Iosua 10 - An Bíobla Naoṁṫa 1817 (Bedell)

Caibidil X. Iosua, ar tarrṫail Ġibeon o na cúig ríġṫiḃ, sdad an ġrian agus an ġealaċ láoi iomlán a lár neiṁe.

¹ Anois táinic a ccríċ, a núair do ċúaluiḋ Adonísedec riġ Ierusalem mar re ġaḃ Iosua Ai, agus gur ḋíoṫlaiṫriġ sé ṫríd amaċ í; mar do rinne re Ieriċo agus re na ríġ, marsin do rinne re Hái agus re na riġ; agus mar do rinneadar muintir Ġibeon síṫ ré Israel, agus mar do ḃádár na measg;

² Gur eagluiġeadar go mór, do ḃríġ go raiḃ Gíbeon na caṫruiġ ṁóir, mar aon do na caiṫreaċaiḃ ríoġaṁla, agus do ċionn gur ṁó í ná Ai, agus go raḃadar a daoine uile láidir.

³ Uimesin do ċuir Adonisedec ríġ Ierusalem fios go Hoham riġ Hebron, agus go Píram ríġ Iarmut, agus go Ioṗia ríġ Laċis, agus go Debir ríġ Eglon, ġa ráḋ,

⁴ Tigiḋ suas ċugamsa, agus cuidiġe liom lé mbúailfimís Gibeon: óir do rinne sé síṫ re Iosua agus re cloinn Israel.

⁵ Ar a náḋḃarsin do ċruinniġeadar cúig ríġṫe na Namoriteaċ íad féin a cceann a ċeile, ríġ Ierusalem, ríġ Hebron, ríġ Iarmut, ríġ Laċis, ríġ Eglon, agus do ċúadar súas, iad féin agus a slóiġ uíle, agus do ċoṁnuiġeádar a naġuiḋ Gibeon, agus do rinneadar cogaḋ na haġaiḋ.

⁶ ¶ Agus do ċuireadar muintir Ġibeon fios ċum Iosua don ċampa go Gilgal, gá ráḋ, Ná mainneaċdnuiġ do láṁ ód ṡerḃíseaċuiḃ; tárr ċuguinn tráṫ, agus sáor sinn, agus tárṫuiġ sinn: oir atáid na ríġṫe nan Amoriteaċ áitreaḃus air na sléiḃtiḃ uile ar ccruinniuġaḋ ar naġuiḋ.

⁷ Annsin do ċuáiḋ Iosua súas ó Ġilgal, é féin, agus a luċd coguiḋ uile ná ḟoċair, agus na gaisgiḋ neartṁara uile.

⁸ ¶ Agus a duḃairt an TIĠEARNA ré Iosua, Ná heagluiġṫear ṫú rompa: óir do ṡeaċuid misi ad laiṁ íad; ní ṡeasfa duine ḋíoḃ roṁad.

⁹ Ṫáinic Iosua ar a naḋḃarsin ċuca go hobann, agus do ċuáiḋ sé súas ó Ġilgal ansa noiḋċe,

¹⁰ Agus do ċlaóiḋ an TIĠEARNA íad roíṁe Israel, agus do ṁarḃ íad re hár mór a Ngibeon, agus do ṫiomáin íad ar fud na sliġeaḋ ṫéid súas go Betóron, agus do ḃúaileadar íad go Asecah, agus go Macedah.

¹¹ Agus tárla, mar do ḃádar ag teiṫioṁ roiṁe Israel, agus iad ag dul ré fanuiḋ go Betóron, gur ṫeilg an TIĠEARNA cloċá móra a núas ó neaṁ orra go nuige Asecah, agus gur marḃaḋ íad: ba mó an ṁéid do marḃaḋ le cloiċṡneaċda ḋíoḃ, ná ar ṁarḃadar clann Israel leis an ccloiḋeaṁ.

¹² ¶ Ann sin do laḃair Iosua ris an TTIĠEARNA an sa lá ṫoirḃir an TIĠEARNA na Hámorítiġ súas roiṁe ċloinn Israel, agus a duḃairt sé a raḋarc Israel, A ġrían, fan ad ċoṁnuiġe ar Ġibeon; agus a ġealaiḋ, a ngleann Aialon.

¹³ Agus dfan an ġrían na ṡeasaṁ, agus do sdad an ġealaċ, no gur ḋioġladar na dáoine íad féin air a náṁuiḋ. Naċ ḃfuil so scríoḃṫa a leaḃar Iaser? Mar sin dfan an ġrían na ṡeasaṁ a lár neiṁe, agus nior ḋeifriġ ar ḋul fáoi timċioll laoí iomláin.

¹⁴ Agus ní raiḃ éanlá ríaṁ cosṁuil ris sin roiṁe nó na ḋiáiġ, gur éist an TIĠEARNA re guṫ duine: óir do ṫroid an TIĠEARNA ar son Israel.

¹⁵ Agus dfill Iosua, agus Israel uile maille ris, don ċampa go Gilgal.

¹⁶ ¶ Aċ do ṫeiṫiodar na cúig riġṫesi, agus do dfoluiġeadar íad féin a núaṁuiġ ag Macedah.

¹⁷ Agus do hinniseaḋ sin do Iosua, ġá ráḋ, Do fríṫ an cúigear riġṫe a núaṁuiġ ag Macedah.

¹⁸ Agus a duḃairt Iosua, Iompóiḋ cloċa móra ar ḃéul na húaṁa, agus cuiriġ dáoine láiṁ ría ḋá ccoiṁéad:

¹⁹ Aċ ná fanuiġsi, leanuiḋ a ndiaiġ ḃur náṁad, agus búailiḋ a ndeireaḋ; ná léigiḋ ḋóiḃ dul a steaċ da gcaiṫreaċuiḃ: óir do ṫoirḃir ḃur TTIĠEARNA Día ann ḃur laṁuiḃ íad.

²⁰ Agus tárla, a núair do ċrioċnuiġ Iosua agus clann Israel a marḃaḋ lé hár ro ṁór, nó gur sgriosaḋ íad, go ndeaċadar an ṁéid do ṁair díoḃ a steaċ a gcaiṫreaċaiḃ daingne.

²¹ Agus do ḟilleadar an pobal uile don ċampa go Iosua a Macedah a síoṫċáin: níor ċorruiḋ éanduine a naġaiḋ áoin do ċloinn Israel.

²² ¶ Annsin a duḃairt Iosua, Oscluiġ béul na húaṁa, agus taḃair ċúgam amaċ na cúig riġṫe sin as a núaṁaiġ.

²³ Agus do rinneadar mar sin, agus tugadar na cúig ríġṫe sin ċuige amaċ as a núaṁuiġ, ríġ Ierusalem, ríġ Hebron, ríġ Iarmut, ríġ Laċis agus ríġ Eglon.

²⁴ Agus tárla, a núair ṫugadar na riġṫesin amaċ go Iosua, gur ġoir Iosua ar ḟearuiḃ Israel uile, agus a duḃairt sé re caiptíniḃ an luċd cogaiḋ do ċúaiḋ leis, Druidiḋ a leiṫ, cuirfiḋe ḃur ccosa ar ṁuinealuiḃ na rioġso. Agus tangadar láiṁ ris, agus do ċuireadar a ccosa ar a muinealuiḃ.

²⁵ Agus a duḃairt Iosua riú, Ná húambnuiġṫear siḃ, agus ná biṫí imṡuíoṁaċ, bíṫí láidir agus láinḃéoḋa: óir is marso do ḋeana an TIĠEARNA ré ḃur naiṁdiḃ uile re a ttroidfiġ:

²⁶ Agus na ḋiáiġsin do ḃúail Iosua íad, agus do ṁarḃ sé íad, agus do ċroċ sé ar ċúig crannuiḃ íad: agus do ḃádar croċta ar na crannuiḃ go tráṫnóna.

²⁷ Agus tárla a nam dul faói na gréine, gur ḟúagair Iosua, agus tugadar a núas as na crannuiḃ íad, agus do ṫeilgeadar an sa núaṁuiġ íad mar a raḃadar a ḃfolaċ, agus do ċuireadar cloċa móra a mbéul na húaṁa, noċ ṁairios gus a niuġ.

²⁸ ¶ Agus an lá céadnasin do ġaḃ Iosua Macedah, agus do ḃúail í le faoḃar an ċloiḋiṁ, agus a ríġ do ṁarḃ sé ṫríd amaċ, íad féin, agus a raiḃ danmannuiḃ inte; níor léig sé aon díoḃ as: agus do rinne sé ré ríġ Ṁacedah mar do rinne re ríġ Ieriċo.

²⁹ ¶ Annsin do ġlúais Iosua ó Ṁacedah, agus Israel uile maille ris go Libnah, agus do ṫroid sé a naġaiḋ Libnah:

³⁰ Agus do ṫoirḃir an TIĠEARNA í mar an gcéudna, agus a rí, a láiṁ Israel; agus do ḃúail se í lé fáoḃar an ċloiḋiṁ, agus a raiḃ danmannuiḃ inte; níor léig sé áon díoḃ as dá raiḃ inte; agus do rinne sé ré na ríġ mar do rine re ríġ Ieríċo.

³¹ ¶ Agus do ġluáis Iosua ó Libnah, agus Israel uile maille ris go Laċis, agus do ċampuiġeadar na haġaiḋ, agus do ṫroideadar na haġaiḋ:

³² Agus do ṡeaċuid an TIĠEARNA Laċis a láiṁ Israel, noċ do ġaḃ í an dara lá, agus do ḃuail í le fáoḃar an ċloiḋiṁ, agus a raiḃ danmannuiḃ inte, do réir a nuile neiṫe do rinneadar re Libnah.

³³ ¶ Annsin ṫainic Horam ríġ Geser súas do ċongnaṁ le Laċis; agus do ḃuáil Iosua é féin agus a ṁuintir, no gur ḟág gan eanduine béo é.

³⁴ ¶ Agus do ġluáis Iosua ó Laċis go Heglon, agus Israel uile maille rís; agus do ṡuiġeadar a ccampa re na huċd, agus do ṫroideadar na haġuiḋ:

³⁵ Agus do ġaḃadar í an lá sin, agus do ḃuaileadar í lé fáoḃar an ċloiḋiṁ, agus a raiḃ danmannuiḃ innte do marḃaḋ íad an lá sin, do réir gaċ éainneiṫe dá ndéarnaḋ ré Laċis.

³⁶ ¶ Agus do ċuáiḋ Iosua súas ó Eglon, agus Israel uile maille ris, go Hébron; agus do ṫroideadar na haġaiḋ:

³⁷ Agus do ġaḃadar í, agus do ḃuaileadar í lé faoḃar an ċloiḋiṁ, agus a ríġ, agus a caiṫreaċa uile, agus a nuile anam dá raiḃ inte; níor ḟág éanduine béo ḋíoḃ, do réir a nuile ní dá ndearnaḋ re Heglon; aċ do scríos go hiomlán í, agus a raiḃ danmannuiḃ inte.

³⁸ ¶ Agus do ḟill Iosua, agus Israel uile maille ris, go Debir; agus do ṫroid na haġuiḋ:

³⁹ Agus do ġaḃ í, agus a ríġ, agus a caiṫreaċa uile; agus do ḃuaileadar íad lé faoḃar an ċloiḋiṁ, agus do ṁarḃadar a raiḃ danmannuiḃ innte; níor ḟág aon béo: mar do rinne sé re Hébron is mar sin do rinne re Debir, agus re na ríġ; mar do rinne fós re Libnah, agus re na ríġ.

⁴⁰ ¶ Mar sin do ḃuáil Iosua tír na slíaḃ, agus an taoiḃ ó ḋeas, agus na gleánnta, agus na sruṫ, agus a ríġṫe uile: níor ḟág neaċ béo ḋíoḃ, aċ do scrios sé uile an ṁéid iona raiḃ anáil, mar do aiṫin an TIĠEARNA Día Israel.

⁴¹ Agus do ḃuáil Iosua íad ó Ċadesbarnéa go nuige Gása, agus tír Ġosen uile, go nuige Gibeon.

⁴² Agus do ġaḃ Iosua na ríġṫesin uile agus a ndúiṫċe a néainḟeaċd, do ċionn gur ṫroid an TIĠEARNA Día Israel ar son Israel.

⁴³ Agus do ḟill Iosua, agus Israel uile maille ris, don ċampa go Gilgal.