Iosua 24 - An Bíobla Naoṁṫa 1817 (Bedell)

Caibidil XXIV. Iosua agus oireaċduis Israel a ccoṁḋail ré ċeile. 29 Bás Iosua. 32 aḋlacaḋ ċnáṁa Ioseṗ. 33 Déug Eleasar.

¹ Agus do ċruinniġ Iosua treaḃa Israel uile go Seċem, agus do ġoir ar ṡinnsioruiḃ Israel, agus ar a gceannuiḃ, agus ar a mbreiṫeaṁnuiḃ, agus ar a noitigeaċaiḃ; agus do ṫaisbéanadar íad féin a laṫair Dé.

² Agus a duḃairt Iosua ris an bpobal uile, As mar so a deir an TIĠEARNA Día Israel, Do áitreaḃadar ḃur naiṫreaċa don taóiḃ oile don tuile annsa tseanaimsir, eaḋon Terah, aṫair Abraham, agus aṫair Naċor: agus do aḋradar dée oile.

³ Agus do ṫóg misi ḃur naṫair Abraham don taóiḃ oile don tuile, agus do ṫréoruiġ mé tré ṫír Ċanaain uile é, agus do ṁéaduiġ mé a ṡlioċd, agus ṫug mé Isaac ḋó.

⁴ Agus ṫug mé Disaac, Iacob agus Esau: agus ṫug mé do Esau sliaḃ Seir, re ṡealḃúġaḋ; aċd do ċuáiḋ Iácob agus a ċlann síos don Négipt.

⁵ Do ċuir mé Maóise fos agus Aáron, agus do ċuir mé pláiġ ar an Négipt, do réir na neiṫe do ċuir misi na measc: agus na ḋiáiġ sin ṫug mé siḃse amaċ.

⁶ Agus ṫug mé ḃur naiṫre as an Négipt: agus tangaḃairsi gus an nḟairge; agus do leanadar na Hégiptiġ a ndiáiġ ḃur naiṫreaḋ lé carbaduiḃ agus le marcṡlúaġ go nuige an ṁuir Ruáiḋ.

⁷ Agus a núair déiġṁeadar ar an TTIĠEARNA, do ċuir sé dorċadas eadruiḃsi agus na Hégiptiġ, agus ṫug sé a nfairge ar a muinsion, agus do ṁúċ se íad; agus do ċoncadar ḃur súile íad do rinne me san Egipt: agus do ċoṁnuiġeaḃairsi an sa ḃfásaċ aimsir ḟada.

⁸ Agus ṫug mé go críċ na Namoríteaċ siḃ, noċ do áitriḃ an táoḃ oile do Iordan; agus do ṫroidedar riḃ: agus ṫug misi an ḃur láiṁ íad, go ḃféadaḋ siḃ a ndúiṫċe do ṡealḃuġaḋ; agus do scrios mé roṁuiḃsi íad.

⁹ Annsin déiriġ Bálac ṁac Sippor, ríġ Ṁoab, agus do ċaṫuiḋ sé a naġaiḋ Israel, agus do ċuir fios agus do ġoir Bálaam mac Beor da ḃur malluġaḋ:

¹⁰ Aċ níor éist misi re, Bálaam; uimesin do ḃeannuiġ sé siḃ a gcoṁnuiḋe: mar sin do ṡáor mé siḃsi ás a láiṁ.

¹¹ Agus do ċúaḋḃair tar Iordan, agus tangaḃair go Ieriċo: agus do ṫroideadar fir Ieriċo ḃur naġaiḋ na Hamorítiġ, agus na Perisítiġ, agus na Canaanítiġ, agus na Hititiġ, agus na Girgasítíġ, agus na Hiḃitiġ, agus na Iebusitiġ; agus ṫug misi ann ḃur láṁuiḃ íad.

¹² Agus do ċuir mé an ceárnaḃan roṁuiḃ, noċ do ṫiomáin, amaċ roṁuiḃ íad, ḋá ríġ na Namoríteaċ; giḋeaḋ ní led ċloiḋeaṁsa, nó led ḃoġa.

¹³ Agus ṫug mé dúiṫċe ḋaóiḃ ar son naċ ndéarnaḃair sáoṫar, agus caiṫreaċa naċ siḃ féin do ċuir súas, agus áitreaḃṫaoi ionta; do na luḃġortuiḃ fíneaṁna agus ola naċ siḃ féin do ṗlannduiġ a seaḋ iṫí.

¹⁴ Annois ar a naḋḃarsin bíoḋ eagla an TIĠEARNA oruiḃ, agus foġnaiḋ ḋó a ngloine agus a ḃfírinne: agus cuiriḋ uáiḃ na dée dar ġéilleadar ḃur naiṫre don taóiḃ oile don tuile, agus annsa Negipt; agus déanuiḋ serḃís don TIĠEARNA.

¹⁵ Agus má ċítior ḋaóiḃ gurob olc serḃís do ḋéanaṁ don TIĠEARNA, toġaiḋ féin a niuġ cía haca dá ndéantaoi serḃís; an do na déeiḃ noċ daḋair ḃur naiṫré táoḃ ṫall don tuile nó do ḋéeiḃ na Namoriteaċ, a ndúiṫċe a ḃfuiltí: aċ ar mo ṡonsa agus ar son mo ṫiġe, foiġeonam don TIĠEARNA.

¹⁶ Agus do ḟreagradar an pobal agus a duḃradar, Nar léigiḋ Día go ttréigfemisne an TIĠEARNA, dfoġnaṁ do ḋéeiḃ eile;

¹⁷ Oír sé ar TIĠEARNA Día ṫug súas sinn, agus ar naiṫre as críċ na Hégipte, ó ṫiġ na daóirsi, agus noċ do rinne na coṁarṫuiḋe móra sin ann gaċ uile ṡliġe a ndeaċamar, agus a measc gaċ uile ṗobal tré ar ġaḃamar:

¹⁸ Agus do ċuir an TIĠEARNA amaċ roṁuinn na daóine uile, eaḋon na Hamorítiġ do áitreaḃ annsa dúiṫċe: uimesin mar an gcéadna foiġeonuimne don TIĠEARNA; óir isé ar Ndía é.

¹⁹ Agus a duḃairt Iosua rís an bpobal, Ní ḟéadṫaoi foġnaṁ don TIĠEARNA: óir is Día náoṁṫa é; is Día éudṁar é; ní ṁaiṫfiḋ sé ḃur ccionta no ḃur bpeácuiḋ ḋaóiḃ.

²⁰ Má ṫréigṫi an TIĠEARNA, agus dée coiṁiḋṫeaċ daḋraḋ, annsin imeoċṫa seision agus do ḋéana sé doċar ḋaóiḃ, agus díoḃáiġfiḋ sé siḃ, tar éis a ndeárna sé do ṁaiṫ ḋiḃ.

²¹ Agus a duḃairt an pobal re Iosua, Ní heaḋ; aċd foiġeonam don TIĠEARNA.

²² Agus a duḃairt Iosua ris an bpobal, Is fiaḋnuise siḃ féin ḃur naġaiḋ féin, gur ṫoġḃair an TIĠEARNA ḋíḃ, do ḋéanuṁ seirḃíse ḋó. Agus a duḃradarsan, Is fiaḋnuisi sinn.

²³ Annois uimesin, ar seision, cuiriḋ uáiḃ na dée coiṁiḋṫeaċa atá eadruiḃ, agus iompoíġiḋ ḃur gcroiḋe ċum an TIĠEARNA Día Israel.

²⁴ Agus a duḃairt an pobal ré Iosua, Ar TTIĠEARNA Día isé aḋrum, agus dá ġuṫ uiṁleoċam.

²⁵ Marsin do rinne Iosua cunnraḋ ris an bpobal an lásin, agus do ċuir síos statúid agus órduġaḋ ḋóiḃ a Seċem.

²⁶ ¶ Agus do scríoḃ Iosua na briaṫraso a leaḃar ḋliġe Dé, agus do ṫóg cloċ ṁór, agus do ċuir na seasaṁ annsin í faói ḋaruiġ, do ḃí láiṁ ré sanctora an TIĠEARNA.

²⁷ Agus a duḃairt Iosua ris an bpobal uile, Féaċuiḋ, biáiḋ an ċloċso mar ḟiaḋnuisi aguinn; óir do ċúala sí bríaṫra an TIĠEARNA uile noċ do laḃair sé rinne: biáiḋ sí ann sin mar ḟiaḋnuisi oruiḃsi, deagla go séanfaḋ siḃ ḃur Ndía.

²⁸ Mar sin do léig Iosua don ṗobal imṫeaċd, gaċ éanduine ḋá oiġreaċd féin.

²⁹ ¶ Agus tárla an diaiġ na neiṫeannsa, gur éug Iosua ṁac Nun, óglaċ an TIĠEARNA, ar mbeiṫ ḋó céud agus deiċ mbliaḋna daóis.

³⁰ Agus do aiḋlaiceadar é a ttéoruinn a oiġreaċda féin a Ttimnat‐serah, noċ atá a slíaḃ Eṗraim, ar an ttáoḃ ṫuaiġ do ċnoc Gaas.

³¹ Agus do rinne Israel serḃís don TIĠEARNA ar feaḋ láeṫeaḋ Iosua, agus uile láeṫe na sinnsior do ṁair a ndiaiġ Iosua, agus agá raiḃ fios uile oibreaċ an TIĠEARNA, noċ do rinne sé ar son Israel.

³² ¶ Agus cnáṁa Ióseṗ, noċ do ṫugadar clann Israel súas as an Négipt, do aḋlaiceadar íad a Seċem, an sa bpíosa fearainn do ċeannuiġ Iacob ó ṁacuiḃ Hámor aṫair Ṡeċem ar ċéad píosa airgid: agus ṫáinic na oíġreaċd ċum cloinne Ioseṗ.

³³ ¶ Agus déug Eleásar ṁac Aaron; agus do aḋlaiceadar é a ccnoc do ḃean ré Ṗínehas a ṁac, noċ tugaḋ ḋó a sliaḃ Eṗraim.