Isaiah 13 - An Bíobla Naoṁṫa 1817 (Bedell)

Caibidil XIII. Ualaċ agus leirsgrios na Báibiloine.

¹ Ualaċ na Babiloine, noċ do ċonnairc Isaiah ṁac Amos.

² Tógḃuiḋ súas brataċ ar an tslíaḃ árd, árduiġiḋ an guṫ ċuca, croṫaiḋ an láṁ, ċor go raċaid go geataḋuiḃ na núasal.

³ Daiṫin mé dom ṁuinntir náoṁṫa, do ġoir mé mar an ccéadna mo ḋaóine árraċda ar son mfeirge, eaḋon an drong ġáirdiġeas ann mo ṁórḋaċd.

⁴ Fuáim móráin annsna sléiḃtiḃ, mar do ḃeidís pobal mór; tormán ceannairgṫeaċ rioġaċd agus ċineaḋaċ ar ccruinniuġaḋ a cceann a ċéile: TIĠEARNA na slóġ, áirṁios slúaġ an ċaṫa.

⁵ Tigid as tír imċéin, ó ṫéoruinn ḟlaiṫeaṁnuis, eaḋon an TIĠEARNA, agus airm a ḋíḃḟeirge, do ṁilleaḋ na tíre go hiomlán.

⁶ ¶ Núalluiġse; óir atá lá an TIĠEARNA do saṫair; tiucfa mar scrios ó Nuileċuṁaċdaċ.

⁷ Uimesin biáiḋ a nuile láṁ lag, agus leaġfuiḋ croiḋe gaċ áonduine:

⁸ Agus biáiḋ eagla orra: géuḃuiḋ píanta agus doilġis greim ḋíoḃ; béid a bpein mar ṁnaói ag breiṫ: biáiḋ úaṫḃás aca iona ċéile; béid a naiġṫe mar lasraċa.

⁹ Féuċ, atá lá an TIĠEARNA ag teaċd, fuilteaċ aráon le dioġaltas agus le feirg ḋíscir, de ḋéanaṁ na tíre uáigneaċ: agus léirsgriosfuiḋ sé na peacaċasan aiste amaċ.

¹⁰ Oír ní ṫiuḃraid réulta niṁe agus a ccoṁṡoillsi a solus úaṫa: dorċuiġṫear an ġrían iona ḋul amaċ, agus ní ṫiuḃra an ġealaċ ar a solus déalruġaḋ.

¹¹ Agus smaiċdeoċa mé an sáoġal ar son a nuilc, agus na ciontuiġ ar son a négceirt; agus do ḃéara mé ar ḋíomus na nuáiḃreaċ scur, agus leagfa mé go hísiol áirdinntinn na núaṫḃásaċ.

¹² Do ḋéana mé duine ní sa ṁórluáiġe ná ór bruinte; eaḋon duine ná sparra órḋa Oṗir.

¹³ Uime sin croiṫfiḋ mé na neaṁa, agus áṫroċuiġ an talaṁ as a áit, a ḃfeirg ṪIĠEARNA na slóġ, agus a ló a ḟeirge disgir.

¹⁴ Agus biáid mar an ḃfiaḋ ṫaifniġṫe, agus mar ċaóiriġ naċ ttógḃann áonduine súas: fillfid síad gaċ áonduine ḋíoḃ ċum a ḋaóine féin, agus teiṫfid gaċ áon aca dá ḋúṫaiġ féin.

¹⁵ Gaċ áon dá ḃfuiġṫear sáiṫfiġear ṫríd é; agus gaċ áon dá níaḋann ríu tuitfiḋ leis an ccloiḋeaṁ.

¹⁶ Brisfiġear fós a cclann na mbloḋuiḃ as coinne a súl; creaċfuiġear a ttiġṫe, agus éigneoċṫar a mná.

¹⁷ Féuċ, broistéoċa mé suas na Médiġ na naġaiḋ, ag naoh bía suim a nairgead; agus ar son óir, ní ḃía dúil aca ann.

¹⁸ Brisfid a mboġaḋa fós a ndaóine óga na mbloḋuiḃ; agus ní ḃía truaiġe aca do ṫoraḋ na mbronn; ní ċoigeoluid a súile leiniḃ.

¹⁹ ¶ Agus an Ḃabilóin, glóir na rioġaċd, scíaṁ oirḋearcuis na Gcaildeanaċ, biáiḋ sí do nós an tan do scrios Día Sodom agus Gomorrah.

²⁰ Ní haítreoċṫar ċoiḋċe í, agus ní ċoiṁneoċṫar inte ó ġinealaċ go ginealaċ: ní mó ṡuiġfios an Tarábianaċ a ċampa ann sin; agus ní ḋéanaid na háoḋaire a máinreaċa ann.

²¹ Aċt beaṫuiġe állta an díoṫraiṁ luiḋfeas ann; agus béid a ttiġṫe lán do ċréatúiriġiḃ dóbrónaċa; agus áitreoċuíd na hulċaḃcáin ann, agus do ḋéanuid na Sáitír ringce ann.

²² Agus éiġfid beaṫuiġe állta na noiléan iona ttiġṫiḃ uáigneaċa, agus dragúin iona ḃpálásaiḃ aóiḃinn: agus atá a haimsir a ḃfogus do ṫeaċd, agus ní cuirfiġear a laéṫe air cáirde.