ullṁaiġiḋ ár ḋá ċloinn ar son égceirt a naṫar; ċor naċ éireoċuid, agus naċ sealḃoċuid an dúṫuiġ, agus naċ líonfuid aġaiḋ na talṁan le caiṫreaċaiḃ.

²² Oír éireoċa misi súas na naġaiḋ, a deir TIĠEARNA na slóġ, agus géarrfa mé ón Ḃabiloin an tainm, agus an fuiġioll, agus an mac, agus mac an ṁic, a deir an TIĠEARNA.

²³ Do ḋéana mé mar an ccéadna sealḃ ḋi don ḃunnán, agus loċáin uisge: agus scúabfuiḋ mé í le scuáib an léirsgris, a deir TIĠEARNA na slóġ.

²⁴ ¶ Do ṁionnuiġ TIĠEARNA na slóġ, ġa ráḋ, Go deiṁin mar do smuáin mé, is mar sin ṫiucfas a steaċ; agus mar do ṫionnscain mé, is aṁluiḋ ṡeasfas:

²⁵ Go mbrisfe mé an Tassírianaċ ann mo ḋúiṫċe, agus ar mo ṡléiḃtiḃ go sailteoruiḋ mé air: annsin imeoċus a ċuing ḋíoḃsan, agus tóigfiġear a úalaċ ó na nguailliḃ:

²⁶ Isé so an tionnscnaṁ do tionnscnaḋ ar an doṁan uile: agus isí so an láṁ atá sínte amaċ air na cineaḋaċiḃ uile.

²⁷ Oír do ṫionnscain TIĠEARNA na slóġ, agus cía ṫoirmisgfios é? agus atá a láṁ sínte amaċ, agus cía ḟillfeas ar a hais í?

²⁸ Annsa ḃlíaḋain iona ḃfuáir ríġ Ahas bás do ḃí an túalaċ so.

²⁹ ¶ Ná gáirdiġsi, uile a Ṗalestína, do ċionn gur briseaḋ slat an té do ḃuáil ṫu: óir tincfa cocaitrís amaċ as fréiṁ na naiṫreaċ niṁe, agus biáiḋ a ṫoirrċios na naiṫreaċ ṫeinntiġe eitealluiġ.

³⁰ Agus bíaṫfuiḋ céidġin an ḃoiċd, agus luiġfiḋ an ríaċdanaċ síos a ndaingean: agus muirfiḋ misi do ḟréaṁsa le gorta, agus muirfiḋ seision ṫfuiġioll.

³¹ Nuáill, a ġeata; éiġ, a ċaṫair; ṫusa, a Ṗalestína uile, atá tú sgaóilte: óir tiucfa deataċ ón tuáisgeart, agus ní ḃía áon na áonar ar uáiriḃ cinnte.

³² Cred ḟreagorus neaċ ann sin do ṫeaċdairiġ na críċe? Gur ḋaingniḋ an TIĠEARNA Síon, agus go ccuirfid boiċd a ṗobail a ndóiġ ann.